GÉNESIS 32:7 - Dios Rimashca Shimicunami

⁷ Chaimi Jacobca jatunta mancharishpa llaquirishpaca paipaj ovejacunata, vacacunata, camellocunata, paihuan caj gentecunatapish ishqui mirgapi ch'icanchirca.

GÉNESIS 32:7 Iomraidhean Croise

GÉNESIS 32:11

Ñuca huauqui Esaú shamushpa ñuca huarmicunata huahuacunandij huañuchinatami manchani. Cunanca ñuca huauquipaj maquimanta quishpichihuai.

GÉNESIS 32:3

Chaipi cashpami Jacobca, Edompi caj Seir pambapi causacuj paipaj huauqui Esaumanca pai tigracushcata huillachun huillajcunata cacharca.

GÉNESIS 32:8

“Esaú shamushpa shuj mirgata llaquichijpica, caishuj mirgaca miticushpa richunlla” yuyashpami chashna rurarca.

GÉNESIS 33:1

Jacobca paipaj huauqui Esautaca, 400 gentecunata pushashca shamucujta ricushpami, paipaj huarmi Leatapish paipaj huahuacunandij, Raqueltapish paipaj huahuacunandij, paicunapajta ruraj ishqui huarmicunatapish paicunapaj huahuacunandij ch'ican ch'icanpi churarca.

GÉNESIS 35:3

Cunanca Bet-elman huichiyashunchij. Taita Diosca ñuca llaquilla puricujpipish tucui ñanpimi ñucataca huaquichihuarca. Paita pagui ningapajmi, ñucaca chaipi shuj altarta Taita Diospaj ruragrini– nirca.

SALMOS 107:6

Chashna llaquipi cashpamari, Mandaj Diostaca c'uyaillata mañarcacuna. Chaimi chai llaquicunamanta llujshichirca.

SALMOS 112:5

Alli runaca llaquijmi, imatapish mañachijmi. Paipaj ima ruranacunapipish cashcata rurashpami mandan.

SALMOS 142:4

Ñuca alli ladota alli ricuyari. Chaita ricujca pi mana tiyanchu. Miticunatapish mana charinichu. Ñuca huañunamanta cuidajpish pi mana tiyanchu.

SALMOS 31:13

Achcacuna llullashpa ñucata llaquichisha nicujtami uyani. Maipi ñuca cajpipish manchaimi japin. Ñucata llaquichingapajmi tandanacushpa parlanacuncuna. Huañuchinatapishmi yuyancuna.

SALMOS 61:2

Cai pacha tucurimantami quiquintaca caparisha. Ñuca shungu shaicurijpimi caparisha. Ñucata yalli ashtahuan jatun rumiman pushahuayari.

ÉXODO 14:10

Faraón ñalla c'uchuyagricujta israelcuna ricushpami, paicunata egipciocuna caticushcata ricushpa, jatunta mancharishpa Mandaj Diosta caparishpa mañarcacuna.

PROVERBIOS 2:11

Chashna rurajpica, cai alli shimicunaca canta huaquichingami. Cai alli yuyaicunaca imamantapish quishpichingami.

ISAÍAS 28:26

Ima shina tarpunataca paipaj Diosmi yachachin. Ima shina ruranatami cashna yachachin:

Mateo 10:16

Cancunataca ovejacunata atujcunapaj chaupiman cachaj shinami cachani. Culebra shina yachaj, paloma shina manso caichij.

Mateo 8:26

Chaimi Jesusca: –¿Ima nishpataj mancharinguichij? Cancunaca ashallata crijcunami canguichij– nishpa jatarishpaca, huairatapish, yacutapish casilla tucui nishpa sinchita rimajpica chashna tucurcallami.

Juan 16:33

Ñucahuan shujlla cashpa sumaj causaita charichunmi, caicunataca rimarcani. Cancunaca cai pachapica llaquita apanguichijmi. Shina cajpipish cai pachata mandajtaca ñami misharcani, ñucapi shunguta churaichijlla– nircami.

Hechos 14:22

Chai pueblocunapica, Jesusta catijcunamanca Pablohuan, Bernabehuanca ashtahuan catina yuyaita cushpami, cashna shina llaquicunata apashpami: “Taita Dios mandacujpica, chaiman yaicushun” nishpami allitaj yachachircacuna.

2 Corintios 1:4

Paimi tucui ñucanchij llaquicunapipish cushichin. Shujtajcuna ima llaquipi cajpipish, Dios ñucanchijta cushichishca shinallataj cushichichunmi, ñucanchijtaca chashna cushichin.

2 Timoteo 3:12

Cristo Jesushuan shujlla tucushpa pai yuyailla causasha nijcunaca tucuicunallatajmi catirashpa llaquichishca canga.