GÉNESIS 28:2 - Dios Rimashca Shimicunami

² Cunanca Padan-arampi caj cambaj mamapaj yaya Betuelpaj huasiman ri. Chaipica cambaj mamapaj turi Labanpaj ushushicunamanta maijantapish cambaj huarmi cachun japingui.

GÉNESIS 28:2 Iomraidhean Croise

GÉNESIS 24:10

Chai q'uipaca paipajta ruraj runaca paipaj amo Abraham charishcacunataca tucuimanta yalli alli camaricunata agllashpa, amopaj chunga camellocunata japishpa chaicunaman apachishpa ñanpi yaicushpaca, Mesopotamiapi caj Nacor causacun pueblomanmi chayarca.

GÉNESIS 24:29

Rebeca solteraca, Labán shuti turitami charirca. Paica huasimanta llujshishcahuan callpashpa rishpami, yacu pugyu c'uchupi caj runapajman rirca.

GÉNESIS 24:4

Ashtahuanpish ñuca quiquin llajtaman rishpa, ñuca familiacunapuramanta shuj huarmita ñuca churi Isaacpaj huarmi cachun pushamunata ari ni– nirca.

GÉNESIS 24:50

Chaimi Labanpish, Betuelpish: –Tucui chaicunaca Mandaj Diospaj munaimi chashna cashca. Chaimanta ñucanchijca allimi, mana allichu mana ni tucunchijchu.

GÉNESIS 25:20

Isaacca chuscu chunga huatayuj cashpami Padan-aram llajtapi causaj arameocunapura Betuelpaj ushushi, Labanpaj pani Rebecataca paipaj huarmi cachun japirca.

GÉNESIS 28:5

Chashna Isaac Jacobta Padan-aramman cachajpimi, paica arameo Betuelpaj churi Labanpaj huasiman rirca. Labanca Jacobpaj, Esaupaj mama Rebecapaj turimi carca.

GÉNESIS 29:1

Jacobca pai ricushca ñanta rishpaca, inti llujshin ladoman causajcunapaj llajtamanmi chayarca.

GÉNESIS 31:18

Padan-arampi Labanpajta rurashcamanta pai japina cashcamanta japishca animalcunatapish, tucui imalla charishcacunatapish tandachishpa, Canaanpi caj paipaj yaya Isaacpajman tigrangapaj ñanpi yaicurca.

GÉNESIS 32:10

¡Tucui caicunata quiquin llaquishpa cuna cashcata mana chasquipaj cajpipish cambajta ruraj ñucamanca cai tucuitami cushcangui! Ñucaca cai Jordán jatun yacutaca tauna caspita aisashcallami ch'imbashpa rircani. Ashtahuanpish cunanca ishqui mirgapi ch'icanyachishca animalcunatapish, runacunatapishmi charini.

GÉNESIS 33:18

Jacobca Padan-arammanta tigrashpaca Canaanpi caj Siquem puebloman ima mana tucushca alli chayashcamantami, chai pueblo ch'imbapurallapi causanata callarirca.

GÉNESIS 35:9

Jacobmanca, Padan-arammanta tigracujpimi Taita Diosca cutinllataj ricurishca carca. Chaipimi canmanca achca allicunatami cusha nishpaca,

GÉNESIS 46:15

Paicunaca Padan-arampi Jacob causacushpa Lea huarmihuan charishca churicunami carca. Dina shuti ushushitapishmi charirca. Churicunatapish ushushicunatapish tucuita yupajpica quimsa chunga quimsami carca.

OSEAS 12:12

Jacobca Arammanmi miticushpa rirca. Israelca chai llajta huarmita paipaj huarmi cachun japingapajmi paipajta rurashpa causarca. Shuj huarmita paipaj huarmi cachun munashcamantami ovejacunata michishpa causarca.

OSEAS 12:13

Mandaj Diosca, paipaj profetahuanmi israelcunataca Egiptomanta llujshichirca. Paipaj profetahuanmi punllanta pushamurca.