GÉNESIS 3:1 - Dios Rimashca Shimicunami

¹ Mandaj Taita Dios rurashca tucui animalcunamanta yalli yachajca culebrami carca. Paimi huarmitaca: –¿Cancunataca Taita Diostajchu, cai huertapi tiyaj yuracunamantaca ama micunguichij nirca?– nishpa tapurca.

GÉNESIS 3:1 Iomraidhean Croise

ECLESIASTÉS 4:10

Shuj urmajpipish, caishujca jatarichinmi. Ashtahuanpish ¡aij, shujlla causaj runalla! Paitaca urmajpipish ¿pitaj jatarichingari?

ISAÍAS 27:1

Chai punllapica Mandaj Diosca paipaj sinchi, jatun alli espadahuanmi leviatán nishca yallitaj callpaj culebrata, leviatán nishca jatun culebrata llaquichinga. Mama cuchapi tiyaj dragontapishmi huañuchinga.

Mateo 10:16

Cancunataca ovejacunata atujcunapaj chaupiman cachaj shinami cachani. Culebra shina yachaj, paloma shina manso caichij.

Mateo 4:3

Pandachij diablo paipajman c'uchuyashpaca: –Taita Diospaj Churitaj cashpaca, cai rumicunata tanda tucuchun niyari– nijpimi,

Mateo 4:6

cashna nirca: –Taita Diospaj Churitaj cashpaca, caimanta huashicui. Quillcachishcapica: “Canta japichun Taita Diosca paipaj angelcunata cachangami. Cambaj chaqui rumipi ama ñitcarichun, paicunapaj maquipi cantaca charirangami” ninmi– nircami.

Mateo 4:9

cashna nirca: –Ñucata cungurishpa adorajpica, tucui caicunatami cusha– nirca.

2 Corintios 11:14

Chaicunataca, imata mana manchachinchu. Satanasllatajpish, achij nicuj ángel shina tucunllami.

2 Corintios 11:3

Chashna cajpipish culebra achca yachaj cashpa Evata umashca shinallataj, cancunatapish tucui shunguhuan mana nij tucushpalla Cristota c'uyacushca yuyaicunata ima shinapish umashpa cungachinatami manchacuni.

1 Pedro 3:7

Shinallataj cusacunapish cancunapaj huarmicunahuanca alli yuyarishpa causaichij. Huarmitaca p'aquirijlla vaso shina cashcamanta alli cuidaichij. Paicunapish cancuna shinallataj mana c'uyaipajta c'uyashpa cushca huiñai causaita japijcunami. Cancuna Diosta mañacujpi ima ama jarcachunmi chashna cana canguichij.

Apocalipsis 12:15

Chaipimi culebraca, chai huarmita yacu apachun, paipaj shimimanta jatun yacu shinata shitarca.

Apocalipsis 12:9

Chashnami chai jatun dragontaca, cielomantaca ña shitarca. Paica ñaupa rucu culebrami. Paica diablo, Satanás shutipishmi. Paica, allpa pachapi causajcunata umajmi. Paitami tucui paipaj millai angelcunandij allpa pachaman shitarca.

Apocalipsis 20:2

Chai angelmi dragón nishca ñaupa culebra, diablo, Satanastaca japishpa huaranga huatapaj huatarca.