GÉNESIS 39:10 - Dios Rimashca Shimicunami

¹⁰ Chai huarmica Josetaca punllantami chashna nicurcalla. Ashtahuanpish Joseca chai huarmihuanca mana siririsha nircachu. Paipaj c'uchupi canallatapish mana munarcachu.

GÉNESIS 39:10 Iomraidhean Croise

GÉNESIS 39:11

Shuj punllami Joseca pai imalla rurana cashcata rurangapaj huasiman yaicurca. Chai punllallatajmi chai huasimantaca tucuicuna illarca.

GÉNESIS 39:8

Ashtahuanpish Joseca, mana chaita rurasha nishpami paipaj amopaj huarmitaca: –Ñuca amoca paipaj huasipi tucui imalla tiyashcacunata ñuca alli cuidajta ricushpami, paica imata mana sustarishpa tucui imalla charishcacunataca ñuca maquipi churarca.

GÉNESIS 39:9

Cai huasipica ñucata yalli tucuita ricujca, pi mana tiyanchu. Ñuca amoca tucui paipaj ima charishcacunatapish tucuitami ñuca maquipi churarca. Canllatami mana ñuca maquipi churarca. Chashna cashcamanta ñucaca maitataj jatun millaita rurashpa, Taita Diosta p'iñachishpa juchallishari– nircami.

PROVERBIOS 1:15

Chashna nijpipish ñuca huahualla, paicunahuanca amataj tandanacunguichu. Paicuna shina purinataca amataj yuyanguichu.

PROVERBIOS 2:16

Cai shimicunallatajmi cantaca, shujtaj huarmicuna mishquijlla shimicunahuan inquitashpa urmachinamanta huaquichinga.

PROVERBIOS 22:14

Huainayaj millai huarmi rimashca shimicunaca, urmana jatun jutcu shinami. Mandaj Dios p'iñashcacunami chai huarmihuan juchapi urmancuna.

PROVERBIOS 23:27

Huainayashpa causaj huarmihuan cashpapish, cusayuj shujtaj huarmihuan cashpapish juchapi urmanaca, mana llujshi tucuipaj jatun jutcupi urmashca shinami.

PROVERBIOS 23:28

Chai huarmicunaca shuhua shina chapashpami, millaita rurachincuna. Paicunamantami achca c'aricuna cazuj canata saquincuna.

PROVERBIOS 5:3

Shujtaj huarmica mishquijlla shimicunahuan inquitajmi. Pai rimashcaca aceitetapish yalli llambujllami.

PROVERBIOS 5:8

Chai huarmipajmanca amataj ringuichu. Pai causacun huasi pungullamanpish amataj c'uchuyanguichu.

PROVERBIOS 7:13

Chai huarmica chai mosohuan tupashpaca, ugllarishcahuanmi mucharca. Chaimantaca imata mana pingashpami cashna nirca:

PROVERBIOS 7:5

Chashna rurajpimi cai shimicunaca, huainayaj huarmicuna sumaj shimicunahuan inquitanamanta huaquichinga.

PROVERBIOS 9:14

Paipaj huasica tucuicuna ricunallapimi. Chai huasi pungupimi shuj sumaj tiyanapi tiyarin.

PROVERBIOS 9:16

Yachai illajcunataca: “Caiman shamuichij” ninmi. Alli yuyaita mana charijcunataca:

1 Corintios 15:33

Ama umarichijchu. “Mana alli parlocunaca, alli causaitami llaquichin”.

1 Corintios 6:18

Huainayajcunamanta caruyaichij. Maijanpish ima juchata rurashpaca, paipaj cuerpotaca mana imata ruranchu. Ashtahuanpish huainayajca, paipaj cuerpopaj llaquipajllatajmi juchallin.

1 Tesalonicenses 5:22

Tucui millaimantaca anchurichij.

1 Timoteo 5:14

Ashtahuanpish q'uipa huiñai viudacunaca cazarashpa, huahuacunata alli huiñachishpa, paipaj huasi familiata mandachunmi munani. P'iñajcuna juchachishpa cushicuna ama tucuchunmi chashnaca nini.

2 Timoteo 2:22

Q'uipa huiñaicunapaj millai munaita ruranamanta anchuri. Mandaj Jesusta chuya shunguhuan mañajcunahuan tandanacushpa, cashcata ruranata, alli crinata, c'uyaj canata, sumajta causanata catirai.

1 Pedro 2:11

C'uyashcacuna cancunataca shujtaj llajtamanta pasacujllacuna shina causachunmi cai pachapica ñucaca rogani. Cancunapaj almahuan macanacucuj aicha munaicunataca ama ruraichijchu.