GÉNESIS 3:6 - Dios Rimashca Shimicunami

⁶ Chai yurapi p'ucushca granoca micunapaj alli cashcata, paipaj ñahuipica sumaj cashcata, chai yuramanta micushpaca yachaj tucunapaj alli cashcata ricushpami chai yurapi p'ucushcata japishpa micurca. Paipaj cusamanpish carajpimi, paipish paipaj huarmi shinallataj micurca.

GÉNESIS 3:6 Iomraidhean Croise

GÉNESIS 3:12

Chaimi Adanca: –Ñucaman can cushca huarmimi, huerta chaupipi tiyaj yurapi p'ucushcata cujpi micurcani– nirca.

GÉNESIS 3:17

C'aritapish cashnami nirca: –Cambaj huarmi nishcata cazushcamanta, ñuca amataj micungui nishca yuramanta micushcamantaca, cunanca chai cambaj mana allimantaca allpapish mana alli nishcami saquirin. Cambaj tucui causaipimi allpapi shaicujta trabajashpa micungui.

GÉNESIS 39:7

Ña uni huatacunata chaipi causacujpimi, Josepaj amopaj huarmica Joseta ricurashpa purishpa paita munashpa: –Ñucahuan dormishun– nirca.

GÉNESIS 6:2

Taita Diospaj churicunaca chaicunapaj ushushicunaca sumaj cajta ricushpami tucuimanta yalli sumaj cajcunata agllashpa paicunapaj huarmi cachun japirca.

2 SAMUEL 11:2

Shuj punlla ña chishiyacujpimi Davidca, paipaj camamanta jatarishpa, pai mandashpa tiyana huasi jahuata pambajllata rurashcapi puricushpa, shuj huarmi armacujta ricurca. Chai huarmica sumajmi carca.

1 REYES 13:19

Shina nijpica chai yuyaj runahuan tigrashpami, paipaj huasipi micunatapish micurca, yacutapish ubyarca.

JOB 31:1

Ñuca ñahuicunahuanca ima mana allita ama ricungapajmi, ari ninacurcanchij. Shina cajpica c'arita mana rijsij huarmitaca, mana ricunachu cani.

EZEQUIEL 24:16

“Huañujlla aichayuj runalla, cambaj c'uyashca huarmitaca, ñapish cungaillapimi huañuchisha. Paimantaca ama yupashpa yupashpa huacanguichu, ama huiquita shutuchinguichu.

EZEQUIEL 24:21

“Tucui israelcunata cashna ningui: Mandaj Jatun Diosca cashnami nin: Riquichij, sumaj cashcata ricuchij ñucapajlla huasitaca chingachishami. Chai huasitaca sumaj cajllapimi, cancunaca ricunata munarcanguichij. Ñuca huasitaca sumaj cashcallamantami munanguichij. Shinallataj cancuna saquishca cancunapaj churicunapish, ushushicunapish espadapimi huañungacuna.

EZEQUIEL 24:25

“Huañujlla aichayuj runalla, israelcuna paca tucuna ñuca huasitaca urmachishatajmi. Paicunaca ñuca huasi sumaj cajllapimi cushicuncuna, chaillamantami ricunatapish munancuna. Ñuca huasitaca, sumaj cashcallamantami munancuna. Paicunapaj churicunatapish, ushushicunatapish chingachishami.

OSEAS 6:7

Ashtahuanpish paicunaca, Adán shinallatajmi ari ninacushcata p'aquirca. Chashna juchallishpami ñucata llaquichirca.

Mateo 5:28

Ashtahuanpish ñucaca: Maijanpish shujtaj huarmita ricushpa munajca, paipaj shungupi ñami chai huarmihuan huainayan ninimi.

1 Timoteo 2:14

Shinallataj mana Adantachu umashca carca. Ashtahuanpish huarmimi umashca tucushpa, mandashcata p'aquirca.

JOSUÉ 7:21

Jericó pueblo runacunata quichushcacunapimari Babilonia llajtapi rurashca sumaj churanatapish, 200 siclo cullquitapish, pichca chunga siclota pizaj mirga curitapish ricushpa chaicunata achcata munashpa pacalla japishpa apamurcani. Chaicunataca ñuca carpa huasi ucupimi pambashpa churarcani. Cullquitapish chaicuna ucullapitajmi churarcani– nirca.

1 Juan 2:16

(Aicha munaicuna, ñahui ricushpa munanacuna, charinacunahuan jatun tucuna) cai pachapi ima tiyajcunaca, mana Diosmantachu, cai pachamantami shamun.

JUECES 14:17

Chaipipish chai huarmica imata nisha nishcata huillahuailla nishpami cutin cutin jatun micui canchis punllacunataca huacacurcalla. Sansonca paipaj huarmi huacashpa tapucujllapimi, ña canchis punlla tucujpica pai nishcaca imata nisha nishcata paiman huillarca. Chai huarmica paipaj llajtapura caj mosocunamanmi huillagrirca.