GÉNESIS 32:12 - Dios Rimashca Shimicunami

¹² Quiquinca ñucataca: Ñucami cambajca allicunata rurasha. Cambaj huahua huahuacunaca mama cucha uripi tiyaj t'iyu allpa shinami canga. Chashna cashcamanta pi mana yupai tucuipajmi canga nircanguimari” nishpami mañarca.

GÉNESIS 32:12 Iomraidhean Croise

GÉNESIS 22:17

Cantaca alli cashca cachun nishatajmi. Cambaj huahua huahuacunataca jahua pachapi caj luzerocunata shina, mama cucha uripi tiyaj t'iyu allpata shinami yallitaj mirachisha. Cambaj huahua huahuacunami paicunata p'iñajcunataca mishanga.

GÉNESIS 32:6

Chai huillajcuna Jacobpajman tigramushpaca: –Ñucanchijca cambaj huauqui Esaumanca ñami huillamunchij. Paipish canta tupanamanmi shamucun. Paihuanca 400 runacunami shamucun– nircami.

1 REYES 4:20

Judacuna, israelcunaca mama cucha c'uchupi tiyaj t'iyu allpa shina yallitaj achcacuna micushpa, ubyashpa cushicujcunami carca.

ÉXODO 32:13

Cambajta ruraj Abrahamman, Isaacman, Israelmanca: Ñucami cambaj huahua huahuacunataca jahua pacha luzerocunata shina mirachisha. Paicunamanmi cancunaman cusha nishca cai allpataca cusha. Paicunapaj huiñaipaj cachunmi cusha nishpa quiquintaj nishcataca yuyaripayari– nirca.

OSEAS 1:10

Shina cashpapish, israelcunaca mama cuchapi tiyaj t'iyu allpa shinami canga. Pi mana medi tucuipaj, pi mana yupai tucuipajmi canga. Maipimi: “Cancunaca ña mana ñuca agllashcacunachu canguichij” nirca, chaillapitajmi: “Causaj Taita Diospaj huahuacunami canguichij” ninga.

NÚMEROS 23:19

Taita Diosca mana runachu. Llullangapajca. Taita Diosca huañujlla runa shina pai rurasha nishcataca mana shujtajyachijchu. Pai rurasha nishcataca ¿manachari pajtachingari? Pai ari nishcataca ¿manachari pajtachingari?

Mateo 24:35

Jahua pachapish, cai pachapish tucuringami. Ashtahuanpish ñuca huillashca shimicunaca manataj tucuringachu.

2 Timoteo 2:13

Ñucanchij mana pajtachij cajpipish, paica pajtachicungallami, pai pajtachij cashcataca maitataj yangapi churangari.

Tito 1:2

Ñucanchijca huiñai causaiyuj cashca yuyaillami canchij. Mana llullaj Diosca, chai causaitaca manaraj cai pachapi ima tiyajpimi cusha nirca.

Hebreos 11:12

Chashnami Abrahammantaca yuyaj ña huañunalla cashca cajpipish, jahua pachapi tiyaj achca lucerocuna shinapish, mama cucha c'uchupi tiyaj t'iyu allpa shinapish mana yupaipaj achcata mirarirca.

Hebreos 6:17

Shinallatajmi Diospish pai cusha nishcata japijcunamanca yallitaj cuj cashcatapish, pai cusha nishcata mana shujtajyachina cashcatapish ricuchingapajca, paipaj quiquin shutillapitajmi cushatajmi nirca.

1 SAMUEL 15:29

Israelcunapaj tucuita rurai tucuj Diosca, chaitataj pajtachijmi. Pai imata nishcataca pajtachingatajmi. Paica mana runacuna shina yuyaita cambiajchu– nircami.