GÉNESIS 3:16 - Dios Rimashca Shimicunami

¹⁶ Huarmitapish cashnami nirca: –Chichu cajpipish jatun nanaihuan canatami mirachini. Huachanatapish yallitaj nanaihuanmi huachangui. Chashna cashpapish canca cusahuan canatatajmi munangui. Paimi cantaca mandanga– nircami.

GÉNESIS 3:16 Iomraidhean Croise

GÉNESIS 4:7

Allita rurashpaca jatunyachishcami canguiman. Ashtahuanpish mana allita rurajpica, juchami cantaca mana allita rurachingapaj shuyacun. Shina cajpipish mana allitaca canmari mishana cangui– nircami.

1 CRÓNICAS 4:9

Jabes runami, tucui imapipish paipaj huauquicunata yalli carca. Paipaj mamaca: “Jatun nanaihuanmari huacharcani” nishpami, Jabesta shutichirca.

ESTER 1:20

Shinallataj can jatun mandaj chashna mandashcataca, can mandacun tucui llajtacunapi huillachiyari. Chashna huillachijpimi, tucui huarmicuna alli nishcacunapurapipish, yangallacunapurapipish paicunapaj cusacunataca cazungacuna– nircami.

SALMOS 48:6

Chaipica paicunataca manchaimi japirca. Nanaipish huachacuj huarmita shinami japirca.

ISAÍAS 13:8

Yallitaj manchai, yallitaj llaqui, yallitaj nanaicunami paicunataca llapinga. Huachana nanaihuan caj huarmi torcericuj shinami tucungacuna. Paicunahuan cajcunata caishuj chaishuj ñahuita ricunacushpaca tucuicunami jatunta mancharingacuna. Paicunapaj ñahuicunaca nina lunyacuj shinami cangacuna.

ISAÍAS 21:3

Chaimantami ñucaca huasha nanaihuan chujchucurcani. Huachana nanaihuan caj huarmita shinamari llaquica ñucataca japirca. Chaita uyashpaca llaquillami carcani. Chaita ricushpaca musparircanimi.

ISAÍAS 53:11

Paipaj alma llaquita apashcamanta p'ucushca granota ricushpaca cushicushpami saquiringa. Paicuna mana allita rurashcataca pai aparishpami, cashcata ruraj ñucapajta rurajca pai yachaj cashcahuan achcacunata justificanga.

JEREMÍAS 13:21

Jerusalén, canhuan unita alli apanacushcacunata canta mandachun Dios churajpica ¿imatataj yuyanguiman? ¿Manachu cambaj shungutaca huachana nanai japishca huarmita shina nananga imashi?

JEREMÍAS 22:23

Cunanca Líbano urcu caspicunahuan shayachishca huasipimi sumajta causacunguichij. Jatun llaqui shamujpica, capariringapaj cambaj cungapish mana pajtangachu. Huachana nanaihuan caj huarmi shinami nanachingui” ninmi.

JEREMÍAS 4:31

Punta cutin huachana nanaihuan caj huarmi shina capariricujtami uyarcani. Sión urcupi causajcunamari caparirishpa huacacun. Maquicunata chutashpamari: “¡Aij ñucalla, cunantajca imachari tucusha! Cai huañuchij runacuna huañuchigrinca” nishpa capariricun.

JEREMÍAS 49:24

Damascopi causajcunapish, imata mana rurai tucushpa, miticunaman callpagrincunami. Jatun manchai, jatun nanaimari japishca. Huachana nanai japishca huarmi shinamari tucuncuna.

JEREMÍAS 6:24

Chai runacunaca pitapish mishajcuna cashcata uyashpaca, ñucanchij rigracunapish chujchushpa huarcurinmi. Ñucanchijtaca jatun manchaimari japin. Huachacuj huarmi shina jatun nanaihuanmari canchij.

NÚMEROS 30:13

Mandaj Diospajta ruranataj tucushpa paipaj tucui almahuan pajtachishatajmi nij huarmitaca paipaj cusami rurachun saquinga, mana cashpaca jarcanga.

Juan 16:21

Shuj huarmica huachana pajtajpi huachacushpaca achcatami nanachin. Huahuata huachashca q'uipaca chai nanaita ña mana yuyarinchu, cai pachapi huahuayuj tucushcamanta achcatami cushicun.

1 Corintios 11:3

Ashtahuanpish caitami yachachun nini: Cristoca tucui c'aricunapaj umami, c'arica huarmipaj umami, Diosca Cristopaj umami.

1 Corintios 14:34

cancunapaj huarmicunaca tandanacuicunapica, mana rimana cashcamanta upalla cachun. Ashtahuanpish cazuj cachun, Mandashcapipish chashnallatajmi nin.

1 Corintios 7:4

Huarmica paipaj cuerpotaca mana paillatajca cushichinchu, cusami cushichin. Shinallataj cusapish paipaj cuerpotaca mana paillatajca cushichinchu, huarmimi cushichin.

Colosenses 3:18

Cazadacuna Mandaj Jesús munashca shina, cancunapaj cusacunata cazuichij.

1 Tesalonicenses 5:3

Tucuicuna: “Allitaj, sumajtami causacunchij” ninacucujpica, chichu huarmita nanai japij shinami paicunapajmanca, jatunta llaquichinaca ñapish shamunga. Chaimantaca manataj miticungacunachu.

1 Timoteo 2:13

Puntaca Adantami rurashca carca. Chai q'uipami, Evata rurashca.

1 Timoteo 2:15

Chaimanta huahuacunayuj tucushpa, crinapi, c'uyaipi, jucha illajyashpa mana maipish cachun causashpaca quishpiringami.

Tito 2:5

alli yuyaiyuj, mapa yuyai illaj, paicunapaj huasipi allicunata ruraj, alli shungu, paicunapaj cusacunatapish cazujcuna canata yachachingacuna. Chashna cajpimi, Taita Diospaj shimica mana c'amishca canga.