GÉNESIS 26:3 - Dios Rimashca Shimicunami

³ Chai llajtapica ashacamalla causangui. Ñucami canhuanca casha. Tucui ima allicunatapish cushami. Ashtahuanpish canman, cambaj huahua huahuacunamanmi tucui chai llajtacunataca cusha. Chashna rurashpami, cambaj yaya Abrahamman cushatajmi nishcataca pajtachisha.

GÉNESIS 26:3 Iomraidhean Croise

GÉNESIS 12:7

Chaipimi Mandaj Diosca, Abramman ricurishpaca: “Cambaj huahua huahuacunamanca cai llajtatami cusha” nirca. Chaipimi Abramca, paiman ricurij Mandaj Diospaj shuj altarta rurarca.

GÉNESIS 13:15

Can maillata ricushca llajtacunataca canmanpish, cambaj huahua huahuacunamanpishmi huiñaipaj cusha.

GÉNESIS 13:17

Jatari, tucui cai llajtataca largotapish, anchotapish purishpa ricui. Cai llajtataca canmanmi cuni” nirca.

GÉNESIS 15:18

Chai punllallatajmi Mandaj Diosca, Abramman cunata ari nishpa cashna nirca: –Cambaj huahua huahuacunamanca cai llajtatami cusha. Egipto jatun yacumanta callarishpaca, Éufrates jatun yacuta catishpa,

GÉNESIS 17:19

Chaimi Taita Diosca: Cambaj huarmi Saramari shuj c'ari huahuata huachanga. Paitaca Isaacta shutichingui. Ñuca ari nishcataca paipi sinchita callarichishpami, paipaj huahua huahuacunahuanpish, paicunapaj huahua huahuacunahuanpish huiñaipaj pajtachicushalla.

GÉNESIS 17:8

Canmanpish, cambaj huahua huahuacunamanpishmi cunan can maillata causashpa puricun tucui Canaan llajtataca huiñaipaj cusha. Ñucaca paicunapaj Taita Diosmi casha– nircami.

GÉNESIS 20:1

Abrahamca pai causacushca llajtamantaca, Neguevmanmi rirca. Chaiman chayashpaca, Cades pueblohuan, Shur nishca shitashca pambahuan chaupipi caj Gerar pueblopimi pasacujlla shina causarca.

GÉNESIS 25:11

Abraham huañushca q'uipapish paipaj churi Isaacmanca Taita Diosca achca allicunatami curca. Isaacca: “Ñucata ricuj causacuj Diospaj pugyu” c'uchullapitajmi causarca.

GÉNESIS 26:12

Isaacca chai llajtapica, achca granotami tarpurca. Chai huataca Mandaj Dios alli p'ucuchijpimi, cada sacomanta patsaj sacota tandarca.

GÉNESIS 26:14

Paica ovejacunatapish, vacacunatapish achca canllacunata, paipajta rurajcunatapish achcacunatami charirca. Chaimi filisteocunaca Isaactaca envidiarcacuna.

GÉNESIS 26:24

Chai tutami Mandaj Diosca Isaacman ricurishpaca: “Ñucaca cambaj yaya Abrahampaj Taita Diosmi cani. Ñuca canhuan cashcamanta ama manchaichu. Cantaca alli cashca cachun nishami. Cambaj huahua huahuacunataca achcatami mirachisha. Ñucapajta ruraj Abrahamta c'uyashcamantami chashna rurasha” nircami.

GÉNESIS 28:13

Mandaj Taita Diosca chai escalera punta jahuallamantatajmi: “Ñucaca cambaj abuelo Abrahampaj, cambaj yaya Isaacpaj Mandaj Taita Diosmi cani. Can siricun llajtataca canmanpish, cambaj huahua huahuacunamanpishmi cusha.

GÉNESIS 28:15

Ñucaca canhuanmi cani. Can maiman rijpipish ñucami pushasha. Cantaca cai llajtallamantajmi tigrachimusha. Canman imata cusha nishcataca cushatajmi. Cantaca manataj saquishachu” nijtami muscurca.

GÉNESIS 31:3

Chaimi Mandaj Diosca Jacobtaca: “Cambaj yaya mamapish, cambaj familiacunapish causacun llajtallamantaj tigrailla. Ñucami canhuan casha” nirca.

GÉNESIS 35:12

Abrahamman, Isaacman cushca llajtataca canman, cambaj huahua huahuacunamanpishmi cusha” nircami.

GÉNESIS 39:2

Mandaj Diosca Josehuanmi carca. Chaimi paica tucui imapipish alli llujshirca. Paica paipaj amo Potifarpaj huasipimi causarca.

GÉNESIS 39:21

Prezupi cajpipish Mandaj Diosca Josehuan cashpa paita llaquijpimi, carcelpi cajcunata ricujcunata mandajpica allita ruraj ricurirca.

GÉNESIS 48:21

Chai q'uipami Israelca, paipaj churi Josetaca: –Riqui, ñucaca ñami huañugrini. Taita Diosca cancunahuanmi canga. Paimi cancunataca ñaupa ñucanchij yayacuna causashca llajtaman tigrachinga.

GÉNESIS 50:24

Shuj punllaca Joseca paipaj huauquicunataca: “Ñucaca ñami huañugrini. Taita Dios cancunata ricuj shamushpami, cancunataca cai llajtamanta huichiyachishpa Abrahamman, Isaacman, Jacobman cushatajmi nishca llajtaman pushanga” nircami.

1 CRÓNICAS 16:16

Abrahammanmari chashnatajmi rurasha nirca. Isaacmanpish rurashatajmi nishpami huillarca.

SALMOS 105:8

Pai ari nishcapish huiñaita mana cungaripajmi. Pai mandashca shimicunapish huaranga huaranga huahua huahuacunapaj shamucungallami.

SALMOS 105:9

Chaitaca Abrahammanmi cusha nirca. Isaacmanpish pajtachishatajmi nircami.

SALMOS 32:8

Shina nijpi Mandaj Diosca: Can mai ñancunallata purinataca ñucami entendichisha, ñucami yachachisha. Ñuca ñahuitaca canmanta manataj anchuchishachu.

SALMOS 39:12

Mandaj Dioslla, ñuca mañashcata uyahuayari. Ñuca caparishcata uyahuayari. Huacacujta ricushca jahuaca, ama upajlla saquiripaichu. Quiquinpajca shujtaj llajtamanta pasacuj shinallami cani. Ñuca ñaupa yayacuna shinallataj pasacujllami cani.

ÉXODO 2:24

Paicuna aij nishpa caparishcata uyashpami, Taita Diosca Abrahamman, Isaacman, Jacobman ari nishcata yuyarirca.

ÉXODO 3:12

Taita Diosca: –Ñucamari canhuan casha. Ñuca quiquintaj canhuan cashcata ricuchijca caimi canga: Egiptomanta israelcunata ña llujshichimushpaca, cai urcu jahuapimi Taita Diosta adoracunguichij– nircami.

ÉXODO 6:4

Carumanta shamujcuna shinalla asha punllacunacama paicuna causacushca Canaán llajtata cungapajmi shuj ruranata ari ninacurcani.

ÉXODO 6:7

Cancunaca ñuca agllashcacuna cachunmi llujshichisha. Ñucaca cancunapaj Diosmi casha. Chashna rurajpimi, Egiptopi yallitaj sinchi trabajocunapi trabajacunmanta llujshichimuj ñucaca Mandaj Diostaj cashcata, cancunapaj Taita Dios cashcata yachanguichij.

ÉXODO 6:8

Abrahamman, Isaacman, Jacobman ñuca maquita alzashpa cai llajtataca cancunaman cushatajmi nishca llajtamanmi cancunataca yaicuchisha. Chai llajtataca ñucami cancunapaj quiquin llajta cachun cusha. Ñucaca MANDAJ DIOSTAJMI cani ninmi nigri– nircami.

ISAÍAS 43:2

Yacuta ch'imbacujpipish ñucami canhuan casha. Jatun yacucunata ch'imbacushpapish, mana millpuringuichu. Nina jahuata pasashpapish, mana rupanguichu. Lunyacuj ninapish, canpica mana japiringachu.

ISAÍAS 43:5

Ama manchaichu, ñucamari canhuan cani. Cambaj huahua huahuacunataca inti llujshin ladomantami apamusha. Inti huashicun ladomantami cambaj huahua huahuacunataca tandachisha.

MIQUEAS 7:20

Mandaj Dioslla, ñucanchij ñaupa yaya Abrahammanpish, yaya Jacobmanpish c'uyashcamanta allicunata rurashami nishcataca amataj cungarishpa pajtachipangui.

NÚMEROS 23:19

Taita Diosca mana runachu. Llullangapajca. Taita Diosca huañujlla runa shina pai rurasha nishcataca mana shujtajyachijchu. Pai rurasha nishcataca ¿manachari pajtachingari? Pai ari nishcataca ¿manachari pajtachingari?

DEUTERONOMIO 1:8

Riquichij, chai llajtataca ñucaca ñami cancunaman cuni. Chaitaca cancunapaj ñaupa yaya Abraham, Isaac, Jacobman paicunapaj q'uipa huahua huahuacunamanmi ñuca shimihuantaj cushatajmi nircani. Cancunaca chai llajtaman yaicushpa cancunapajtaj cachun japigrichijlla ninmi” nircami.

DEUTERONOMIO 34:4

Mandaj Diosca Moisestaca: “Abrahamman, Isaacman, Jacobmanca: Cai llajtatami cambaj huahua huahuacunamanca cusha” nircani. Chai llajtaman yaicuchun mana saquishpapish cambaj quiquin ñahuihuan ricuchunmi saquini nircami.

Filipenses 4:9

Imatami ñucamanta yacharcanguichij, chasquircanguichij, uyarcanguichij, ricurcanguichij chaita ruraichij. Chashna cajpica sumaj causaita cuj Diosca, cancunahuanmi canga.

Hebreos 11:9

Crishcamantami Abrahamca Dios cusha nishca llajtapica, shujtaj llajtamanta caj shina causashca. Chai llajtallapitajmi ñaupa yaya Isaacpish, Jacobpish yaya Abrahamman Dios cusha nishcallatataj japijcuna cashpa, carpa huasicunapi causashcacuna.

Hebreos 6:17

Shinallatajmi Diospish pai cusha nishcata japijcunamanca yallitaj cuj cashcatapish, pai cusha nishcata mana shujtajyachina cashcatapish ricuchingapajca, paipaj quiquin shutillapitajmi cushatajmi nirca.