GÉNESIS 38:5 - Dios Rimashca Shimicunami

⁵ Cutinllataj chichushpapish shujtaj c'ari huahuallatatajmi huacharca. Paitaca Sela shutitami shutichirca. Quezibpi causacushpami, chai huahuataca huacharca.

GÉNESIS 38:5 Iomraidhean Croise

GÉNESIS 38:11

Judaca paipaj nuera Tamartaca: –Ñuca churi Sela cazaranapajta tucungacama, cambaj yayapaj huasipi viudallataj causagrilla– nijpimi, Tamarca paipaj yayapaj huasipi causanaman rirca. “Selapish, caishuj huauquicuna shina huañungallatajmari” nishpami chashna nirca.

GÉNESIS 38:26

Chaimi Judaca, chaicunaca paipajllataj cashcata rijsishpa: “Tamarca ñucata yalli allitamari rurashca. Ñucamari ñuca churi Selata mana paihuan cazarachishpaca, mana allita rurarcani” nirca. Judaca chai huarmipica cutinca ña mana chayarircachu.

GÉNESIS 38:6

Judaca paipaj punta churi Erpaj huarmi cachunca, Tamar huarmitami japirca.

GÉNESIS 46:12

Judapaj churicunaca: Er, Onán, Sela, Fares, Zara shuticunami carca. Er, Onán runacunaca Canaanllapitajmi huañurcacuna. Farespaj churicunaca Hezrón, Hamul shuticunami carca.

1 CRÓNICAS 2:3

Judapaj churicunaca: Er, Onán, Sela shuticunami carca. Chai quimsa churicunataca cananeocunapura Súa shuti runapaj ushushipimi charirca. Judapaj punta churi Erca, Mandaj Diospaj ñaupajpica millaimi carca. Chaimi paitaca Diosllataj causaita quichurca.

1 CRÓNICAS 4:21

Judapaj churi Selapaj churicunaca: Er, Laada shuticunami carca. Erca, Lecapaj yayami carca. Laadaca, Maresapaj yayami carca. Chaicunapaj huahua huahuacunaca, Bet-asbea pueblopimi linota ahuashpa causarcacuna.

NÚMEROS 26:19

Judapaj churicunaca: Er, Onán shuticunami carca. Er, Onán runacunaca Canaán llajtapi cashparajmi huañurca.

NÚMEROS 26:20

Judapaj churicunamanta mirarishca familiacunaca: Sela runamanta mirarishca selaitas nishca familiacuna, Fares runamanta mirarishca faresitas nishca familiacuna, Zera runamanta mirarishca zeraitas nishca familiacunami carca.