GÉNESIS 3:15 - Dios Rimashca Shimicunami

¹⁵ Cunanca canhuan, huarmihuanca p'iñanacuipimi churani. Cambaj huahua huahuacunahuanpish, huarmipaj huahua huahuacunahuanpish p'iñanacuipimi churani. Huarmipaj huahua huahuapurami cantaca umapi sarunga. Canca chaqui talonllapimi chugrichingui– nirca.

GÉNESIS 3:15 Iomraidhean Croise

GÉNESIS 49:17

Danca ñan c'uchupi caj culebra shinami canga. Ñan c'uchupi caj culebra shinallataj caballopaj talonta canishpa, caballopi tiyarishca ricujta allagman urmachijmi canga.

SALMOS 132:11

Mandaj Diosca pajtachingapajtajmi Davidmanca cambajca cashnami rurasha nirca. Pai cashna nishcataca manataj p'aquingachu: “Can mandashpa tiyanapica, cambaj huahua huahuacunatami churasha.

ISAÍAS 53:12

Chaimanta ñucaca paimanca jatuncunapurapi canatami cusha. Mishashpa quichushcatapish c'ari c'aricunahuanmi chaupinacunga. Paica huañuchichun paillataj japi tucushpamari, millaita rurajcunahuan huañuchishca carca. Juchayujcunapaj randi huañushpamari, achcacunapaj juchata aparca. Millaita rurajcunamantapish mañarcami.

ISAÍAS 7:14

Chaimanta Jatun Diosllatajmi, cancunamanca shuj ricuchinata ricuchigrin: C'arita manaraj rijsij shuj huarmimi chichunga. Paica shuj c'ari huahuatami huachanga. Chai huahuataca Emanuel shutitami shutichinga.

JEREMÍAS 31:22

Sinchi shungu huarmilla, ¿ima horascamachari chashna uri huichi puricunguilla? Mandaj Diosca cai llajtapica mushujtamari ruragrin. Huarmica cusapaj c'uchupimi canga” ninmi.

DANIEL 9:26

Sujta chunga ishqui semanacuna q'uipaca, Mesiaspaj causaitami quichunga. Paicuna quiquinllamantatajca mana huañuchingacunachu. Shamunapaj caj mandajpaj gentecunami Jerusalentapish, Diospaj huasitapish tucui urmachinga. Chaipica ima mana saquiringachu. Yacu jundai shina cungaimanta shamushpami chai macanacuica tucuringacama catinga.

AMÓS 9:3

Carmelo urcu puntapi miticugrijpipish, mashcashpami japisha. Ñuca ñahuimanta miticungapaj mama cucha asientoman yaicujpipish, yacupi causaj culebratami canichun cachasha.

MIQUEAS 5:3

Ashtahuanpish shuj huarmi chichushpa huachangacamallami paicunallata saquinga. Shinallataj saquirij paipaj huauquicunaca ñaupa yaya Israelpaj churicunahuanmi tigrangacuna.

Mateo 1:23

“C'arihuan manaraj chayarinacushca shuj huarmimi chichunga. Paica shuj c'ari huahuatami huachanga. Paitaca Emanuel shutitami shutichinga” (Chai shutica: “Taita Diosca ñucanchijhuanmi” nisha ninmi).

Mateo 1:25

Chaipipish punta churita María huachangacama, Joseca manaraj chayarircachu. Chai huahuataca, JESÚS shutitami shutichirca.

Mateo 12:34

¡Culebrapaj huahua huahuacuna! Cancunallataj millai cashpaca ¿ima shinataj allitaca rimai tucunguichigari? Shungupi junda tiyashcatami shimica riman.

Mateo 13:38

Tarpuna allpaca, cai pachapi causajcunami. Alli muyu shinaca, Dios mandacujpi chaipi caj huahuacunami. Cizaña shinaca, diablopaj huahuacunami.

Mateo 23:33

¡Culebra shina millaicuna, cancunaca culebracuna causanami canguichij! Cancunaca ucu pacha llaquiman rinamantaca mana quishpiri tucunguichijchu.

Mateo 3:7

Achca fariseocunapish, saduceocunapish bautizachun nishpa shamujta Juan ricushpaca, cashnami nirca: “¡Culebrapaj huahua huahuacuna! Taita Dios p'iñarishpa llaquichina punllamanta quishpirisha nichunca ¿pitaj huillarca?

Marcos 16:18

Culebracunata maquihuan japijpipish, ima huañuipajta ubyajpipish imata mana rurangachu. Ashtahuanpish ungushcacunapaj jahuapi maquita churashpa alliyachingacunami– nircami.

Lucas 1:76

Shinallataj can huahuituca, jahua pachapi caj Diospaj profeta nishcami cangui. Canmari Quishpichij purina ñanta allichishpa ñaupashpa ringui.

Lucas 10:19

Cancunamanca culebracunata, escorpioncunata saruna poderta, p'iñaj diablota cazuchina podertami cuni. Chaimanta cancunataca imata mana rurai tucungachu.

Lucas 22:53

Punllanta cancunahuan Taita Diospaj huasipi cajpipish, manamari japircanguichijchu. Cunanca ñucata japichina pajtajpimi, amsapi mandacuj diablo yuyaita cushcamanta ñucataca japinguichij– nircami.

Lucas 24:27

Moisés quillcashcamanta callarishpa, tucui profetacuna quillcashcacamami, Quillcachishcacunapi pai imalla tucuna cashcata huillacushcata yuyachirca.

Juan 8:44

Cancunapaj yayaca diablomari. Paipaj munaillatami rurashun ninguichij. Paica callarimanta huañuchijmi, yallitaj jatun llullami. Tucui pai nishcacunaca llullami. Llullashpaca pai ima shina cashca shinallatajmi llullan. Llullata callarichij cashcamanta llullapaj yayami.

Hechos 13:10

cashna nirca: –¡Diablopaj huahua, umana yuyaillahuan junda, mana allita ruranata munaj, imatapish cashcata ruranata p'iñaj! Jatun Diospaj alli ñanmanta ladoyachinataca ¿ima nishpataj mana saquisha ningui?

Romanos 16:20

Sumaj causaita cuj Taita Diosca, Satanastaca cancunapaj chaqui ucupimi saruchun ñalla churanga. Ñucanchijta Mandaj Jesucristopaj mana c'uyaipajta c'uyaj canaca, cancunahuan cashca cachun.

Romanos 3:13

Paicunapaj tungurica, pambashca jutcuta pascashca shinami. Paicunapaj c'alluhuanmi umancuna. Paicunapaj shimi ucupica, culebracunapaj venenomi tiyan.

Gálatas 4:4

Ashtahuanpish cachana punlla pajtajpica, Diosca paipaj churitami cacharca. Paica Mandashca ucupimi, shuj huarmimanta huacharirca.

Efesios 4:8

Chaitami: “Jahua pachaman huichiyashpaca, prezu cajcunatami prezu aparca. Gentecunamanca Dios cusha nishca rurai tucunatami curca” ninmi.

Colosenses 2:15

Cristota cruzpi chacatashpa, tucuita mishashpami punta mandajcunatapish, mandanata charijcunatapish anchuchishpa tucuicunata paipaj ñaupajpi cumurichirca.

Hebreos 2:18

Paita umasha nij llaquicunata apaj cashcamantami, umasha nij llaquicunahuan cajcunamanca mishachun poderta cui tucun.

Hebreos 5:7

Cristoca cai pachapi causacushpaca jatunta caparishpa, huacashpa, rogashpami huañuimanta cacharichij Diosta mañarca. Chashna manchaihuan cazuj cajpimi pai mañashcataca Diosca uyarca.

1 Juan 3:10

Diospaj huahuacuna cajtapish, diablopaj huahuacuna cajtapish ricunallami. Maijanpish cashcata mana ruraj, paipaj huauquita mana c'uyajca, mana Diospajchu.

1 Juan 3:8

Maijanpish juchata rurashpa catijca, diablopajmi. Diabloca callarimantami juchallin. Diablopaj rurashcacunata chingachingapajmi, Diospaj Churica shamurca.

1 Juan 5:5

¿Pitaj cai pachapi millaita ruranataca mishan? Jesusca Diospaj Churi cashcatataj crijmi mishan.

Apocalipsis 12:17

Chashna rurajpimi, dragonca chai huarmihuan ashtahuan p'iñarishpa chai huarmipaj saquirishca huahua huahuacunahuan jatunta macanacugrirca. Paicunaca, Dios mandashcata alli cazujcunami. Jesucristomanta huillashcatapish alli catijcunami.

Apocalipsis 13:7

Paitaca Diospajlla cajcunahuan jatun macanacuita rurashpa, pai mishachunpishmi saquirca. Shinallataj ch'ican ch'ican aillucunata, tucui pueblocunata, tucui laya rimajcunata, tucui llajtacunatapish tucuita mandanatami curca.

Apocalipsis 2:10

Llaquita apanataca ama manchaichu. Diabloca maijacunataca, crijtaj cashcata yachachun, carcelpimi churachinga. Chaipica chunga punllacunatami llaquita apanguichij. ¡Chashna cashpapish huañungacama catijmanca ñucaca causaita ricuchij coronatami cusha!

Apocalipsis 20:10

Jatun animaltapish, llullashpa huillajtapish azufrehuan rupacuj nina cuchapimi shitarca. Chaillapitajmi umaj diablotapish shitarca. Chaipimi paicunaca punllapish, tutapish huiñai huiñaita jatunta llaquichishca cangacuna.