GÉNESIS 27:4 - Dios Rimashca Shimicunami

⁴ Chai aichataca, ñuca ima shina munaj cashca shinata rurashpa ñucaman carahuai. Ñuca manaraj huañushpa canta alli cashca cachun ningapaj chashna rurahuai– nircami.

GÉNESIS 27:4 Iomraidhean Croise

GÉNESIS 14:19

Paimi Abramtaca: “Abram, cantaca jahua pacha Taita Dios alli nishca cachun. Jahua pachatapish, cai pachatapish ruraj Taita Dios alli nishca cachun.

GÉNESIS 24:60

Paicunaca alli cashca cachun nishpami Rebecataca: “Ñucanchij paniculla, canca huaranga huarangacunapaj mama tucushpa alli canguiman. Cambaj huahua huahuacunaca paicunata p'iñajcunahuan macanacushpa pueblocunata quichushpa alli canman” nircacuna.

GÉNESIS 27:14

Chaimi Jacobca, chivocunata apamushpa paipaj mamaman cujpi, paipaj mamaca yaya Isaac munashca shinallatataj sumaj micuita rurarca.

GÉNESIS 27:17

Chaimantaca Rebecaca pai rurashca sumaj micuitapish, tandatapish Jacobpaj maquipimi churarca.

GÉNESIS 27:19

Shina nijpimi Jacobca: –Cambaj punta churi Esaumi cani. Ñamari can nishca shina sumaj micuita ruramuni. Cunanca ñucata alli cashca cachun ningapaj animalta japimushpa allichishca micuita jatarishpa micupai– nirca.

GÉNESIS 27:23

Jacobpaj maquicunaca Esaupaj maquicuna shina millmayuj cajpimi, tantiashpapish mana rijsishpa alli cashca cachun nigrishpaca:

GÉNESIS 27:25

Chaimi Isaacca: –Canta alli cashca cachun ningapaj ñuca huahua can japimushca animal aichata allichishcata micungapaj apamui– nijpi, Jacob cujpica, Isaacca micurcami, vinotapish apamujpi ubyarcami.

GÉNESIS 27:27

Jacobca c'uchuyashpa mucharca. Yaya Isaacca Jacob churashca churanata mutquishpaca alli cashca cachun nishpami cashna nirca: “Riqui, ñuca huahuaca Mandaj Dios rurashca chagraman shinamari ashnan.

GÉNESIS 27:31

Esauca sumaj micuita rurashpa paipaj yayapajman apamushpaca: –Ñucata alli cashca cachun ningapaj animalta japimushpa cambaj churi ñuca allichishca micuita jatarishpa micupai– nircami.

GÉNESIS 27:5

Yaya Isaac punta churi Esauta chashna mandacujtaca mama Rebecaca uyarcami. Esauca urcupi animalta japishpa apanamanmi rirca.

GÉNESIS 27:7

Urcupi animalta japimushpa, sumaj micunata rurashpa apamui. Chai micunata micushpa manaraj huañushpa Mandaj Diospaj ñaupajpi cantaca alli cashca cachun ningapaj ninmi.

GÉNESIS 27:9

Cunanca animalcuna maipi canman rishpa, chivo canllamanta ashtahuan alli ishqui chivota apamugri. Chaitaca cambaj yaya munashca shina sumaj micuita ñuca allichishallami.

GÉNESIS 28:3

Pailla Tucuita Rurai Tucuj Taita Dios, canmanca achca allicunata cuchun. Cambaj huahuacunatapish yallitaj achcata mirachichun. Yallitaj achcacuna tucungacama mirachichun.

GÉNESIS 48:9

Joseca paipaj yayamanca: –Taita Dios ñucaman caipi cushca ñuca churicunami– nirca. Chaimi Israelca: –Cunanca ñucapajman c'uchuyachi paicunata alli cashca cachun ningapaj– nirca.

GÉNESIS 49:28

Tucui chaicunami Israelpaj aillucuna. Tucuica chunga ishquimi. Paicunapaj yaya cada ailluman alli cashca cachun nishpa saquicushpaca tucui chai alli cashca cachun nishcacunahuanmi saquirca.

Lucas 2:34

Simeonca Dios allicunata cuchun nishca q'uipami Jesuspaj mama Mariataca: –Cai huahuataca, cai Israelpica achcacuna urmanapaj achcacuna jatarinapajmi churashca. Paica achcacuna Diosta p'iñana cashcata ricuchijmi canga.

Lucas 24:51

Taita Dios cancunahuan cachun nishpa paicunamanta anchurijpica, jahua pachaman aparcallami.

Hebreos 11:20

Crishcamantami Isacca paipaj churi Jacobmanpish, Esaumanpish shamuj punllacunapica Dios allicunata cushca cachun nirca.

JOSUÉ 14:13

Chaimi Josueca, Jefonepaj churi Calebtaca can nishcataca Dios alli nichun nishpa, pai japina cashca Hebrón llajtataca paipajpish, paipaj huahuacunapajpish cachun curca.

JOSUÉ 22:6

Shina nishpa Josueca, Dios cancunahuan cachun nijpica, paicunaca paicunapaj carpa huasicunaman tigrarcallacunami.