GÉNESIS 26:7 - Dios Rimashca Shimicunami

⁷ Chaipi cajpimi, chaipi causaj gentecunaca Rebecaca cambaj huarmichu nishpa tapujpi, paica: “Ñuca panimi” nirca. Paica: “Ñuca huarmimi” nijpica chaipi causaj gentecuna Rebecamanta paita huañuchinata manchashcamantami chashna nirca. Rebecaca sumaj ñahui huarmimi carca.

GÉNESIS 26:7 Iomraidhean Croise

GÉNESIS 12:11

Abramca Egiptoman ñalla chayagricushpami, paipaj huarmi Saraitaca: “Canca sumaj ñahui huarmimari cangui.

GÉNESIS 12:13

Canmanta ñucapaj alli llujshichunca canca: Ñucapajca ñuca panilla cashcata huillangui. Chashna ñucapaj allita rurajpimi, ñucaca mana huañusha” nircami.

GÉNESIS 12:15

Faraón churashca mandajcuna ricushpapish chai huarmica sumaj huarmimari nishpa Faraonman huillashpami, Sarai huarmitaca, faraón mandashpa tiyana huasiman pusharcacuna.

GÉNESIS 20:11

Chaimi Abrahamca: –Cai llajtapi causajcunaca, Taita Diostaca manataj manchancunachu. Ñuca huarmitaca paicunapaj cachun japingapaj ñucataca huañuchingacunami yuyashpami chashna nircani– nirca.

GÉNESIS 20:2

Chaipi causacushpami Abrahamca paipaj huarmi Sarataca: “Ñuca panimi” nirca. Chaimi Gerar pueblota jatun mandaj Abimelecca Sarataca paipajman pushanaman cachashpa paipaj huarmi cachun japirca.

GÉNESIS 20:5

Abrahamllatajmi: “Ñuca panimi” nirca. Sara huarmipish: “Ñuca turimi” nijpimi, paitaca ñucapaj cachun japircani. Ñuca maquihuan ima millaita mana rurashpa, alli shunguhuanmi japircani” nircami.

GÉNESIS 24:16

Chai solteraca sumaj ñahui, c'arihuan manaraj chayarinacushcami carca. Paica pugyuman uriyashpa paipaj puñupi yacuta huishishpami ña tigragrirca.

GÉNESIS 26:6

Isaacca, Gerar pueblopimi causarca.

GÉNESIS 26:8

Ashtahuanpish chaipi ña unita causacushpami shuj punllaca cashna tucurca. Isaacca paipaj huarmi Rebecata llambushpa sumajta c'uyacujtami, filisteocunata jatun mandaj Abimelecca paipaj huasi ventanamanta ricurca.

GÉNESIS 29:17

Leapajca ñahui luluncunallami sumaj carca. Ashtahuanpish Raquelca ñahuipish sumaj, munananqui solterami carca.

PROVERBIOS 29:25

Runata manchanaca tsagnarishpa urmana linchimi. Ashtahuanpish Mandaj Diosca, paipi shunguta churajtaca huaquichingami.

Mateo 10:28

Cuerpota huañuchijcunataca, ama manchaichijchu. Paicunaca, almataca mana huañuchi tucunchu. Chaipaj randica almandij, cuerpondij ucu pachapi chingachi tucuj Taita Diosta manchaichij.

Efesios 5:25

Cristoca tandanacushca crijcunata c'uyashpami, paillataj curirca. Chai shinallataj cusacunapish, quiquin huarmicunata c'uyaichij.

Colosenses 3:9

Caishuj, chaishuj ama llullanacuichijchu. Cancunapaj mauca causaitaca, rurashcacunandij anchuchishpa,