GÉNESIS 32:4 - Dios Rimashca Shimicunami

⁴ Paicunataca cashna nishpami cacharca: “Ñuca amo Esaumanca cashna ninguichij: Cambajta ruraj Jacobca: Labanhuanmi causarcani. Cunancamami paihuan carcani.

GÉNESIS 32:4 Iomraidhean Croise

GÉNESIS 23:6

–Ñucanchij amito, caita uyapai. Canca ñucanchijpurapica Taita Dios churashca mandajmi cangui. Huañushca cambaj huarmitaca ñucanchijpurata pambanapaj rurashca jutcucunamantaca ashtahuan alli jutcuta agllashpa pambailla. Paita pambachunca ñucanchijpurapi cajcunaca pi mana mitsangachu. Pambachun saquingallami– nircacuna.

GÉNESIS 25:30

Jacobtaca: –Ñucaca achca shaicushcamari cani. Can yanucun sumaj puca micuita carachunmi rogapani– nirca. Chaimi Esautaca Edomta shutichircacuna.

GÉNESIS 27:29

Pueblocunapish, llajtacunapish cambajta rurajcuna cachun. Cambaj ñaupajpi cumurichuncuna. Cambaj huauquicunapajpish mandaj cangui. Cambaj huauquicunaca cambaj ñaupajpi cumurichuncuna. Canta imapish tucushca alli canman nijcunaca paicunaraj imapish tucushca cachun. Canta alli cashca cachun nijcunaca, paicunapish alli cashca cachun” nircami.

GÉNESIS 27:37

Shina nijpimi Isaacca, Esautaca: –Ñucaca Jacobtaca canta mandaj cachunmi churarcani. Paipaj tucui huauquicunapish paipajta rurajcuna cachun nircanimi. Trigotapish, llullu vinotapish achcata charichun nircanimi. Chaimanta cunanca ñuca huahualla, cambajca ¿imatataj rurashari?– nirca.

GÉNESIS 31:41

Chashnami ñucaca ishqui chunga huatacunata cambajta rurashpa causarcani. Chunga chuscu huatacunataca cambaj ishqui ushushicunamantami, cambajta rurarcani. Sujta huatacunataca cambajta cai ñuca japishca animalcunamantami cambajta rurarcani. Shina cajpipish ñucaman cusha nishcataca shuj cutinllapish mana chaitataj pajtachishpami, chunga cutin shujtajyachircangui.

GÉNESIS 32:18

Cai animalcunataca cambajta ruraj Jacobmi can ñucanchij amo Esauman convidachun cacharca. Paipish ñucanchijta catishpami shamucun ningui– nishpami mandarca.

GÉNESIS 32:5

Ñucaca vacacunata, burrocunata, ovejacunata, ñucapajta ruraj c'aricunata, huarmicunatapishmi charini. Cunanca canpi alli ricuringapajmi rogarinaman cachani ninmi” nichunmi cacharca.

GÉNESIS 33:14

Cunanca ñuca amito cambajta ruraj ñucata ñaupashpa ripailla. Ñucaca animalcunapish, ñuca huahuacunapish purishcallapi allimantalla purishpa Seir pambapi caj can ñuca amopajman chayangacama catimushallami– nirca.

GÉNESIS 33:8

Chai q'uipami Esauca Jacobtaca: –¿Imata yuyashpataj, chai tucui animalcunataca ñaupachishpa cacharcanguiyari?– nijpi Jacobca: –Can ñuca amopi alli ricuringapajmi chashna cacharcani– nirca.

GÉNESIS 36:8

Chaimi Edom nishca Esauca, Seir urcupi causarca.

GÉNESIS 36:9

Edom nishca Esaumanta mirarishpa Seir urcupi causajcunaca caicunami.

GÉNESIS 4:7

Allita rurashpaca jatunyachishcami canguiman. Ashtahuanpish mana allita rurajpica, juchami cantaca mana allita rurachingapaj shuyacun. Shina cajpipish mana allitaca canmari mishana cangui– nircami.

1 REYES 20:32

Shina nishpaca, cañamazuta churarishpa, huascahuan cungapi huatarishpa israelcunata jatun mandajpajman shamushpaca: –Cambajta ruraj Ben-adadca ñucata ama huañuchihuaichu nipanmi– nircacunami. Shina nijpica Acabca: –¿Paica causacunrajchu? Paica ñuca huauquimi– nircami.

ÉXODO 32:22

Shina nijpi Aaronca: –Ñuca amito, ñucahuanca ama p'iñarihuaichu. Cai israelcuna millaita rurana yuyailla cashcataca canllataj yachanguimi.

PROVERBIOS 15:1

Sumajta cutichishca shimica, p'iñarishcatapish anchuchinmi. Ashtahuanpish maipish cachun rimashca shimica ashtahuan p'iñachinllami.

PROVERBIOS 25:15

Mandajca p'iñarishca cashpapish, allimantalla rimajpica alli tucunllami. Blandujlla shimicunaca sinchi shungutapish chaupinllami.

PROVERBIOS 6:3

Shujtajpaj maquipimari yaicushcangui. Cashna rurashpa, utca cachaririyari ñuca huahua: Canhuan apanacujpajman ri, sumajta yuyarinacushpa, chai divitaca paipaj umallapitaj saquishpa cachariri.

ECLESIASTÉS 10:4

Mandaj canhuan p'iñarijpica, can imata ruracushcataca ama shitashpa saquinguichu. Casijlla saquirijpica, yallitaj p'iñarishca cashpapish alli tucungallami.

ISAÍAS 21:11

Duma llajta imalla tucunataca cashnami huillachishca: Ñucataca maijantajshimi Seir llajtamantaca: “Chapaj runa, cai tutaca ¿ima horastaj? Chapaj runa, cai tutaca ¿ima horastaj?” nishpa caparirca.

Lucas 14:11

Maijanpish jatun tucujtaca, pingachishcami canga. Mana jatun tucujtaca, jatunyachishcami canga” nircami.

1 Pedro 3:6

Sarami paipaj cusa Abrahamtaca, ñuca amito nij cashca. Cancunapish ima manchanata nijpipish allicunata rurashpaca mana manchanachu canguichij. Chashna rurashpami, paipaj ushushicunataj canguichij.

JUECES 5:4

Mandaj Dioslla, Seir urcumanta can llujshijpica, Edom pambamanta can rijpica, allpaca chujchurcami. Jahua pachamantaca yacumi shuturca. Jahua pacha p'uyumantaca tamyarcami.

1 SAMUEL 26:17

David rimashcata rijsishpami Saulca: –Ñuca huahua David. Cai shimicunataca canllatajchu rimacungui– nijpi, Davidca: –Jatun mandaj ñuca amito, ari ñucallatajmi cani nishpaca,