GÉNESIS 34:7 - Dios Rimashca Shimicunami

⁷ Jacobpaj churicunaca michinamanta tigramushpami, paicunapaj pani ima tucushcata yachaj chayarcacuna. Paicunapaj yaya Jacobpaj ushushihuan Siquem moso dormishpaca, manapish rurana cashcata rurashpa israelcunata jatun pingaipi churashcamantami achcata llaquirishpa yallitaj p'iñarircacuna.

GÉNESIS 34:7 Iomraidhean Croise

GÉNESIS 20:9

Chai q'uipami Abimelecca, Abrahamta cayashpaca: –Canca ¿imatataj rurashcanguichu imamí? Ñucapajmanpish, ñuca mandacun llajtamanpish jatun jucha shamuchunca ñucaca cambajca ¿ima millaitataj rurashcaniyari? Canca ñucahuanca manapish ruraipajtamari rurashcangui.

GÉNESIS 34:6

Chaicamaca Siquempaj yaya Hamorca, Jacobhuan parlanacungapajmi rirca.

GÉNESIS 34:8

Hamor runa paicunahuan parlashpaca: –Ñuca churi Siquemca cambaj ushushipi shunguta churashpami yallitaj munan. Chaimanta paitaca ñuca churipaj huarmi cachun cuchunmi rogani.

GÉNESIS 46:7

Paipaj churicunahuan, paipaj nietocunahuan, paipaj ushushicunahuan, paipaj nietacunahuanmi rirca. Jacobca paipaj huahua huahuacunataca tucuicunatami Egiptoman pushashpa rirca.

2 SAMUEL 13:21

Jatun mandaj Davidca tucui chaicunata uyashpaca, achcatami p'iñarirca.

SALMOS 93:5

Ima shina causanata quiquin yachachishcacunaca pi mana cuyuchipajmari. Quiquin jucha illaj cashcami quiquinpaj huasipica ricunanqui junda. Mandaj Diosca huiñaimanta huiñaicamami.

PROVERBIOS 7:7

Paicunamanta shujtami yallitaj yuyai illaj, upa cashcata ricurcani.

JEREMÍAS 29:23

Paicunaca israelcunapurapica, jatun millaitamari rurancuna. Pipaj huarmihuanpish huainayashpa puricushca jahuami, manapish ñuca huillachun cachajpi, llullashpalla ñuca shutipi huillancuna. Chaitaca tucuitami yachani, ñucatajmi tucuita ricuchigrini ninmi Mandaj Diosca” nishpami quillcashpa cacharca.

LEVÍTICO 4:13

Tucui tandanacushca israelcuna Mandaj Dios mandashca maijan mandashcacunata mana yuyarishcamanta, tucuicuna mana cazushca cashpapish paicuna mana cazucushcataca pi mana yuyarishca cashpapish juchayujmi canga.

LEVÍTICO 4:2

Israelcunataca: Mandaj Dios mandashca maijancunata mana rurana cashcata mana yuyarishcamanta rurashpaca, cashna rurachun mandai:

LEVÍTICO 4:27

Maijanpish israelcunapuramanta Mandaj Dios tucui mandashcacunamanta maijan shuj mandashcata mana yuyarishcamanta mana cazushpa rurashpaca juchayujmi tucun.

1 Corintios 10:8

Paicunamanta maijancuna shina ama huainayajcuna cashunchijchu. Chashnacunaca shuj punllallapimi, 23.000 huañurcacuna.

1 Corintios 6:18

Huainayajcunamanta caruyaichij. Maijanpish ima juchata rurashpaca, paipaj cuerpotaca mana imata ruranchu. Ashtahuanpish huainayajca, paipaj cuerpopaj llaquipajllatajmi juchallin.

Efesios 5:3

Ashtahuanpish cancunapurapica, apanacushpa causajcuna, tucui laya mapacuna, quiquinpajlla ashtahuan charij canata munajcunaca amataj uyarichunllapish. Jucha illajcuna cashcamantaca chai shinataj causaichij.

DEUTERONOMIO 22:20

Chai huarmi ña shujtaj c'arihuan chayarinacushca cajpica,

DEUTERONOMIO 22:21

paipaj yayapaj huasi punguman llujshichishpa, chai pueblopi causaj c'aricuna huañungacama rumicunahuan shitachuncuna. Chai huarmica paipaj yayapaj huasipi huainayashpa israelcunapurapi millaita rurashcamantami chashna rurana canguichij. Chashnami cancunapuramantaca chai millaitaca anchuchinguichij.

DEUTERONOMIO 23:17

Israelcunapurapica huainayashcahuan causaj huarmica ama tiyachun. C'aricunapish c'aripurallataj siririjcunaca ama tiyachun.

Colosenses 3:5

Chaimanta cancunapi tiyaj cai pachapaj yuyaicunataca: Apanacushpa causanata, mapa causaita, mana alli ruraicunata, millai munaicunata, quiquinpajlla ashtahuan charij canatapish huañuchichij. Chaicunaca rurashcalla Diosta adorashca shinallatajmi.

1 Timoteo 5:13

Shinallataj huasin huasin purishpami, q'uilla tucuncuna. Mana q'uillallapish tucuncunachu, ashtahuanpish parlaricujcuna, maipipish satirijllacuna, mana rimana cashcata rimajcunapishmi tucuncuna.

Hebreos 13:4

Cazaranaca tucuicuna alli nishca cachun. Paicuna chayarinacunapish chuya cachun. Ashtahuanpish apanacushpa causajcunata, huainayajcunataca Diosmi paicuna ima shina cashcataca ricuchinga.

Santiago 3:10

Chai shimillamantatajmi alli nishcapish, mana alli nishcapish llujshin. Ñuca huauquicunalla, chashna canaca mana allichu.

JOSUÉ 7:15

Chaicunapurapi chingachinapaj tucushca runa japi tucujpica, paipaj huasi ucupuracunandij, tucui imallata charishcacunandij rupachishpa tucuita chingachinguichij. Mandaj Dioshuan ari ninacushcata p'aquishpa, israelcunata jatunta pingachishcamantaca chashnami rurana canguichij– nircami.

1 Pedro 2:9

Ashtahuanpish cancunaca Dios agllashcacunapura, jatun mandajpajta ruraj curacuna, jucha illaj llajta, Diospajlla cachun randishca pueblomi canguichij. Cancunataca amsamanta paipaj sumaj achijman cayashpa, mancharina allicunata huillachun agllashcacunami canguichij.

JUECES 20:6

Chaita japishpami mirga mirgata p'itishpaca israelcuna causan tucui llajtacunaman cacharcani. Chashna huañuchishpa Israelpi yallitaj millaita rurashcamantami chashna cacharcani.