GÉNESIS 30:3 - Dios Rimashca Shimicunami

³ Chaimi Raquelca: –Shinashpaca cunanca ñucapajta ruraj Bilha huarmipi chayaripai. Pai ñuca cunguripi huachajpica, ñuca huachashca shinallatajmi canga. Chashnami ñucapish huahuacunayuj tucusha– nirca.

GÉNESIS 30:3 Iomraidhean Croise

GÉNESIS 30:9

Lea huarmipish ña mana ashtahuan huachaipaj cashpami, paipajta ruraj Zilpa huarmita Jacobman paipaj huarmi cachun curca.

GÉNESIS 46:25

Paicunaca Labán paipaj ushushi Raquelpajta rurachun cushca Bilha huarmihuan Jacob charishca churicuna. Chai churicunapaj huahua huahuacunami carca. Tucui paicunaca canchismi carca.

GÉNESIS 50:23

Joseca Efrainpaj churicunataca quimsa huahua huahuacamami ricurca. Manasespaj churi Maquirpaj huahuacunaca Josepaj changa jahuapi huiñachishcacunami carca.

JOB 3:12

¿Ñucataca imapajtaj changa jahuapi marcarcacunari? ¿Imapajtaj chuchuchihuarcari?

RUT 4:11

Chai pueblo pungupi caj cunaj yuyajcunahuan cajcunapish cashnami nircacuna: –Ari, uyajcuna ricujcunami canchij. Diosca Raquelman Leaman achca huahuacunata cujpimi, israelcunaca achcata mirarishcanchij. Chai shinallataj cambaj huarmi Rutmanpish achca huahuacunata cushca alli canman. Efrata nishca Belenpica cantaca tucuicuna alli nishca, achcata charij runami nishca cachun.