GÉNESIS 30:7 - Dios Rimashca Shimicunami

⁷ Raquelpajta ruraj Bilha huarmica Jacobpajta cutinllataj chichushpaca shujtaj c'ari huahuatami huacharca.

GÉNESIS 30:7 Iomraidhean Croise

GÉNESIS 30:6

Chaimi Raquelca: “Taita Diosca ñuca mañashcata uyashpa, ñucatapish alli cashcata ricuchishpami cai c'ari huahuata cuhuan” nishpami, paitaca Danta shutichirca.

GÉNESIS 30:8

Chaimi Raquelca: “Ñuca ñañahuan p'iñanacushpalla causacujpipish, Taita Diosmari mishachishca” nishpami, paitaca Neftalita shutichirca.

GÉNESIS 46:24

Neftalipaj churicunaca: Jahzeel, Guni, Jezer, Silem shuticunami carca.

GÉNESIS 46:25

Paicunaca Labán paipaj ushushi Raquelpajta rurachun cushca Bilha huarmihuan Jacob charishca churicuna. Chai churicunapaj huahua huahuacunami carca. Tucui paicunaca canchismi carca.

EZEQUIEL 48:3

Aser aillupaj ura ladomanca, Neftalí aillumi inti llujshin ladomantaca, mama cucha yacucama mirga allpata japinga.

NÚMEROS 1:42

Neftalipaj huahua huahuacunatapish, ñaupa yayamanta mirarimushcacunataca, cada familiatami ishqui chunga huatayujmanta huichiman caj c'aricunataca cada quiquinpaj shuticunata quillcarca. Macanacuiman llujshipaj caj tucuicunatami quillcarca.