GÉNESIS 3:23 - Dios Rimashca Shimicunami

²³ Mandaj Taita Diosca, Edén llajtapi caj huertamanta llujshichishpami, paita rurashca allpallapitaj trabajashpa causachun churarca.

GÉNESIS 3:23 Iomraidhean Croise

GÉNESIS 2:5

allpapica ima yuracuna manaraj tiyarcachu. Verdijlla q'uihuapish manaraj huiñarcachu. Mandaj Dios cai pachapi manaraj tamyachishcamanta, allpapi imata rurajpish manaraj tiyashcamantami chashna carca.

GÉNESIS 2:7

Mandaj Taita Diosca runataca ñutu allpamanta rurashpa, paipaj singapi causaita cuj samaita p'ucujpimi, runaca causaiyuj tucurca.

GÉNESIS 2:8

Mandaj Taita Diosca inti llujshin ladoman caj Edén llajtapi huertata rurashpami, pai rurashca runataca chaipi churarca.

GÉNESIS 3:19

Allpaman tigrangacamaca canca jumbijta trabajashpami micungui. Canca allpamanta japishpa rurashcami cangui. Ñutu allpallamantataj cashcamantaca ñutu allpallatajmi tucungui– nircami.

GÉNESIS 3:22

Chaipimi Mandaj Taita Diosca: “Runaca ñucanchij shinami tucushca. Allitapish mana allitapish yachajmi tucushca. Cunanca paipaj maquita chutashpa causaita cuj yuramantapish micushpa huiñaita causaj tucuchunca mana saquinachu canchij” nirca.

GÉNESIS 3:24

Runata llujshichishpaca querubincunatami cuidachun churarca. Nina lunyashpa tucui ladoman muyucuj shuj espadatapishmi churarca. Chaicunataca causaita cuj yuraman rina ñanta pi ama yaicuchun cuidachunmi churarca. Chai huertaca Edén llajta inti llujshin ladomanmi carca.

GÉNESIS 4:12

Chaimanta allpapi tarpujpipish ña mana alli p'ucungachu. Chai allpapica maipi causanata mana charij, caru llajtamanta shina puricunguillami– nircami.

GÉNESIS 4:2

Chai q'uipaca paipaj huauqui Abeltami huacharca. Abelca ovejacunata michijmi carca. Cainca allpapi trabajajmi carca.

GÉNESIS 9:20

Noeca allpapi cutinllataj trabajai callarishpaca uvatami tarpurca.

ECLESIASTÉS 5:9

Ashtahuanpish allpapi p'ucushcaca tucuicunapajllatajmi. Jatun mandajpish, chagracunapimi yuyai causan.