GÉNESIS 38:2 - Dios Rimashca Shimicunami

² Chaipi cashpami Judaca, cananeo Súa shuti runapaj ushushita rijsishpa paipaj huarmi cachun japishpa paipi chayarirca.

GÉNESIS 38:2 Iomraidhean Croise

GÉNESIS 24:3

ñuca churi Isaactaca, ñuca causacun cai Canaán llajtapi causaj huarmicunapurahuan cazarachun mana saquinata jahua pachata, cai pachata Mandaj Taita Diospaj ñaupajpi ari ni.

GÉNESIS 28:1

Chaimi Isaacca, Jacobta cayashpa alli cashca cachun nishpa mandashpaca: “Cai Canaán llajtapi causajcunapaj ushushicunataca cambaj huarmi cachunca amataj japinguichu.

GÉNESIS 3:6

Chai yurapi p'ucushca granoca micunapaj alli cashcata, paipaj ñahuipica sumaj cashcata, chai yuramanta micushpaca yachaj tucunapaj alli cashcata ricushpami chai yurapi p'ucushcata japishpa micurca. Paipaj cusamanpish carajpimi, paipish paipaj huarmi shinallataj micurca.

GÉNESIS 34:2

Paitaca chai llajtata mandaj heveo Hamorpaj churi Siquem moso ricushpami mana nicujllatataj pushashpa paihuan dormishpa pingaichirca.

GÉNESIS 46:12

Judapaj churicunaca: Er, Onán, Sela, Fares, Zara shuticunami carca. Er, Onán runacunaca Canaanllapitajmi huañurcacuna. Farespaj churicunaca Hezrón, Hamul shuticunami carca.

GÉNESIS 6:2

Taita Diospaj churicunaca chaicunapaj ushushicunaca sumaj cajta ricushpami tucuimanta yalli sumaj cajcunata agllashpa paicunapaj huarmi cachun japirca.

GÉNESIS 6:4

Taita Diospaj churicuna runacunapaj ushushicunahuan chayarinacujpi chai huachashca huahuacunami, chai punllacunapipish, q'uipa punllacunapipish yallitaj jatun c'ari c'ari runacuna tiyarca. Paicunaca alli macanacuj millai runacunami carca.

2 SAMUEL 11:2

Shuj punlla ña chishiyacujpimi Davidca, paipaj camamanta jatarishpa, pai mandashpa tiyana huasi jahuata pambajllata rurashcapi puricushpa, shuj huarmi armacujta ricurca. Chai huarmica sumajmi carca.

1 CRÓNICAS 2:3

Judapaj churicunaca: Er, Onán, Sela shuticunami carca. Chai quimsa churicunataca cananeocunapura Súa shuti runapaj ushushipimi charirca. Judapaj punta churi Erca, Mandaj Diospaj ñaupajpica millaimi carca. Chaimi paitaca Diosllataj causaita quichurca.

NÚMEROS 26:19

Judapaj churicunaca: Er, Onán shuticunami carca. Er, Onán runacunaca Canaán llajtapi cashparajmi huañurca.

2 Corintios 6:14

Cancunaca mana crijcunahuanca, yugushca shinaca ama tandanacuichijchu. Cashcata ruranaca, mana cashcata ruranahuanca mana tandanacunchu. Luzca, amsahuanca mana chagrurinchu.

JUECES 14:2

Chaimanta tigrashpami, paipaj yaya mamamanca: –Timnatpica filisteocunapura shuj huarmitamari ricumuni. Chai huarmihuan ñucata cazarachihuaichij– nirca.

JUECES 16:1

Sansonca, Gazaman rishpaca, huainayashcahuan causaj shuj huarmita ricushpami, chai huarmipi chayarirca.