GÉNESIS 32:6 - Dios Rimashca Shimicunami

⁶ Chai huillajcuna Jacobpajman tigramushpaca: –Ñucanchijca cambaj huauqui Esaumanca ñami huillamunchij. Paipish canta tupanamanmi shamucun. Paihuanca 400 runacunami shamucun– nircami.

GÉNESIS 32:6 Iomraidhean Croise

GÉNESIS 31:18

Padan-arampi Labanpajta rurashcamanta pai japina cashcamanta japishca animalcunatapish, tucui imalla charishcacunatapish tandachishpa, Canaanpi caj paipaj yaya Isaacpajman tigrangapaj ñanpi yaicurca.

GÉNESIS 32:11

Ñuca huauqui Esaú shamushpa ñuca huarmicunata huahuacunandij huañuchinatami manchani. Cunanca ñuca huauquipaj maquimanta quishpichihuai.

GÉNESIS 32:7

Chaimi Jacobca jatunta mancharishpa llaquirishpaca paipaj ovejacunata, vacacunata, camellocunata, paihuan caj gentecunatapish ishqui mirgapi ch'icanchirca.

GÉNESIS 32:8

“Esaú shamushpa shuj mirgata llaquichijpica, caishuj mirgaca miticushpa richunlla” yuyashpami chashna rurarca.

GÉNESIS 33:1

Jacobca paipaj huauqui Esautaca, 400 gentecunata pushashca shamucujta ricushpami, paipaj huarmi Leatapish paipaj huahuacunandij, Raqueltapish paipaj huahuacunandij, paicunapajta ruraj ishqui huarmicunatapish paicunapaj huahuacunandij ch'ican ch'icanpi churarca.

GÉNESIS 33:15

Chaimi Esauca: –Allimi, shina cajpipish ñucahuan shamuj gentecunamanta maijancunataca canta pushamuchun saquisha– nijpimi Jacobca: –Ñuca amito, cambaj ñahuipi ñuca alli ricurishca cajpica, chaitapish ama ruraichu– nirca.

GÉNESIS 33:8

Chai q'uipami Esauca Jacobtaca: –¿Imata yuyashpataj, chai tucui animalcunataca ñaupachishpa cacharcanguiyari?– nijpi Jacobca: –Can ñuca amopi alli ricuringapajmi chashna cacharcani– nirca.

GÉNESIS 34:11

Siquem mosopish Dinapaj yaya Jacobta, turicunataca: –Ñuca mañashcata cancuna ari nijpica, cancuna ima mañashcatami cusha.

GÉNESIS 47:25

Chaimi paicunaca: –Can amitotajmari, ñucanchijpaj allicunata rurashpa causaita cushcangui. Faraonpajta rurajcuna cashunllami– nircacuna.

AMÓS 5:19

Chai llaqui punllapica, leonta miticunaman callpacushpapish, osohuanmi tupanga. Huasipi miticugrishpaca, pata quinripi huancarijpica, culebrami ñapish caninga.

RUT 2:13

Chaimi Rutca: –Ñuca amito, ñucaca cambajta ruraj maijan shuj huarmi shinallapish mana canichu. Chashna cajpipish can alli cashcata ricuchishpami, cambajta ruraj ñucataca sumaj shimicunahuan rimashpa ñuca shungutaca cushichingui– nirca.

RUT 2:2

Ña chaipi cashpami shuj punllaca Rutca, paipaj suegra Noemitaca: –Maijancuna cozichacunpi ch'alagrisha. Paicuna llaquishpa ch'alachun saquingapishchari, cachahuai– nijpi, paipaj suegraca: –Rilla huahua– nirca.

1 SAMUEL 1:18

Shina nijpi Anaca: –Cambajta ruraj ñucaca ñapishchari cambaj ñaupajpi alli huarmi cashca ricurini– nishpa pai maita shamushcallatataj tigrashpaca, micurcami. Ña mana ashtahuan llaquilla purircachu.