GÉNESIS 32:22 - Dios Rimashca Shimicunami

²² Ashtahuanpish Jacobca chai tutallataj jatarishpami, paipaj ishqui huarmicunata, paicunapajta ruraj ishqui huarmicunata, paipaj chunga shuj churicunatapish pushashpa Jaboc shuti yacutaca maitami ch'imbanallata ch'imbarcacuna.

GÉNESIS 32:22 Iomraidhean Croise

GÉNESIS 29:21

Shuj punllami Jacobca Labantaca: –Raquelhuan cazarangapaj canchis huatata cambajta rurasha nishcataca ñami pajtachini. Cunanca ñuca huarmi cachun cuilla paihuan shujlla tucungapaj– nirca.

GÉNESIS 32:21

Esauman convidana animalcunata, chaicunata pushajcunatapish ñaupachishpa cachashpaca, Jacobca chai tutaca maipimi carpa huasicunata shayachishcallapitajmi dormingapaj saquirirca.

GÉNESIS 32:23

Chai q'uipaca tucui pai imalla charishcacunatami Jaboc yacuta ch'imbachirca.

GÉNESIS 35:18

Ñalla huañugrishpa paipaj alma llujshigrijpimi chai huahuataca Benonita shutichirca. Ashtahuanpish Jacobca Benjamintami shutichirca.

DEUTERONOMIO 2:37

Amonitacunapaj llajtaman, Jaboc yacu huaicu uricunapi caj tucui llajtacunaman, urcupi tiyaj pueblocunallamanmi mana chayagrircanchij. Mandaj Dios ñucanchij Taita Dios ama chayanguichijchu nishca maijan llajtacunamanpishmi mana chayagrircanchij.

DEUTERONOMIO 3:16

Rubenpaj, Gadpaj aillucunamanca Galaad llajtahuan Arnón yacu huaicuhuan caj llajtacunatami curca. Chaupi pugru pambacunandij Jaboc yacu huaicucamami curcani. Paicunapaj c'uchulla llajtaca amonitacunapaj llajtami carca.

1 Timoteo 5:8

Maijanpish quiquinpurapaj, ashtahuantajca paipaj huasi familiapaj imallata rurana cashcata mana rurajca, crishcata saquishpa mana crijtapish yallimi tucushca.

JOSUÉ 12:2

Amorreocunata jatun mandaj Sehonca, Hesbón pueblopimi causarca. Paica Arnón yacu uri pugru pambapi tiyaj Aroer pueblomanta callarishpaca, chaupi Galaad llajtatapish Amón llajtahuan tupanacuj Jaboc yacucamami mandacurca.

JUECES 11:13

Jefté cachashcacunamanca amonitacunata jatun mandajca: “Egiptomanta huichiyamucushpami israelcunaca ñuca allpataca Arnón jatun yacumanta Jaboc yacucama, Jordán yacucamapish quichurcacuna. Cunanca chai allpataca alli shungu ñucaman tigrachi” nircami.