GÉNESIS 39:23 - Dios Rimashca Shimicunami

²³ Joseca Mandaj Dios paihuan cajpimi, tucui pai imata rurashcapish alli llujshirca. Chaimi carcelpi cajcunata ricujcunata mandajca José ima shina ruracujta ricunataca mana yuyarca.

GÉNESIS 39:23 Iomraidhean Croise

GÉNESIS 39:20

Chaimi Josepaj amoca Josetaca jatun mandaj prezu churashcacuna tiyacun carcel-llapitaj prezu churachirca. Chaipimi prezu saquirirca.

GÉNESIS 39:8

Ashtahuanpish Joseca, mana chaita rurasha nishpami paipaj amopaj huarmitaca: –Ñuca amoca paipaj huasipi tucui imalla tiyashcacunata ñuca alli cuidajta ricushpami, paica imata mana sustarishpa tucui imalla charishcacunataca ñuca maquipi churarca.

SALMOS 1:3

Chai runaca yacu uripi tarpushca yura shinami canga. P'ucuna punllacunapitaj p'ucuj shinami canga. Chai yuramantaca p'angacunapish mana urmanchu. Tucui imata pai rurashcapish allimi llujshinga.

ISAÍAS 43:2

Yacuta ch'imbacujpipish ñucami canhuan casha. Jatun yacucunata ch'imbacushpapish, mana millpuringuichu. Nina jahuata pasashpapish, mana rupanguichu. Lunyacuj ninapish, canpica mana japiringachu.

DANIEL 6:22

Ñucataca Taita Diosca ima millaita mana ruraj cashcatami ricushca. Cambaj ñaupajpipish ima millaita mana rurashcanichu. Chaimantami ñuca Taita Diosca leoncuna ñucata ama micuchun paipaj angelta cachashpa leoncunapaj shimitaca huichcarca– nircami.

1 SAMUEL 2:30

Chaimantami israelcunata Mandaj Diosca cashna nin: Cambaj ñaupa yayacunatapish, cambaj huasi familiatapish, ñuca ñaupajpi purichunmi churarcani. Ashtahuanpish cunanca Mandaj Diosca cashnami nin: Chaipi cachunca manataj saquishachu. Ñucata allipi churajcunallatami allipi churasha. Ñucata p'iñajcunataca yanganchishami.