GÉNESIS 30:6 - Dios Rimashca Shimicunami

⁶ Chaimi Raquelca: “Taita Diosca ñuca mañashcata uyashpa, ñucatapish alli cashcata ricuchishpami cai c'ari huahuata cuhuan” nishpami, paitaca Danta shutichirca.

GÉNESIS 30:6 Iomraidhean Croise

GÉNESIS 30:5

Bilha huarmi chichushpaca, shuj c'ari huahuatami huacharca.

GÉNESIS 30:7

Raquelpajta ruraj Bilha huarmica Jacobpajta cutinllataj chichushpaca shujtaj c'ari huahuatami huacharca.

GÉNESIS 35:25

Raquelpajta ruraj Bilhahuan charishca churicunaca Dan, Neftalí shutimi carcacuna.

GÉNESIS 46:23

Danca Husim shuti churillatami charirca.

SALMOS 35:24

Mandaj ñuca Dioslla, quiquin cashcata ruraj cashcahuan ñucata ricuhuayari. Llaquihuan ñuca cajpi paicuna cushicuchun ama saquihuaichu.

SALMOS 43:1

Taita Dioslla, ima shina cajta ricushpa, ñucata llaquichicunmanta mitsahuayari. Diosta mana rijsijcunamanta quishpichihuayari. Umaj runamanta, millai runamanta quishpichihuayari.

JEREMÍAS 13:2

Chashna nijpica, pai Mandaj Dios mandashca shinallatajmi, shuj lino chumbita randishpa chumbillircani.

JEREMÍAS 13:24

Chaimantami cancunataca shitashca pambamanta shamuj huairapi t'amuta cachaj shina, maita cachagrini ninmi.

LAMENTACIONES 3:59

Mandaj Dioslla, ñucata yangamanta llaquichicujtaca canllataj ricunguimi, mitsahuayari.

NÚMEROS 1:38

Danpaj huahua huahuacunatapish, ñaupa yayamanta mirarimushcacunataca, cada familiatami ishqui chunga huatayujmanta huichiman caj c'aricunataca cada quiquinpaj shuticunata quillcarca. Macanacuiman llujshipaj caj tucuicunatami quillcarca.

DEUTERONOMIO 27:13

Llaqui tucuna cashcata huillangapajpish Ebal urcu jahuapica: Rubenpaj, Gadpaj, Aserpaj, Zabulonpaj, Danpaj, Neftalipaj aillucunami chaipi cangacuna.

DEUTERONOMIO 33:22

Dan aillutapish alli cashca canguichijman nishpaca: “Danca malta león shinami Basanmantami saltanga” nircami.