GÉNESIS 39:21 - Dios Rimashca Shimicunami

²¹ Prezupi cajpipish Mandaj Diosca Josehuan cashpa paita llaquijpimi, carcelpi cajcunata ricujcunata mandajpica allita ruraj ricurirca.

GÉNESIS 39:21 Iomraidhean Croise

GÉNESIS 21:22

Chai punllacunallatajmi Abimelecca, paipaj soldadocunata mandaj Ficolndij Abrahampajman rishpaca: –Taita Dios canhuan cajpi can tucui imata rurashcapish alli cashcatami ricunchij.

GÉNESIS 39:2

Mandaj Diosca Josehuanmi carca. Chaimi paica tucui imapipish alli llujshirca. Paica paipaj amo Potifarpaj huasipimi causarca.

GÉNESIS 39:3

Josepaj amoca Mandaj Diosca Josehuan cashcamanta, tucui pai imalla charishcacunapish yallitaj achcayashcatami ricurca.

GÉNESIS 39:4

Joseca chashnami paipaj amopi alli ricurishpa paipajta alli ruraj tucurca. Chaimi Potifarca paipaj huasipi mayordomo cachun churashpa, tucui pai imalla charishcacunata Josepaj maquipi churarca.

GÉNESIS 40:3

paita cuidaj soldadocunata mandajpaj huasipi prezu churagrichun mandarca. Josepish chai carcel-llapitajmi carca.

SALMOS 105:19

Pai huillashca shimi pajtangacamami chashna carca. Mandaj Dios rimashcami Josetaca alli cajta mana alli cajta ricuchicurca.

SALMOS 105:22

Pai churashca mandajcunataca paipaj ima shinami alli can chashna yachachishpa mandachunmi churarca. Paipaj cunaj yuyajcunatapish yachaj cachun yachachichunmi churarca.

SALMOS 106:46

Tucui paicunata prezu charicujcunamanpish paillatajmi paicunata llaquina yuyaitami curca.

ÉXODO 11:3

Mandaj Diosca, israelcunataca egipciocunapaj ñahuipi alli ricurij cajtami rurarca. Moisestapish faraonpajta rurajcunapaj ñaupajpi, egipciocunapaj ñaupajpi chai llajtapica allita ruraj runa cashcatami ricuchirca.

ÉXODO 12:36

Mandaj Diosca israelcunataca egipciocunapaj ñahuipi alli ricurij cajta rurajpimi, egipciocunaca mashnata israelcuna mañashcata cujpi, israelcunaca egipciocunataca quichushpa rircacuna.

ÉXODO 3:21

Cancuna chai llajtamanta llujshicushpa, ama chushaj maquilla llujshichunca Egiptopi causajcunamanca, cancunata llaquina yuyaitami cusha.

PROVERBIOS 16:7

Mandaj Diosta cushichishpa, sumajta causaj runataca paicunata p'iñajcunapish alli tucushpa mana llaquichincunachu.

ISAÍAS 41:10

Ñuca canhuan cashcamanta ama manchaichu, ama shaicurichu. Ñucami canman fuerzata cuj Taita Dios cani. Cantaca ayudacushallami. Ñuca alli maquipi cashcata rurajhuanmi cantaca charirasha.

ISAÍAS 43:2

Yacuta ch'imbacujpipish ñucami canhuan casha. Jatun yacucunata ch'imbacushpapish, mana millpuringuichu. Nina jahuata pasashpapish, mana rupanguichu. Lunyacuj ninapish, canpica mana japiringachu.

DANIEL 1:9

Danieltaca Taita Dios eunucocunata pushajpaj ñahuipi alli ricurichun churajpimi, eunucocunata pushajca paihuan alli cana yuyai tucurca.

DANIEL 6:22

Ñucataca Taita Diosca ima millaita mana ruraj cashcatami ricushca. Cambaj ñaupajpipish ima millaita mana rurashcanichu. Chaimantami ñuca Taita Diosca leoncuna ñucata ama micuchun paipaj angelta cachashpa leoncunapaj shimitaca huichcarca– nircami.

Romanos 8:37

Chashna cajpica cai tucui llaquicunataca, ñucanchijta c'uyaj Cristohuanca mishajcunatapish yalli jahualla mishajcunami canchij.

1 Pedro 3:17

Mana allita rurashcamanta llaquita apanapaj randica, allita rurashcamanta llaquita apanami ashtahuan alli. Chaitami Diosca munan.