GÉNESIS 32:5 - Dios Rimashca Shimicunami

⁵ Ñucaca vacacunata, burrocunata, ovejacunata, ñucapajta ruraj c'aricunata, huarmicunatapishmi charini. Cunanca canpi alli ricuringapajmi rogarinaman cachani ninmi” nichunmi cacharca.

GÉNESIS 32:5 Iomraidhean Croise

GÉNESIS 30:43

Chashnami Jacobca achcata charijyashpa catirca. Ovejacunata, camellocunata, burrocunata, paipajta ruraj c'aricunata, huarmicunatapishmi achcata charirca.

GÉNESIS 31:16

Ñucanchij yaya tucui imalla charishcacunata Taita Dios quichushcaca ñucanchijpajpish, ñucanchij huahuacunapajpishmari tucushca. Chaimanta Taita Dios imallata canman nishcata rurailla– nircacuna.

GÉNESIS 31:3

Chaimi Mandaj Diosca Jacobtaca: “Cambaj yaya mamapish, cambaj familiacunapish causacun llajtallamantaj tigrailla. Ñucami canhuan casha” nirca.

GÉNESIS 33:11

Canman convidangapaj ñuca apamushcacunataca chasquipailla. Taita Dios ñucaman cushcamanta tucui caicunaca ñucapajmi– nicujllapimi, Esauca japirca.

GÉNESIS 33:15

Chaimi Esauca: –Allimi, shina cajpipish ñucahuan shamuj gentecunamanta maijancunataca canta pushamuchun saquisha– nijpimi Jacobca: –Ñuca amito, cambaj ñahuipi ñuca alli ricurishca cajpica, chaitapish ama ruraichu– nirca.

GÉNESIS 33:8

Chai q'uipami Esauca Jacobtaca: –¿Imata yuyashpataj, chai tucui animalcunataca ñaupachishpa cacharcanguiyari?– nijpi Jacobca: –Can ñuca amopi alli ricuringapajmi chashna cacharcani– nirca.

GÉNESIS 47:25

Chaimi paicunaca: –Can amitotajmari, ñucanchijpaj allicunata rurashpa causaita cushcangui. Faraonpajta rurajcuna cashunllami– nircacuna.

2 SAMUEL 16:4

Shina nijpimi jatun mandajca Siba runataca: –Mefi-boset tucui imalla charishcacunaca cunanca cambajmi– nijpi Siba runaca pambaman tupajta cumurishpa: –Jatun mandaj, ñuca amito cambaj ñaupajpica allimi ricurishcani– nirca.

JOB 6:22

Cancunapaj haciendamanta imallatapish apamushpa ñucaman cuhuaichigari.

Lucas 12:45

Ashtahuanpish chai servijca: “Ñuca amoca manaraj shamungachu” nishpa paipaj shungullapi yuyashpa, amopaj caishuj servijcunata macashpa, machajcunahuan micushpa, ubyashpa puri callaringachari.

RUT 2:2

Ña chaipi cashpami shuj punllaca Rutca, paipaj suegra Noemitaca: –Maijancuna cozichacunpi ch'alagrisha. Paicuna llaquishpa ch'alachun saquingapishchari, cachahuai– nijpi, paipaj suegraca: –Rilla huahua– nirca.

1 SAMUEL 1:18

Shina nijpi Anaca: –Cambajta ruraj ñucaca ñapishchari cambaj ñaupajpi alli huarmi cashca ricurini– nishpa pai maita shamushcallatataj tigrashpaca, micurcami. Ña mana ashtahuan llaquilla purircachu.