GÉNESIS 33:2 - Dios Rimashca Shimicunami

² Chai q'uipaca, Jacobpaj huarmicunapajta ruraj huarmicunatami paicunapaj huahuacunandij puntapi churarca. Chai huashapica Leatami paipaj huahuacunandij churarca. Chaicunapaj q'uipataca Raqueltami paipaj churi Josendij churarca.

GÉNESIS 33:2 Iomraidhean Croise

GÉNESIS 29:16

Labanca ishqui ushushitami charirca. Punta ushushica Leami carca, q'uipa ushushica Raquelmi carca.

GÉNESIS 29:30

Jacobca Raquelhuan chayarinacushpami, paitaca Leata yalli c'uyarca. Raquelmantapish, canchis huatatami Labanpajta rurashpa causarca.

GÉNESIS 33:1

Jacobca paipaj huauqui Esautaca, 400 gentecunata pushashca shamucujta ricushpami, paipaj huarmi Leatapish paipaj huahuacunandij, Raqueltapish paipaj huahuacunandij, paicunapajta ruraj ishqui huarmicunatapish paicunapaj huahuacunandij ch'ican ch'icanpi churarca.

GÉNESIS 33:3

Jacobca paicunapaj puntapi rishpami, paipaj huauquipajman chayangacama canchis cutin pambaman tupajta cumurihuan cumurihuan rirca.

GÉNESIS 37:3

Yaya Israelca yuyaj cashpa Joseta charishcamantami, paitaca caishuj churicunata yalli c'uyashpa, paimanca murujlla churanata rurashpa churachirca.

JEREMÍAS 50:12

Chaimantami cancunapaj mama llajtapish jatun pinganayaj tucushpa saquiringa. Cancuna huacharishca llajtaca tucui llajtacunamanta yalli yangami saquiringa. Imapish illaj, shitashca, chaquishca pamballami canga.

MALAQUÍAS 3:17

Tucuita Mandaj Diosca cashnami nin: “Ñuca tucuita ricunaman shamui punllami ñucapajllata rurasha. Paicunaca ñucapajca achca valij charinacuna shinami cangacuna. Shuj yayaca, paita servij huahuataca perdonanmi, chashnallatajmi ñucapish paicunataca perdonasha.