GÉNESIS 29:3 - Dios Rimashca Shimicunami

³ Michijcunaca tucui canlla ovejacunata ña tandachishpami, pugyuta tapachishca rumita anchuchishpa ovejacunaman yacuta ubyachijcuna carca. Chai pugyutaca rumihuan cutinllataj tapachishpami saquijcuna carca.

GÉNESIS 29:3 Iomraidhean Croise

GÉNESIS 29:2

Chai pambapica shuj pugyuta, chai c'uchupica quimsa canlla ovejacuna siricujtami ricurca. Chai pugyumantami canlla ovejacunamanca yacuta ubyachijcuna carca. Chai pugyuca jatun rumihuan tapashcami carca.

GÉNESIS 29:4

Chaipi cajcunatami Jacobca: –Ñuca huauquicuna, ¿maimantataj canguichij?– nijpi paicunaca: –Ñucanchijca Haranmantami canchij– nircacuna.

GÉNESIS 29:8

Chaimi paicunaca: –Tucui michijcuna canlla ovejacunata tandachimungacama mana ubyachi tucunchijchu. Michijcuna canlla ovejacunata tucuicuna ña tandachimushpa tucuicunallataj tandanacushpa pugyuta tapachishca rumita anchuchishpami ovejacunamanca yacuta ubyachinchij– nircacunami.

ÉXODO 2:17

Ashtahuanpish michijcuna shamushpa paicunata anchuchishpa cachasha nijpimi, Moisesca jatarishpa paicunata mitsashpaca, chai solteracunapaj ovejacunamanraj yacuta ubyachirca.

CANTARES 4:12

Ñuca panilla, ñuca c'uyashca huarmiculla, huertata huichcashca shinamari cangui. Pugyu yacuta tapachishpa sellashca shinamari cangui.

JUECES 5:11

Arcoyujcuna bullacushca chingarishcataca, animalcunaman yacuta ubyachina pugyucunapi huillaichij. Chaitaca Mandaj Dios mishachijpi mishashcata cutin cutin huillaichij. Israelcuna mishashcataca tucui uchilla pueblocunapipish huillaichij. Chaimi Mandaj Diospaj israelcunaca paipaj huasi punguman shamungacuna.