GÉNESIS 30:2 - Dios Rimashca Shimicunami

² Chaimi Jacobca, Raquelhuan p'iñarishpaca: –Ñucaca Taita Dios cashpatajmari, canmanca huahuacunata cusha. Ashtahuanpish paimi cantaca huahuacuna illajlla cachun munashca– nirca.

GÉNESIS 30:2 Iomraidhean Croise

GÉNESIS 16:2

Saraica Abramtaca: –Mandaj Dios ñucata mana huachaj cachun rurashcataca canllataj yachanguimi. Cunanca ñucapajta ruraj Agar huarmipi chayaripai, paimanta huahuacunayuj tucushapishchari– nijpimi, Abramca paipaj huarmi Sarai nishcata uyarca.

GÉNESIS 20:18

Abrahampaj huarmi Sarata Abimelec paipaj huarmi cachun japishcamantami, Mandaj Diosca Abimelecpaj huarmitapish, paipajta ruraj huarmicunatapish mana huachajta rurashca carca.

GÉNESIS 25:21

Isaacca paipaj huarmi Rebeca mana huachaj cajpimi, Mandaj Diosta mañarca. Pai mañashcata Mandaj Dios uyajpimi, Rebecaca chichurca.

GÉNESIS 29:31

Mandaj Diosca Leata Jacob mana c'uyajta ricushpami, Leamanraj huahuacunata curca. Ashtahuanpish Raquelca mana huachajmi carca.

GÉNESIS 31:36

Imata mana japijpimi, Jacobca achcata p'iñarishpa Labantaca: –¿Ima mana allitataj rurarcaniri? Nina sindirij shina p'iñarishpa ñucata catishpa shamuchunca ¿ima juchatataj rurashcani?

GÉNESIS 50:19

Chaipimi Joseca: –Ama manchaichijchu. Ñucaca Taita Diospaj randi llaquichij cashpatajmari llaquichishari.

2 REYES 5:7

Israel llajtata jatun mandaj chai quillcata rezashpaca, p'iñarishpa paipaj churanata lliquirishpami: –Ñucaca Dios shina causaita cui tucuj, causaita quichui tucuj cajpi shinamari, cai runataca lepra ungüimanta alliyachichun ñucapajman cachashca. ¡Chashna rurashpaca ñucahuan p'iñanacungapaj mashcacushcatami ricuchin. Chaitaca cancunallataj ricunguichijmi!– nirca.

SALMOS 113:9

Paimi mana huachaj huarmitaca familiayujta ruran. Huahuacunayujta rurashpami cushichin. ¡Mandaj Diosta alabaichigari!

SALMOS 127:3

Huahuacunaca Mandaj Diosmanta herenciamari. Huijsamanta llujshishca huahuacunaca Dios cushca sumajmari.

ÉXODO 32:19

Carpa huasicunaman Moisés chayashpaca, bizi diostapish, gentecuna bailacujtapish ricushpami, Moisesca yallitaj p'iñarishpa pai charicushca ishqui tablajlla rumicunata pambaman shitajpi chai rumicunaca urcu chaquipi p'aquirirca.

Mateo 5:22

Ashtahuanpish ñucaca cashnami nini: Maijanpish shujtajta p'iñajtaca, jatunta llaquichinapaj juchachishcami canga. Shinallataj shujtajta: “Ch'ahuan” nijtaca, mandajcunalla tandanacushcapaj ñaupajpi juchachishcami canga. Maijanpish shujtajta: “Muspa” nijca, ucu pacha ninapi shitanapajmi saquiringa.

Marcos 3:5

Chaimi Jesusca p'iñarishpa paicunapaj ñahuita ricurashpa paicunapaj shungu rumi shina cajpi llaquirishpa chai ungushca runataca: –Cambaj maquita chutai– nijpi, pai chutajpica chai maquica alliyarcalla.

Lucas 1:42

sinchita cashna nirca: –Canca huarmicunapurapica alli nishcami cangui, cambaj huijsapi caj huahuapish alli nishcamari.

Efesios 4:26

P'iñarishpapish ama juchallichijchu. Inti huashicungacamaca ama p'iñalla caichijchu.

1 SAMUEL 1:5

Ana huarmimanca Mandaj Dios huahuacunata mana cujpi mana huahuacunayuj cajpipish Elcanaca Anataca yallitaj c'uyashcamantami ashtahuan allita agllashpa cuj carca.