GÉNESIS 26:4 - Dios Rimashca Shimicunami

⁴ Cambaj huahua huahuacunataca jahua pacha luzerocunata shina yallitaj achcata mirachishpami, tucui chai llajtacunataca cambaj huahua huahuacunaman cusha. Cambaj huahua huahuacunamantami tucui llajtacuna alli nishca canga.

GÉNESIS 26:4 Iomraidhean Croise

GÉNESIS 13:16

Cambaj huahua huahuacunataca ñutu allpa shina cachun achcatami mirachisha. Ñutu allpata maijanpish yupai tucujpica, cambaj huahua huahuacunatapish yupashcami canga.

GÉNESIS 15:18

Chai punllallatajmi Mandaj Diosca, Abramman cunata ari nishpa cashna nirca: –Cambaj huahua huahuacunamanca cai llajtatami cusha. Egipto jatun yacumanta callarishpaca, Éufrates jatun yacuta catishpa,

GÉNESIS 15:5

Mandaj Diosca, Abramtaca canllaman llujshichishpami: –Jahua pachata ricui. Yupai tucushpaca, chai luzerocunata yupai– nirca. Mandaj Diosca: –Cambaj huahua huahuacunaca chashnamari canga– nircami.

GÉNESIS 18:18

Abrahamca imatapish rurai tucuj jatun llajtami tucunga. Paimantami cai pachapi tiyaj tucui llajtacunapish alli nishca cangacuna.

GÉNESIS 26:24

Chai tutami Mandaj Diosca Isaacman ricurishpaca: “Ñucaca cambaj yaya Abrahampaj Taita Diosmi cani. Ñuca canhuan cashcamanta ama manchaichu. Cantaca alli cashca cachun nishami. Cambaj huahua huahuacunataca achcatami mirachisha. Ñucapajta ruraj Abrahamta c'uyashcamantami chashna rurasha” nircami.

GÉNESIS 28:14

Cambaj huahua huahuacunaca, ñutu allpa shinami canga. Inti llujshin ladomantaca, inti huashicun ladocama, janaj ladomantaca, ura ladocamami mirarishpa causangacuna. Canmanta, cambaj huahua huahuacunamantami tucui cai pachapi causajcunaca alli nishca cangacuna.

GÉNESIS 28:3

Pailla Tucuita Rurai Tucuj Taita Dios, canmanca achca allicunata cuchun. Cambaj huahuacunatapish yallitaj achcata mirachichun. Yallitaj achcacuna tucungacama mirachichun.

GÉNESIS 35:12

Abrahamman, Isaacman cushca llajtataca canman, cambaj huahua huahuacunamanpishmi cusha” nircami.

GÉNESIS 47:27

Israelcunaca Egiptopica Gosenpi allpacunata japishpami chaipi causarcacuna. Chaipimi paicunaca yallitaj achcata mirarircacuna.

1 CRÓNICAS 27:23

Mandaj Diosca israelcunataca, jahua pachapi tiyaj luzerocunata shina mirachisha nishcamantami Davidca, ishqui chunga huatayujcunataca mana yupachirca.

SALMOS 72:17

Paipaj shutica huiñaipajmi canga. Inti tiyashcacama paipaj shutica ama chingarichun. Tucui llajtacunami paimanta alli nishca cangacuna. Paica alli nishcami canga.

ÉXODO 32:13

Cambajta ruraj Abrahamman, Isaacman, Israelmanca: Ñucami cambaj huahua huahuacunataca jahua pacha luzerocunata shina mirachisha. Paicunamanmi cancunaman cusha nishca cai allpataca cusha. Paicunapaj huiñaipaj cachunmi cusha nishpa quiquintaj nishcataca yuyaripayari– nirca.

ÉXODO 6:4

Carumanta shamujcuna shinalla asha punllacunacama paicuna causacushca Canaán llajtata cungapajmi shuj ruranata ari ninacurcani.

Hechos 3:25

Cancunaca profetacunapaj huahuacuna, ñucanchij yayacunaman Taita Dios cushami nishpa ari nishcata japijcunami canguichij. Chashna cana cajpimi Taita Diosca Abrahamtaca: “Cambaj huahua huahuamantami cai pachapi causajcunaca tucuicuna allicunata chasquingacuna” nishca.

Gálatas 3:16

Chai shinallatajmi Abrahamman, paipaj huahua huahuaman Diosca cusha nirca. Achcacunaman nij shinaca, mana: “Huahua huahuaman” ninchu. Ashtahuanpish shujta nij shinallami: “Quiquinpaj huahuaman” nin. Chaica Cristomi.

Gálatas 3:8

Diosca, mana judiocunapish crijpi justificana cashpami, Quillcachishcapica ñaupaman ricuchirca. Chaimantami Abrahammanca: “Canmantaca tucui mama llajtacunami alli nishca canga” nishpa alli huillaitaca ñaupaman huillarca.

DEUTERONOMIO 13:17

Tucui chingachinapaj cashcacunataca imata mana japinachu canguichij. Chashna cajpimi Mandaj Dios nina sindirij shina p'iñarishcaca pararinga. Cancunapaj ñaupa yayacunaman nishca shinallatajmi cancunata llaquishpa, c'uyashpa cancunataca achcata mirachinga.

DEUTERONOMIO 9:5

Cancuna cashcata ruraj cashcamanta, ima pandata mana yuyajcuna cashcamantaca chaicunapaj llajtataca cancunapaj cachun japinamanca mana yaicunguichijchu. Ashtahuanpish Mandaj Diosca chai llajtapi causajcunataca Diosta mana rijsij millaicuna cajpimi cancunapaj ñaupajmanta llujshichinga. Mandaj Diosca cancunapaj ñaupa yaya Abrahamman, Isaacman, Jacobman chashna rurashami nishcata pajtachingapajmi chashna ruranga.

Hebreos 11:2

Chashna crishpami ñaupa yayacunaca, alli crijmi nishca tucurcacuna.