GÉNESIS 3:5 - Dios Rimashca Shimicunami

⁵ Ashtahuanpish chai yuramanta micushpaca cancunapaj ñahuicuna pascarijpi Taita Dios shina tucunata, allitapish, mana allitapish yachaj tucuna cashcatamari Taita Diosca yachan– nircami.

GÉNESIS 3:5 Iomraidhean Croise

GÉNESIS 2:17

Ashtahuanpish huerta chaupipi tiyaj yuraca allita mana allita yachaj chayachijmi. Chai yuramantaca ama micungui. Chai yuramanta micushpaca, chai punllallatajmi huañungui” nircami.

GÉNESIS 2:9

Mandaj Taita Diosca chai huertapica, micunanqui tucui laya sumaj granocunata p'ucuj sumaj yuracunatami huiñachirca. Shinallataj chai huerta chaupipica causaita cuj yuratapish, ima alli cashcata, mana alli cashcata yachaj chayachij granota p'ucuj yuratapishmi huiñachirca.

GÉNESIS 3:10

Chaimi paica: –Huertapi can puricujta uyashpami, lluchulla cashcamanta manchashpa miticurcani– nirca.

GÉNESIS 3:22

Chaipimi Mandaj Taita Diosca: “Runaca ñucanchij shinami tucushca. Allitapish mana allitapish yachajmi tucushca. Cunanca paipaj maquita chutashpa causaita cuj yuramantapish micushpa huiñaita causaj tucuchunca mana saquinachu canchij” nirca.

GÉNESIS 3:7

Ña micujpica, ishquindijpajtaj ñahuicuna pascarijpimi, paicunaca lluchulla cashcata yacharcacuna. Chaimi higo yura p'angacunata japishpa sirashpa ñaupaj ladota taparircacuna.

1 REYES 22:6

Chaimi israelcunata jatun mandajca, 400 shina profetacunata tandachishpa: –¿Galaadpi caj Ramotpi causajcunahuanca macanacugrishachu, mana cashpaca saquishallachu?– nijpi paicunaca: –Macanacugrilla, Mandaj Diosmi cambaj maquipi churanga– nircacuna.

2 CRÓNICAS 32:15

Chashna cashcamantaca Dios quishpichingami nishpa, Ezequías cancunata crichishpa umachunca ama saquichijchu. Ñuca ñaupa yayacuna llaquichishca tucui llajtacunapaj dioscunaca maijan llajtapaj diospish paipaj maquimantaca, mana quishpichi tucurcachu. Cancunapaj Dioscarin maitataj cancunataca, ñuca maquimanta quishpichi tucungari ninmi” nircacunami.

SALMOS 12:4

Chaicunaca: “Ñucanchij c'alluhuan rimashpaca mishashunllami. Ñucanchij shimica ñucanchijpajmi ¿pitaj ñucanchijta mandajca?” nincunami.

ÉXODO 20:7

Mandaj cambaj Diospaj shutipica manapish rimanapica ama rimangui. Ñuca shutita manapish rimanapi rimajtaca llaquichishatajmi.

ÉXODO 5:2

Ashtahuanpish faraonca: –¿Pitaj chai Mandaj Diosca pai nishcata uyashpa israelcunata richun ñuca saquingapajca? Mandaj Diosca pipishchari, mana rijsinichu. Israelcunatapish richun mana saquishachu– nircami.

ISAÍAS 14:14

P'uyumanta ashtahuan jahuamanmi huichiyasha. Chaipica jahua pachapi causaj Dios shinami casha nirijmi carcangui.

EZEQUIEL 13:22

Cancunaca chashna llullashpallami, cashcata rurajtaca llaquichircanguichij. Paitaca ñucaca manamari llaquichircanichu. Shinallataj cancunaca ñucata mana manchajcunamanmi, ashtahuan millaita rurachun yuyaicunata curcanguichij.

EZEQUIEL 28:12

“Huañujlla aichayuj runalla, Tiro pueblota jatun mandajmantaca, yupashpa yupashpa cashna huacangui: Mandaj Jatun Diosca cashnami nin: Canca tucuimanta yalli alli sello shinami carcangui. Allita yachajpish, sumajta rurashpa tucuchishcami carcangui.

EZEQUIEL 28:2

“Huañujlla aichayuj runalla, Tiro pueblota mandajmanca cashna huillai: Mandaj Jatun Diosca cashnami nin: Canca cambaj shungupi jatun tucushpami: Ñucaca diosmi cani. Chaimantami Taita Dios tiyarinapi tiyarishpa, mama cucha chaupipi tiyacuni nircangui. (Canca runallamari cangui, manamari Dios canguichu). Chashna cashpapish cambaj shungupica, Dios cashcatamari yuyangui.

EZEQUIEL 28:9

Canca canta huañuchicujpaj ñaupajpica: ¿Ñucaca Diosmi cani ninguichu? Canta huañuchijpaj maquipica, huañujlla aichayuj runallamari cangui, manamari Dioschu cangui.

EZEQUIEL 29:3

Cashna ningui: Mandaj Jatun Diosca cashnami nin: Egipto llajtata jatun mandaj faraonlla, ñucaca canhuanca p'iñami cani. Cambaj llajtapi tiyaj jatun yacucunapi causaj jatun dragón shinami: Nilo yacuca ñucapajmi, ñucami rurarcani nircangui.

DANIEL 4:30

jatun mandajca cashna nishpa rimarirca: “Babilonia yallitaj jatun pueblotaca ñucamari shayachircani. Mandashpa tiyana huasita chaipi shayachingapajmari ñuca tucuita rurai tucuj fuerzahuan rurarcani. Ñuca mandanaca tucuicuna ricuna jatun cachunmari rurarcani” niricurcami.

DANIEL 6:7

Can churashca tucui mandajcunapish, juezcunapish, satrapacunapish, mandajcunapish, soldadocunata mandajcunapish tandanacushpami cashna mandashcata churashpa pajtachichichuntaj nishpa yuyarinacurcanchij. Maijanpish cunanmanta manaraj quimsa chunga punlla tucujpi mana can jatun mandajllata adorashpa ashtahuanpish shujtaj diosta, mana cashpaca cambaj randica shujtaj runata adorajtaca, leoncunapaj jutcupi shitashca cachun nishpa can jatun mandaj mandachunmi shamunchij.

Mateo 6:23

Cambaj ñahui mana alli cajpica, cambaj tucui cuerpomi amsahuan junda canga. Canpi tiyaj luz amsapi cajpimi chashna. Chashna cashcamantaca imalla amsacunapishchari tiyan.

Hechos 26:18

Can huillashpa ñahuita pascajpimi, paicunaca amsamanta luzman cutirishpa Satanaspajta ruracushcata saquishpa Taita Diospajta rurangacuna. Ñucata crishpami juchacunamantapish quishpichishcacuna canga. Chashna cashpami Taita Diospajlla cajcunahuan herenciata japingacuna” nircami.

2 Corintios 11:3

Chashna cajpipish culebra achca yachaj cashpa Evata umashca shinallataj, cancunatapish tucui shunguhuan mana nij tucushpalla Cristota c'uyacushca yuyaicunata ima shinapish umashpa cungachinatami manchacuni.

2 Corintios 4:4

Cristopaj sumaj alli huillai luz ama achijyachichunmi, cai pachapaj diosca mana crijcunapaj yuyaicunataca tapashca. Cristoca, Dios ima shina cajta ricuchijmi.

2 Tesalonicenses 2:4

Chai runami tucuicunapaj jahuapi caj Taita Diostapish paita adorajcunatapish p'iñashpa jataringa. Chaimantaca Taita Diosmi cani nishpami, Taita Dios tucushpa Taita Diosta adorana huasipi tiyaringa.

Apocalipsis 13:14

Punta animal jatun mancharinacunata rurai tucunata q'uipa animalman cujpimi, chaita rurashpa allpa pachapi causajcunataca umarca. Chaimantami q'uipa animalca allpa pachapi causajcunataca, espadahuan huañujta chugrichishca cashpapish causacuj animalman rijchajta ruraichij nirca.

Apocalipsis 13:4

Paicunaca, animalman mandanata cuj dragonta, chai animaltapishmi: “Cai animal shinaca, pi mana tiyanchu. Paihuanca ¿pitaj macanacui tucungari?” nishpami adorarcacuna.

JUECES 3:2

Macanacuipi nunca mana caj q'uipa huiñai israelcuna ima shina macanacunata yachachunpishmi saquircaraj. Chai llajtacunaca caicunami: