GÉNESIS 26:34 - Dios Rimashca Shimicunami

³⁴ Esauca chuscu chunga huatayuj cashpami, heteo Beeripaj ushushi Judittapish, heteo Elonpaj ushushi Basemattapish paipaj huarmi cachun japirca.

GÉNESIS 26:34 Iomraidhean Croise

GÉNESIS 24:3

ñuca churi Isaactaca, ñuca causacun cai Canaán llajtapi causaj huarmicunapurahuan cazarachun mana saquinata jahua pachata, cai pachata Mandaj Taita Diospaj ñaupajpi ari ni.

GÉNESIS 27:46

Rebecaca Isaactaca: –Esaú paipaj huarmi cachun japishca heteo huarmicunamantaca ñuca causaipica llaquitami apacuni. Jacobpish Hetpaj ushushicunata paipaj huarmi cachun japijpi, cai huarmicunamanta shinallataj llaquita apacungapajllaca ¿imapajtaj causashpa catishari?– nircami.

GÉNESIS 28:8

Canaanpi causajcunapaj ushushicunamantaca paipaj yaya Isaacca mana cushicui cashcata yacharca.

GÉNESIS 28:9

Chaimi Esauca cananea huarmicunata charishca jahuapish Abrahampaj churi Ismaelpajman rishpa, paipaj ushushi Mahalatta paipaj huarmi cachun japirca. Mahalatca Nebaiotpaj panimi carca.

GÉNESIS 36:13

Reuelpaj churicunaca Nahat, Zera, Sama, Miza shuticunami carca. Chaicunaca Basemat huarmipi Esaú charishca churipaj churicunami carca.

GÉNESIS 36:2

Esauca cananea huarmicunatami paipaj huarmi cachun japirca. Shujca heteo Elonpaj ushushi Ada huarmimi carca. Caishujca heveo Zibeonpaj churi Anapaj ushushi Aholibama huarmimi carca.

GÉNESIS 36:5

Aholibama huarmipi charishca churicunaca Jeús, Jaalam, Coré shuticunami carca. Chaicunaca Canaanpi Esaú causacujpi chaipi huacharishca huahuacunami.

ÉXODO 34:16

Mana cashpaca cancunapaj churicunapaj huarmi cachunmi paicunapaj ushushicunata japinguichij. Chai huarmicunaca paicunapaj dioscunahuan huainayacushpaca, cancunapaj churicunatapish paicunapaj dioscunahuanmi huainayachinga.

1 Corintios 7:2

Shina cajpipish huainayana munaicuna tiyashcamanta, c'arica quiquin huarmita charichun, huarmipish quiquin cusata charichun.

Hebreos 12:16

Ñataj cancunapurapica maijan huainayaj tiyanman, mana cashpaca, imapish Diospajlla cashcata Esaú shina yanganchijcuna tiyanman. Paica asha micunallapimi punta churi cana cashcataca c'aturca.

1 SAMUEL 26:6

Davidca heteo Ahimelecta, Joabpaj huauqui Sarviapaj churi Abisaitaca: –Carpa huasicunata shayachishpa Saúl maipi canmanca ¿maijantaj ñucahuan uriyashun ninguichij?– nijpi Abisaica: –Ñuca canhuan uriyasha– nirca.