GÉNESIS 33:4 - Dios Rimashca Shimicunami

⁴ Ashtahuanpish Esauca Jacobta tupanaman callpashpa rishpaca paipaj cungapi ugllarishpa muchashpami ishquindijtaj huacanacurca.

GÉNESIS 33:4 Iomraidhean Croise

GÉNESIS 29:11

Chai q'uipaca Jacobca Raquelta muchashpami huacarca.

GÉNESIS 29:13

Labanca paipaj pani Rebecapaj churi Jacob shamushcata uyashpami, tupanaman callpashpa rishpaca, allillachu cangui nishpa ugllarishpa muchashpa, paipaj huasiman pusharca. Chaipimi Jacobca pai imalla tucushcata Labanmanca tucuita parlarca.

GÉNESIS 32:11

Ñuca huauqui Esaú shamushpa ñuca huarmicunata huahuacunandij huañuchinatami manchani. Cunanca ñuca huauquipaj maquimanta quishpichihuai.

GÉNESIS 32:28

Chaipimi chai runaca: –Canca cunanca ña mana Jacob shutichu cangui. Taita Dioshuanpish, runacunahuanpish macanacushpa mishashcamanta, Israel shutimi cangui– nirca.

GÉNESIS 43:30

Joseca paipaj huauquita ricushpaca, shungupi llaquirishpa huacanai atijpi pacalla huacanata mashcashpami, pai tiyana ucuman utca yaicushpa huacarca.

GÉNESIS 43:34

Joseca paipaj huauquicunamanca, pai micunallatatajmi carachirca. Benjaminmanca caishuj huauquicunaman carashcamanta, pichca cutinhuan yallitami carachirca. Josepish paipaj huauquicunapish tandalla micushpa ubyashpaca, achcatami cushicurcacuna.

GÉNESIS 45:2

Chaipica paica jatuntami huacarca. Chaitaca egipciocunapish yachaj chayarcami. Faraonpaj mandana huasipi cajcunapish yachaj chayarcami.

GÉNESIS 46:29

Joseca paipaj carropi rishpami, paipaj yaya Israeltaca Gosenpi tupagrirca. Yayata ricushpaca, cungapi ugllarishpami unicama huacarca.

2 SAMUEL 14:33

Chaimi Joabca, jatun mandajpajman rishpa chaita yachaj chayachirca. Jatun mandajca Absalonta cayachijpi paica jatun mandajpajman shamushpami paipaj ñaupajpi pambaman tupajta cumurijpi jatun mandajca Absalontaca mucharca.

NEHEMÍAS 1:11

Mandaj Dios quiquintami rogani. Cambaj shutita alli nina yuyaihuan cajcunataca cambajta ruraj ñuca mañashcatapish, cambajta ruraj caishujcuna mañashcatapish uyahuai. Cambajta ruraj ñuca jatun mandajpaj ñaupajpi alli ricurichun ayudahuai” nishpami Diosta mañarcani. Chai punllacunaca ñucaca jatun mandajman vinota pasachijmi carcani.

JOB 2:12

Chai runacunaca, carumanta ricushpaca mana rijsircacunachu. Chaimantaca caparirishpami huacarcacuna. Shinallataj churanacunatapish lliquirishpa, paicunapaj uma jahuacunapipish allpatami tsiraparircacuna.

SALMOS 34:4

Mandaj Diostami mashcarcani, paica ñucata uyahuarcami. Tucui ñuca manchaimantami ñucataca quishpichirca.

PROVERBIOS 16:7

Mandaj Diosta cushichishpa, sumajta causaj runataca paicunata p'iñajcunapish alli tucushpa mana llaquichincunachu.

PROVERBIOS 21:1

Jatun mandajpaj shungutaca, Mandaj Diosmi paipaj maquipi charicun. Uchilla larcacunapi yacuta chaupij shina, pai munashcatami rurachin.

Lucas 15:20

Chaimi paipaj yayapajman tigrarca. Pai caruta shamucujpirajmi paipaj yaya ricushpaca achcata llaquirishpa, callpashpa, rishcahuan ugllarishpa mucharca.

Hechos 20:37

Chaimantaca tucuicunami Pablotaca minchacama nishpa achcata huacashpa ugllarishpa mucharcacuna.

1 SAMUEL 20:41

Chai moso ña rijpimi, Davidca miticushpa tiyacushcamanta jatarishpa Jonatanpaj ñaupajpi quimsa cutin pambaman tupajta cumurirca. Chaipica caishujmanta chaishujmanta muchanacushpami ishquindijtaj huacarcacuna. Davidmi yallitaj huacarca.