GÉNESIS 33:3 - Dios Rimashca Shimicunami

³ Jacobca paicunapaj puntapi rishpami, paipaj huauquipajman chayangacama canchis cutin pambaman tupajta cumurihuan cumurihuan rirca.

GÉNESIS 33:3 Iomraidhean Croise

GÉNESIS 18:2

Abrahamca paipaj chaininijllapi quimsa runacuna cajta ricushpami, paipaj carpa huasi pungumanta callpashpa tupanaman rishpa paicunapaj ñaupajpi pambaman tupajta cumurishpaca,

GÉNESIS 33:2

Chai q'uipaca, Jacobpaj huarmicunapajta ruraj huarmicunatami paicunapaj huahuacunandij puntapi churarca. Chai huashapica Leatami paipaj huahuacunandij churarca. Chaicunapaj q'uipataca Raqueltami paipaj churi Josendij churarca.

GÉNESIS 42:6

Joseca chai llajtapi mandajmi carca. Paimi tucuicunaman trigota c'atuj carca. Josepaj huauquicunapish paipajman chayashpaca paipaj ñaupajpimi pambaman tupajta cumurircacuna.

GÉNESIS 43:26

Huasiman José ña yaicujpica, paicunaca paicuna apamushca convidanacunata cunaman c'uchuyashpami, Josepaj ñaupajpica pambaman tupajta cumurircacuna.

GÉNESIS 48:12

Joseca paipaj churicunata yayapaj changamanta anchuchishpaca, pambaman tupajtami cumurirca.

PROVERBIOS 6:3

Shujtajpaj maquipimari yaicushcangui. Cashna rurashpa, utca cachaririyari ñuca huahua: Canhuan apanacujpajman ri, sumajta yuyarinacushpa, chai divitaca paipaj umallapitaj saquishpa cachariri.

ECLESIASTÉS 10:4

Mandaj canhuan p'iñarijpica, can imata ruracushcataca ama shitashpa saquinguichu. Casijlla saquirijpica, yallitaj p'iñarishca cashpapish alli tucungallami.

Lucas 14:11

Maijanpish jatun tucujtaca, pingachishcami canga. Mana jatun tucujtaca, jatunyachishcami canga” nircami.

Juan 10:15

Ima shinami ñuca Yaya ñucata rijsin, shinallatajmi ñucapish ñuca Yayataca rijsini. Ñuca ovejacunamantaca ñuca causaitami cuni.

Juan 10:4

Paipaj ovejacunata canllaman tucuicunata llujshichishpaca, paicunata ñaupashpami rin. Ovejacunaca michijpaj rimaita rijsishcamantami paita catinllacuna.

1 SAMUEL 2:5

Ñaupaman achcata charijcunaca cunanca shujtajcunapajta rurashpallamari micuncuna. Ñaupaman yaricaihuan cajcunapish, mana yaricaihuan cangacunachu. Mana huachaj huarmipish canchis cutinmari huachashca. Achca huahuacunata charijca chaquirishcamari.