GÉNESIS 39:11 - Dios Rimashca Shimicunami

¹¹ Shuj punllami Joseca pai imalla rurana cashcata rurangapaj huasiman yaicurca. Chai punllallatajmi chai huasimantaca tucuicuna illarca.

GÉNESIS 39:11 Iomraidhean Croise

GÉNESIS 39:10

Chai huarmica Josetaca punllantami chashna nicurcalla. Ashtahuanpish Joseca chai huarmihuanca mana siririsha nircachu. Paipaj c'uchupi canallatapish mana munarcachu.

GÉNESIS 39:12

Chaimi chai huarmica, churanapi japishpa Josetaca: –Cunantajca ñucahuan dormishunllari– nijpi Joseca, churanata chai huarmipaj maquipi shitashpa callpashpa rirca.

JOB 24:15

Huainayajca tutayajtaca chaparacunmi. Paica: Pipish ñucataca mana ricungachu nishpami, ñahuita taparishpa llujshirin.

PROVERBIOS 9:17

“Shuhuashca yacuca mishquimari, pacallapi tandata micunaca manataj amipajmari” ninmi.

JEREMÍAS 23:24

Mandaj Diosca cashnapishmi nin: “¿Pitaj ñuca mana ricunapi miticui tucungari? Ñucaca tucui jahua pachapipish, cai pachapipish jundamari cani. Mandaj Diostajmi chashna nini.

MALAQUÍAS 3:5

Tucuita Mandaj Diostajmi cashna nini: Ñucami cancuna imalla rurashcacunata ricuj shamusha. Chai punllapimi yumbucunatapish, huainayajcunatapish, llullashpa huillajcunatapish, trabajajcunaman cullquita mana tucui pagajcunatapish, viudacunata, yaya mama illajcunata p'iñajcunatapish, caru llajta runacunata llaquichijcunatapish, ñucata mana manchajcunatapish llaquichisha.

Efesios 5:12

Paicuna pacalla rurashcata huillanataca pingananpishmi.

Efesios 5:3

Ashtahuanpish cancunapurapica, apanacushpa causajcuna, tucui laya mapacuna, quiquinpajlla ashtahuan charij canata munajcunaca amataj uyarichunllapish. Jucha illajcuna cashcamantaca chai shinataj causaichij.