GÉNESIS 3:17 - Dios Rimashca Shimicunami

¹⁷ C'aritapish cashnami nirca: –Cambaj huarmi nishcata cazushcamanta, ñuca amataj micungui nishca yuramanta micushcamantaca, cunanca chai cambaj mana allimantaca allpapish mana alli nishcami saquirin. Cambaj tucui causaipimi allpapi shaicujta trabajashpa micungui.

GÉNESIS 3:17 Iomraidhean Croise

GÉNESIS 3:11

Shina nijpimi Taita Diosca: –Can lluchulla cashcataca ¿pitaj huillarcari? ¿Ñuca ama micungui nishca yuramantachu micurcangui?– nishpa tapurca.

GÉNESIS 3:18

Can tarpushca granocunaca casha yuracunahuan, casha q'uihuacunahuanmi huiñanga. Chashna p'ucushcatami micungui.

GÉNESIS 3:6

Chai yurapi p'ucushca granoca micunapaj alli cashcata, paipaj ñahuipica sumaj cashcata, chai yuramanta micushpaca yachaj tucunapaj alli cashcata ricushpami chai yurapi p'ucushcata japishpa micurca. Paipaj cusamanpish carajpimi, paipish paipaj huarmi shinallataj micurca.

GÉNESIS 5:29

Chai huahuataca: “Mandaj Dios allpata mana alli nishcamanta, ñucanchij maquihuan allpapi imata rurashpapish sinchita trabajashpa llaquita apacunmantaca cai huahuami samachinga” nishpami, Noé shutita shutichirca.

GÉNESIS 8:21

Mandaj Diosca chai cushcacuna paipajca mishquijlla cajta chasquishpami, paipaj shungupica cashna nirca: “Cunanca cai pachapi causajcuna millaita rurashcamantaca cunan llaquichishca shinaca mana llaquichishachu. Cai pachapi causajcunaca huambramanta pachami millaita rurana yuyailla causancuna. Chashna cajpipish cunan llaquichishca shinaca causaiyuj caj tucuicunataca mana chashnaca llaquichishachu.

JOB 14:1

Huarmimanta huacharishca runaca, asha punllacunallata causana cashca jahua, llaquihuan shaicushcallami causan.

JOB 21:17

Mashna cutinpishchari Diosta mana manchajcunapaj lamparaca huañun. Paicunataca llaquicuna japinllami. Taita Dios p'iñarishpaca nanaicunata cachanllami.

SALMOS 127:2

Ashtahuanpish utcatamari jataringuichij, tutayashcatamari dormij siringuichij. Micunapajllamari shaicuita trabajanguichij. Taita Diosca pai c'uyashcamanca, sumajta dorminatami cun.

ECLESIASTÉS 2:11

Chashna cushicushca q'uipami achca shaicuihuan ñuca imalla rurashcacunaca imapaj cashcata alli yuyarircani. Chashna yuyarishpami tucui chaicunaca yangalla cashcata ricurcani, yuyaita yanga shaicuchinallami cashca carca. Chashna cashcamantaca inti achijyachicun pachapica imapish yangallami.

ECLESIASTÉS 2:17

Inti achijyachicun pachapica tucui imapish yuyaita yanga shaicuchinalla cashcata yuyarishpami llaquirircani. Chaimantaca ñucaca causanataca p'iñarcanimi. Alli yuyarijpica imapish yuyaita yanga shaicuchishca, yanga charishcallami.

ECLESIASTÉS 5:17

Ashtahuantajcarin tucui causaipimi llaquihuan, nanaihuan llaquirishpalla trabajashpa causanchij.

Mateo 22:12

Paitaca: “Amigo, ¿ima shinataj bodaman shamuna churanahuan mana cashpapish, caimanca yaicumurcangui?” nijpi, paica imata mana ni tucurcachu.

Mateo 25:45

Chaimi paicunataca: “Tucuimanta yalli cai uchillacunapaj ima allita mana rurashpaca, ñucapajmari mana rurarcanguichij” ninga. Chashnatajmi canga.

Lucas 19:22

Chaimi mandajca: “Millai servij, chashna nishpaca can llaquita apanapajllatajmi chashna ningui. Ñuca manapish imata cushpa p'iñarishpa mañaj, manapish tarpushpa tandaj cashcataca yachashcanguimi.

Juan 16:33

Ñucahuan shujlla cashpa sumaj causaita charichunmi, caicunataca rimarcani. Cancunaca cai pachapica llaquita apanguichijmi. Shina cajpipish cai pachata mandajtaca ñami misharcani, ñucapi shunguta churaichijlla– nircami.

Romanos 3:19

Ashtahuanpish Mandashca ucupi cajcunataca, tucui ima shina cana cashcata Mandashcallataj yachachicushcatami yachanchij. Tucui cai pachapi causajcunata ima shina cashcata Dios ricuchicuipica, tucuicunallataj shimi mana llujshishpa upalla cachunmi chashna yachachicun.

Hebreos 6:8

Ashtahuanpish maijan allpaca cashacunata, abrojo cashacunata p'ucushpaca, mana alli cashcatami ricuchin. Chashna cajpica mana allichu cangui nishca cana ñami chayamucun, tucuripicarin rupachishcami canga.