GÉNESIS 3:4 - Dios Rimashca Shimicunami

⁴ Chaimi culebraca, huarmitaca: –Cancunaca mana huañunguichijchu.

GÉNESIS 3:4 Iomraidhean Croise

GÉNESIS 3:13

Chaimi Mandaj Taita Diosca Evataca: –¿Imatataj rurashcanguichu imamí?– nijpi Evaca: –Culebra umajpimari micurcani– nirca.

GÉNESIS 3:3

Ashtahuanpish Taita Diosca: Cancuna ama huañungapajca, huerta chaupipi tiyaj yurapi p'ucushcataca amataj micunguichij, amataj tuparinguichijllapishchu nircami– nishpami cutichirca.

2 REYES 1:16

Chaipica Eliasca: –Mandaj Diosca cashnami nin: ¿Canca Israelpica Dios illajpi shinamari, Ecronpi causajcunapaj Baal-zebub diosta tapuchun huillashpa purijcunata cacharcangui? Chashna cashcamantaca can siricun camamantaca, cunanca ña mana jataringuichu, huañunguitajmi ninmi– nircami.

2 REYES 1:4

Chai diosta tapunaman cachashcamanta cunanca Mandaj Diosca: Camapi ungushca siricunmantaca mana jataringuichu huañunguitajmi. Chashnatajmi canga ninmi ningui” nircami. Chashna nijpica Elías rishpaca, chashnallatajmi huillarca.

2 REYES 1:6

Chaimi paicunaca: –Shuj runahuan tupajpimari paica: Cancunata cachaj jatun mandajpajman tigrashpa cashna nigrichij: Mandaj Diosca cashnami nin: ¿Israel llajtapica Dios mana tiyajpichu, Ecronpi causajcunapaj Baal-zebub diosta tapuchun cacharcangui? Chai diosta tapunaman cachashcamanta cunanca can siricun camamantaca mana jataringuichu, huañunguitajmi ninmi ninguichij nircami– nishpami huillarcacuna.

2 REYES 8:10

Chaimi Eliseoca: –Ungüimantaca alliyanguimi. Alliyashca cashpapish huañungallatajmi ninmi, Mandaj Diosca nigri– nirca.

2 CRÓNICAS 18:21

Shina nijpi chai espirituca: Ñuca rishpaca, tucui profetacunatami llullachishpa huillachigrini nijpimi Mandaj Diosca: Can nishca shinallataj rurashpa umagrilla. Paitaca umai tucunguimi nirca.

SALMOS 10:11

Millai runapaj shunguca: “Diosca cungarinllami. Diospaj ñahuica tapashcami, nunca mana ricucunchu” ninmi.

Juan 8:44

Cancunapaj yayaca diablomari. Paipaj munaillatami rurashun ninguichij. Paica callarimanta huañuchijmi, yallitaj jatun llullami. Tucui pai nishcacunaca llullami. Llullashpaca pai ima shina cashca shinallatajmi llullan. Llullata callarichij cashcamanta llullapaj yayami.

2 Corintios 11:3

Chashna cajpipish culebra achca yachaj cashpa Evata umashca shinallataj, cancunatapish tucui shunguhuan mana nij tucushpalla Cristota c'uyacushca yuyaicunata ima shinapish umashpa cungachinatami manchacuni.

2 Corintios 2:11

Satanasca, ñucanchijmanta imata ama cushicuchunmi perdonarcani. Paica ima shinapish millaita ruranata yachaj cashcataca yachanchijmi.

DEUTERONOMIO 29:19

Chai tucui shimicunata uyashpa mana cazujca llaqui tucungami nishca shimicunata uyashpa ñucaca cazushami nishpa ari nishca jahua paipaj shungupica: 'Mana cazushpa ñuca ima munashcata rurashpapish sumajtami causasha yuyashpa mana allita rurajpica tucui llaquicuna paipaj jahuami shamunga.

1 Timoteo 2:14

Shinallataj mana Adantachu umashca carca. Ashtahuanpish huarmimi umashca tucushpa, mandashcata p'aquirca.