GÉNESIS 32:11 - Dios Rimashca Shimicunami

¹¹ Ñuca huauqui Esaú shamushpa ñuca huarmicunata huahuacunandij huañuchinatami manchani. Cunanca ñuca huauquipaj maquimanta quishpichihuai.

GÉNESIS 32:11 Iomraidhean Croise

GÉNESIS 24:27

“Ñuca amo Abrahamta Mandaj Taita Diostaca alli nishca cachun. Paica ñuca amota c'uyashpa, pai imata nishcata pajtachishpami, ñucataca tucui ñanta pushashpa ñuca amopaj huauquicunapaj huasiman pushamushca” nishpami adorarca.

GÉNESIS 27:41

Esauca paipaj yaya Isaac Jacobtaraj alli cashca cachun nishcamantami, Jacobtaca yallitaj p'iñashpa paipaj shungupica: “Ñuca yaya huañujpi llaquilla cana punllaca chayamungami. Chaipitajca ñuca huauqui Jacobtaca huañuchishami” nishpa yuyacurca.

GÉNESIS 27:42

Punta churi Esaú paipaj huauqui Jacobta huañuchisha nicushcataca, Rebecamanmi yachaj chayachircacuna. Chaimi paica q'uipa churi Jacobta cayachishpa: –Cambaj huauqui Esauca paita llaquichishcamantaca cantaca huañuchishpatajmi alli casha nicunmi.

GÉNESIS 32:3

Chaipi cashpami Jacobca, Edompi caj Seir pambapi causacuj paipaj huauqui Esaumanca pai tigracushcata huillachun huillajcunata cacharca.

GÉNESIS 32:7

Chaimi Jacobca jatunta mancharishpa llaquirishpaca paipaj ovejacunata, vacacunata, camellocunata, paihuan caj gentecunatapish ishqui mirgapi ch'icanchirca.

GÉNESIS 33:4

Ashtahuanpish Esauca Jacobta tupanaman callpashpa rishpaca paipaj cungapi ugllarishpa muchashpami ishquindijtaj huacanacurca.

2 SAMUEL 7:18

Chashna nijpi, jatun mandaj David yaicushpa, Mandaj Diospaj ñaupajpi shayarishpaca: “Ñucata mandaj Mandaj Jatun Dios, ñucaca ¿pitaj caniyari? Ñuca huasi familiapish ¿pi cajpitaj ñucanchijtaca caicama pushamunguiyari?

SALMOS 119:134

Millai runacuna llaquichicunmanta llujshichihuayari. Ñucaca quiquin mandashcacunatamari huaquichisha.

SALMOS 142:6

Yallitaj llaquihuan cashpa ñuca mañashcata uyahuayari. Ñucata catirashpa llaquichijcunamanta llujshichihuayari. Paicunaca ñucata yalli c'ari c'aricunamari.

SALMOS 16:1

Jatun Dioslla, ñucataca huaquichihuayari. Canpimari shunguta churani.

SALMOS 25:20

Quiquinllapimari shunguta churani. Ñuca almata huaquichihuai, quishpichihuai. Pingaichishca cachun ama saquihuaichu.

SALMOS 31:2

Quiquinpaj rinrinta mañachishpa ñucata uyahuayari. Utca quishpichihuayari. Quiquinca ñucapaj sinchi rumi cayari. Muyundijta pirca shina quishpichij cayari.

SALMOS 43:1

Taita Dioslla, ima shina cajta ricushpa, ñucata llaquichicunmanta mitsahuayari. Diosta mana rijsijcunamanta quishpichihuayari. Umaj runamanta, millai runamanta quishpichihuayari.

PROVERBIOS 18:19

Huauqui llaquichishcamanta shungu chugririshca runaca, pueblo muyundij jatun pircatapish yalli sinchi shungumi tucun. P'iñanacushca huauquindijpaj shunguca, fierro aldabahuan huichcashca pungu shinami.

DANIEL 3:17

Ñucanchij Taita Diosmi, paipajta rurajcunataca nina lunyacuj hornomantapish, jatun mandajpaj maquimantapish quishpichinga.

OSEAS 10:14

Cancunapurapica jatun bullami jataringa. Sinchi torrecunapish tucui chingachishcami canga. Jatun mandaj Salmán, Bet-arbel pueblota chingachishca shinami canga. Macanacui punllapi mamacunata, huahuacunata mirga mirgata rurashpa chingachishca shinami canga.

Mateo 6:13

Ima mana allipi urmachun ama saquihuangui. Tucui millaimanta huaquichihuangui. Mandanapish, tucuita rurai tucuj canapish, jatun nishca canapish cambajmi. Chaica huiñai huiñaita chashna nishca cachun. Chashna cachun”.

DEUTERONOMIO 22:6

Ñanta ricushpa maijan yurapi mana cashpaca, pambapi ima pájaro tazinpi huahuacunata cashpa, luluncunata cashpa ugllashpa siricuj mama pajarota ricushpaca chai tazintaca mamandij huahuacunandijca ama japinguichijchu.

1 SAMUEL 12:10

Chaimi paicunaca Mandaj Diostaca: “Baal dioscunapajta, Astarot dioscunapajta rurashpamari Mandaj Diosta saquishpa juchallishcanchij. Mandaj Dioslla cunanca ñucanchijta p'iñajcunapaj maquimanta quishpichihuai. Quiquinpajtami rurashun ninchij” nishpa caparishpa mañarcacuna.

1 SAMUEL 24:15

Imalla rurashcata ricuchijca Mandaj Dios cachun. Canpish ñucapish imalla rurashcataca paimi ricuchinga. Ñuca ima shina cashcataca Mandaj Dios ricushpa, cambaj maquimantapish pai ñucata mitsachun– nircami.