GÉNESIS 3:19 - Dios Rimashca Shimicunami

¹⁹ Allpaman tigrangacamaca canca jumbijta trabajashpami micungui. Canca allpamanta japishpa rurashcami cangui. Ñutu allpallamantataj cashcamantaca ñutu allpallatajmi tucungui– nircami.

GÉNESIS 3:19 Iomraidhean Croise

GÉNESIS 18:27

Chaimi Abrahamca cutinllataj: –Ñucaca, Jatun Dioslla ñutu allpa shina ushpa shina cajpipish ñuca mañashcata uyachunmi rogapani.

GÉNESIS 2:7

Mandaj Taita Diosca runataca ñutu allpamanta rurashpa, paipaj singapi causaita cuj samaita p'ucujpimi, runaca causaiyuj tucurca.

GÉNESIS 23:4

–Ñucaca cancunapurapica caru llajtamanta pasacujlla shinami causacuni. Chashna cajpipish cancunapurapi caj pambana jutcuta cuhuaichij. Huañushca ñuca huarmita chaipi pambangapaj– nirca.

GÉNESIS 3:18

Can tarpushca granocunaca casha yuracunahuan, casha q'uihuacunahuanmi huiñanga. Chashna p'ucushcatami micungui.

GÉNESIS 5:5

Adanca tucuimantaca, 930 huatacunata causashpami huañurca.

JOB 1:21

cashna nirca: –Ñuca mamapaj huijsamantaca lluchullatajmi huacharircani, lluchullatajmi allpamanca tigrana cani. Mandaj Diosllatajmi curca, Mandaj Diosllatajmi quichun. Mandaj Diosca alli nishca cachun– nircami.

JOB 10:9

Mangata shina ñucata rurashcataca yuyariyari. ¿Maitataj allpallamantajca tigrachinguiyari?

JOB 19:26

Ñuca caracama ismushpa chingarishca q'uipami, Taita Diostaca ñuca aichahuan ricusha.

JOB 21:26

Caishujpish chaishujpish allpapi pambaringallatajmi. Ishquindijllatatajmi c'urucuna jundashpa micunga.

JOB 34:15

tucuicunami huañunman, runaca allpallatajmi tucunman.

JOB 4:19

Allpa jahuallapi lodohuan shayachishca huasicunapi causajcunapicarin ¿maitataj shunguta churangari? Paicunaca allpalla cashcamantaca, polilla c'uru micushpa tucuchinallami.

SALMOS 103:14

Paica ñucanchij imamanta rurashca cashcataca yachanmi. Ñutu allpamanta ñucanchij cashcatapish yuyaipimi.

SALMOS 104:23

Gentecunaca paicuna imata rurana cashcaman llujshirishpami, chishicama trabajancuna.

SALMOS 104:29

Quiquin cambaj ñahuita pacajpica musparincunami. Paicunata samaita quichujpica, huañushpa ñutu allpami tucuncuna.

SALMOS 127:2

Ashtahuanpish utcatamari jataringuichij, tutayashcatamari dormij siringuichij. Micunapajllamari shaicuita trabajanguichij. Taita Diosca pai c'uyashcamanca, sumajta dorminatami cun.

SALMOS 22:15

Ñuca shimipish callana shinami chaquishca. Ñuca c'allupish palagrapimi llutarishca. Huañushpa allpa tucuchunmari saquigringui.

SALMOS 22:29

Cai allpapi tucui jatuncunami, micungacuna paita adorangacuna. Huañushpa ñutu allpa tucunallacunapish, paipaj ñaupajpimi cunguringacuna. Pipish quiquinllatajca mana causaita charinchu.

SALMOS 90:3

Runacunataca ñutu allpallamantaj tigrachijmi cangui. “Huañujlla runa, ñutu allpa tucuilla nijpica” chashna tucunllami.

PROVERBIOS 21:16

Alli yuyaihuan causanapaj alli yachaita saquijca, huañushcacunahuanmi tandanacugringa.

ECLESIASTÉS 1:13

Ñucaca cai pachapi causajcuna imallata rurashcatami yachangapaj alli yuyaihuan tucuita callarishpa ricurcani. Cai pachapi causajcunaman Taita Dios cushca ruranacunaca, yallitaj llashaj shinami.

ECLESIASTÉS 1:3

Inti achijyachicun pachapi causajcunaca, mana samashpa imatapish rurashcahuanca ima allita mana japincunachu.

ECLESIASTÉS 12:7

Chai p'itirijpica, allpamanta rurashca aichaca allpallamantajmi tigranga, almaca Diospajmanmi tigranga. Diosmi chai almataca curca.

ECLESIASTÉS 3:20

Tucuillataj allpamanta rurashcami. Tucuicunallatajmi chaillamantaj tigran. Animalcuna cashpa, gentecuna cashpapish allpallatajmi tucun.

ECLESIASTÉS 5:15

Mamapaj huijsamanta lluchulla huacharishca shinallataj, chushajllami pambarincuna. Chushajllami shamuncuna, chashnallatajmi tigrancuna. Paicunapaj tucui trabajomantaca, imatapish mana apancunachu.

DANIEL 12:2

Chai punllacunapica huañushcacunapish causachishcami canga. Shujcunaca huiñai causaipajmi causachishca canga. Caishujcunaca huiñaita pingaichishca, muspachishca cangapajmi causachishca canga.

1 Corintios 15:47

Punta runaca allpamantami carca, allpallatajmi. Q'uipa runaca jahua pachamantami, paica Mandaj Jesusmi.

Efesios 4:28

Maijan shuhua cashca cashpapish, ama ashtahuan shuhuachun. Chaipaj randica, trabajachun. Ima illajlla cajcunaman chaupinata charinapaj, quiquin maquihuan imatapish allita rurachun.

1 Tesalonicenses 2:9

Huauquicuna, ñucanchij shaicuita trabajashcataca yuyaringuichijmi. Cancunamanta maijanta ama yalli p'iñachingapajca tutapish, punllapish trabajashpami Taita Diospaj alli huillaitaca cancunaman huillarcanchij.

2 Tesalonicenses 3:10

Ñucanchij cancunahuan cashpaca: Maijanpish mana trabajasha nijca ama micuchun nishpami mandarcanchij.

Hebreos 9:27

Shinallatajmi gentecunatapish shuj cutinlla huañuchun churashca. Chai q'uipaca paicuna imalla rurashcata Dios ricuchina punllami canga.