GÉNESIS 26:5 - Dios Rimashca Shimicunami

⁵ Cambaj yaya Abraham ñuca rimashcata uyashpa ima shina causana shinataj causashcamanta, ñuca quillcachishcacunata, chaitataj pajtachichun nishcacunata, ñuca mandashcacunata cazushcamantami chashna rurasha” nircami.

GÉNESIS 26:5 Iomraidhean Croise

GÉNESIS 12:4

Abramca Mandaj Dios nishca shinallataj rircallami. Lot runapish paihuanmi rirca. Abramca Haranmanta llujshinapajca, canchis chunga pichca huatayujmi carca.

GÉNESIS 17:23

Abrahamca chai punllallatajmi Taita Dios mandashca shinallataj paipaj churi Ismaeltapish, paipaj huasipi huacharishca paipajta rurajcunatapish, paipajta rurachun cullquihuan randishcacunatapish tucui c'aricunata paicuna charishca aicha mirga carata p'itirca.

GÉNESIS 18:19

Abrahamtaca paipaj huahua huahuacunatapish, chaicunapaj huahua huahuacunatapish Mandaj Dios mandashcacunataca cashcata rurashpa causanata, pai nishca shinataj rurashpa pajtachina cashcata yachachinataca yachanimi. Abrahamca Mandaj Dios paiman cusha nishcacunata pajtachichunmi chashna rurana can” nircami.

GÉNESIS 22:16

cashnami nirca: –Cambaj churitaca pailla cajpipish ñucaman cunataca mana mitsashpa cushcamantaca ñuca shutillapitajmi cashna nini:

GÉNESIS 22:18

Ñuca mandashcata can cazushcamantami, cambaj huahua huahuacunamantaca tucui cai pachapi causajcunapish alli nishca cangacuna– nircami.

GÉNESIS 26:6

Isaacca, Gerar pueblopimi causarca.

Mateo 5:19

Chaimanta maijanpish, cai mandashcacunapi uchilla cajta p'aquishpa, shujtajcunatapish chashna p'aquij canata yachachijca, jahua pachamanta mandacunpica, uchilla nishcami canga. Ashtahuanpish chaitataj pajtachishpa yachachijca, jahua pachamanta mandacunpica jatun nishcami canga.

Mateo 7:24

“Maijanpish cai ñuca yachachishcacunata uyashpa chaitataj rurajtaca, yacu rumi jahuapi huasichij alli yuyaiyuj runahuanmi ch'imbapuragrini.

1 Corintios 15:58

Chashna cajpica ñuca c'uyashca huauquicuna, Mandaj Jesuspajta ruranapi huiñashpa, sinchiyashpa, pi mana cuyuchipaj catiraichij. Cancuna Mandaj Jesuspi shujlla tucushpa paipajta trabajashca mana yanga cashcataca yachanguichijmi.

Gálatas 5:6

Cristo Jesushuan shujlla tucushca cajpica, circuncisionta rurachishca cashpapish, mana rurachishca cashpapish ima mana canchu. Ashtahuanpish crishcamanta c'uyaihuan ruranami alli.

Hebreos 11:8

Crishcamantami Abrahampish Dios cayajpica, cazushpa paiman cuna cashca llajtata japinamanca, maiman ricushcata mana yachashpapish, paipaj llajtamanta llujshishpa rircalla.

Santiago 2:21

¿Manachu ñucanchij yaya Abrahamca, paipaj churi Isaacta altarpi rupachinapaj cushcamanta justificashca tucushca?