GÉNESIS 28:3 - Dios Rimashca Shimicunami

³ Pailla Tucuita Rurai Tucuj Taita Dios, canmanca achca allicunata cuchun. Cambaj huahuacunatapish yallitaj achcata mirachichun. Yallitaj achcacuna tucungacama mirachichun.

GÉNESIS 28:3 Iomraidhean Croise

GÉNESIS 1:28

Taita Diosca paicunata alli cashca cachun nishpaca: “Huahuacunayuj tucushpa, alli huiñachishpa achcata mirarishpa cai pachapi jundarishpa cai pachata mandanguichij. Yacupi causaj animalcunatapish, huairapi purij alasyuj animalcunatapish, allpapi purij tucui animalcunatapish cancuna mandanguichij” nircami.

GÉNESIS 13:16

Cambaj huahua huahuacunataca ñutu allpa shina cachun achcatami mirachisha. Ñutu allpata maijanpish yupai tucujpica, cambaj huahua huahuacunatapish yupashcami canga.

GÉNESIS 17:20

Ismaelmanta can mañashcatapish uyanimi. Paitapish alli cashca cachun nishami. Huahuacunayuj tucushpa, alli huiñachishpa yallitaj achcata mirarichunmi churasha. Paimantaca chunga ishqui mandajcunami llujshinga. Chashnami paimantaca jatun llajtata rurasha.

GÉNESIS 24:60

Paicunaca alli cashca cachun nishpami Rebecataca: “Ñucanchij paniculla, canca huaranga huarangacunapaj mama tucushpa alli canguiman. Cambaj huahua huahuacunaca paicunata p'iñajcunahuan macanacushpa pueblocunata quichushpa alli canman” nircacuna.

GÉNESIS 26:24

Chai tutami Mandaj Diosca Isaacman ricurishpaca: “Ñucaca cambaj yaya Abrahampaj Taita Diosmi cani. Ñuca canhuan cashcamanta ama manchaichu. Cantaca alli cashca cachun nishami. Cambaj huahua huahuacunataca achcatami mirachisha. Ñucapajta ruraj Abrahamta c'uyashcamantami chashna rurasha” nircami.

GÉNESIS 26:4

Cambaj huahua huahuacunataca jahua pacha luzerocunata shina yallitaj achcata mirachishpami, tucui chai llajtacunataca cambaj huahua huahuacunaman cusha. Cambaj huahua huahuacunamantami tucui llajtacuna alli nishca canga.

GÉNESIS 27:33

Chaipimi Isaacca chujchushpa jatunta mancharishpaca: –Can manaraj chayamujpimari, animalta japishpa sumaj micunata rurashpa maijantajshi ñucapajman shamushpa carajpi chaita micushpa ñucaca paitaca alli cashca cachun nircani. Paimi alli cashca cachun nishca canga– nirca.

GÉNESIS 35:11

Taita Diosca chaillapitajmi cashnapish nirca: “Ñucaca Ñucalla Tucuita Rurai Tucuj Taita Diosmi cani. Canca huahuacunayuj tucushpa achcata mirarilla. Canmantami shuj jatun llajtapish, achca aillucunapish tucunga. Cambaj huijsamanta llujshishca huahua huahuacunaca jatun mandajcunami canga.

GÉNESIS 41:52

Q'uipa churitaca Efraintami shutichirca. Paica: “Taita Diosca ñucataca llaquita apacushca llajtapimari churicunayujta rurahuan” nishpami, chashna shutichirca.

GÉNESIS 43:14

Pailla Tucuita Rurai Tucuj Taita Diosca, chai mandajtaca cancunata llaquina yuyaita cushca alli canman. Chai mandaj cancunata llaquishpaca Simeontapish, cai Benjamintapish cacharingapishchari. Mana chashna rurajpi huahuacuna illajlla ñuca saquirina cajpica, chashna cangatajchari– nirca.

GÉNESIS 48:3

Josetaca: –Pailla Tucuita Rurai Tucuj Taita Diosmi, Canaanpi caj Luz pueblopi ñucaman ricurishpa alli cashca cachun nishpaca,

GÉNESIS 48:4

cashna nirca: Ñucami cantaca achca huahuacunayujta rurasha. Yallitaj achcatami mirachisha. Cambaj huahua huahuacunamantaca achca llajtacunami tucunga. Cai llajtataca cambaj huahua huahuacunapaj huiñaipaj cachunmi cusha nircami.

GÉNESIS 49:25

Cambaj yayapaj Taita Diosmantami chashna cangui. Paimi cantaca ayudanga. Pailla Tucuita Rurai Tucuj Taita Diosmantami chashna cangui. Paimi cantaca alli cashca cachun ninga. Jahuaman tiyajcunahuanmi alli cashca cachun ninga. Ucuman cajcunahuanmi alli cashca cachun ninga. Huijsamanta, chuchumantami alli cashca cachun ninga.

GÉNESIS 9:1

Taita Diosca Noetapish, paipaj churicunatapish alli cashca cachun nishpaca: “Huahuacunayuj tucushpa, alli huiñachishpa achcata mirarishpa cai pachapi jundarichij.

SALMOS 127:1

Mandaj Dios mana huasichijpica, huasichijcunaca yangallami trabajancuna. Mandaj Dios pueblota mana cuidacujpica, cuidajcunaca yangallami mana dormishpa cuidancuna.

SALMOS 127:3

Huahuacunaca Mandaj Diosmanta herenciamari. Huijsamanta llujshishca huahuacunaca Dios cushca sumajmari.

ÉXODO 1:7

Israelcunaca mirarishpa yallitaj achcacuna tucushpami, Egiptopica jundarircacuna. C'ari c'aricunapishmi tucurcacuna.

ÉXODO 6:3

Abrahamman, Isaacman, Jacobman ricurishpaca Ñucalla Tucuita Rurai Tucuj Dios cashcatami ricuchircani. Ashtahuanpish paicunamanca ñuca shuti, MANDAJ DIOS cashcataca mana huillarcanichu.

2 Corintios 6:18

Ñucaca, cancunapaj Yayami casha. Cancunaca ñuca churicuna, ushushicunami canguichij” ninmi Tucuita Rurai Tucuj Jatun Diosca.

Apocalipsis 21:22

Chai pueblopica, Taita Diosta adorana huasitaca, maipi mana ricurcanichu. Tucuita Rurai Tucuj Mandaj Taita Dios, Ovejapishmi chai huasica.

RUT 2:4

Belenmanta Booz paipaj chagraman rishpaca, cozichajcunataca: –Mandaj Dios cancunahuan cachun– nijpi cozichajcunapish: –Mandaj Diosca canhuanpish cachun– nircacuna.