GÉNESIS 30:4 - Dios Rimashca Shimicunami

⁴ Shina nishpaca Raquelca paipajta ruraj Bilha huarmita paipaj huarmi cachun cujpimi, Jacobca paipi chayarirca.

GÉNESIS 30:4 Iomraidhean Croise

GÉNESIS 16:2

Saraica Abramtaca: –Mandaj Dios ñucata mana huachaj cachun rurashcataca canllataj yachanguimi. Cunanca ñucapajta ruraj Agar huarmipi chayaripai, paimanta huahuacunayuj tucushapishchari– nijpimi, Abramca paipaj huarmi Sarai nishcata uyarca.

GÉNESIS 21:10

Chaimi Saraca, Abrahamtaca: “Ñucanchijpajta ruraj huarmitaca paipaj churindij caimanta llujshichishpa cachai. Ñucanchijpajta ruraj huarmipaj churica, ñuca churi Isaac-huanca imata mana japingachu” nirca.

GÉNESIS 22:24

Nacorca Reúma shuti paipaj caishuj huarmipipish Teba, Gaham, Tahas, Maaca shuti churicunatapishmi charirca.

GÉNESIS 25:1

Abrahampaj caishuj huarmica Cetura shutimi carca.

GÉNESIS 25:6

Paipaj caishuj huarmicunapaj huahuacunamanpish tucuicunamanmi asha ashata convidarca. Abrahamca pai causacushparajmi paipaj caishuj churicunataca paipaj churi Isaacmanta ch'icanyachishpa inti llujshin ladoman caj llajtacunapi causachun cacharca.

GÉNESIS 29:29

Labanca, paipajta ruraj Bilha huarmitapish Raquelpajta rurashpa causachunmi curca.

GÉNESIS 30:5

Bilha huarmi chichushpaca, shuj c'ari huahuatami huacharca.

GÉNESIS 33:2

Chai q'uipaca, Jacobpaj huarmicunapajta ruraj huarmicunatami paicunapaj huahuacunandij puntapi churarca. Chai huashapica Leatami paipaj huahuacunandij churarca. Chaicunapaj q'uipataca Raqueltami paipaj churi Josendij churarca.

GÉNESIS 35:22

Yaya Israel ña chaipi causacujpimi, Rubenca paipaj yayapaj Bilha shuti caishuj huarmipajman rishpa paihuan dormirca. Chaitaca yaya Israelca yachaj chayarcami. Yaya Israelpaj churicunaca chunga ishquimi carca.

GÉNESIS 46:25

Paicunaca Labán paipaj ushushi Raquelpajta rurachun cushca Bilha huarmihuan Jacob charishca churicuna. Chai churicunapaj huahua huahuacunami carca. Tucui paicunaca canchismi carca.

2 SAMUEL 12:11

Ñuca Mandaj Diostajmi cashna nini: Cambaj quiquin huasi ucupurallamantatajmi canta llaquichichunca jatarichisha. Cambaj huarmicunataca quichushpami cambaj huasi ucupurallamantaj cujpi can ricucuita punlla luzpi chayaringa.