GÉNESIS 26:24 - Dios Rimashca Shimicunami

²⁴ Chai tutami Mandaj Diosca Isaacman ricurishpaca: “Ñucaca cambaj yaya Abrahampaj Taita Diosmi cani. Ñuca canhuan cashcamanta ama manchaichu. Cantaca alli cashca cachun nishami. Cambaj huahua huahuacunataca achcatami mirachisha. Ñucapajta ruraj Abrahamta c'uyashcamantami chashna rurasha” nircami.

GÉNESIS 26:24 Iomraidhean Croise

GÉNESIS 13:16

Cambaj huahua huahuacunataca ñutu allpa shina cachun achcatami mirachisha. Ñutu allpata maijanpish yupai tucujpica, cambaj huahua huahuacunatapish yupashcami canga.

GÉNESIS 15:1

Tucui chaicuna tucushca q'uipami Mandaj Diosca muscuipi shina ricurishpa Abramtaca: –Abram, ama manchaichu. Cambaj escudoca ñucami cani. Can japina cashcaca tucuita yalli jatunmari– nirca.

GÉNESIS 17:7

Canhuanca shuj ruranatami rurasha. Cambaj huahua huahuacunahuanpish, paicunapaj huahua huahuacunahuanpish huiñaita ruracushallami. Cambajpish, cambaj huahua huahuacunapajpish, paicunapaj huahua huahuacunapajpish huiñaipaj Taita Dios cangapajmi chashna rurasha.

GÉNESIS 17:8

Canmanpish, cambaj huahua huahuacunamanpishmi cunan can maillata causashpa puricun tucui Canaan llajtataca huiñaipaj cusha. Ñucaca paicunapaj Taita Diosmi casha– nircami.

GÉNESIS 21:17

Taita Diosca chai huambra caparijta uyarcami. Chaimi Taita Diospaj angelca Agartaca jahua pachamanta cayashpaca: “Agar, ¿imataj tucungui? Ama manchaichu, cambaj huahua caparijtaca Taita Diosca uyarcami.

GÉNESIS 22:17

Cantaca alli cashca cachun nishatajmi. Cambaj huahua huahuacunataca jahua pachapi caj luzerocunata shina, mama cucha uripi tiyaj t'iyu allpata shinami yallitaj mirachisha. Cambaj huahua huahuacunami paicunata p'iñajcunataca mishanga.

GÉNESIS 22:19

Chai q'uipaca, Abrahamca paipajta rurajcuna maipi cashcaman tigrashpami paicunahuan tandanacushpa Beersebaman tigrarca. Abrahamca Beersebapimi causarca.

GÉNESIS 24:12

Chaipimi paica: “Ñuca amo Abrahamta Mandaj Taita Dios, ñuca cunan pihuan tupashcaca alli cashca cachun. Ñuca amo Abrahamta c'uyashcata ricuchihuai nirca.

GÉNESIS 28:13

Mandaj Taita Diosca chai escalera punta jahuallamantatajmi: “Ñucaca cambaj abuelo Abrahampaj, cambaj yaya Isaacpaj Mandaj Taita Diosmi cani. Can siricun llajtataca canmanpish, cambaj huahua huahuacunamanpishmi cusha.

GÉNESIS 28:15

Ñucaca canhuanmi cani. Can maiman rijpipish ñucami pushasha. Cantaca cai llajtallamantajmi tigrachimusha. Canman imata cusha nishcataca cushatajmi. Cantaca manataj saquishachu” nijtami muscurca.

GÉNESIS 28:3

Pailla Tucuita Rurai Tucuj Taita Dios, canmanca achca allicunata cuchun. Cambaj huahuacunatapish yallitaj achcata mirachichun. Yallitaj achcacuna tucungacama mirachichun.

GÉNESIS 30:27

Chaimi Labanca: –Ñuca canpi alli ricurishca cajpica, ñucahuan causashunlla. Mandaj Diosca canmantamari ñucamanca achca allicunata cushca. Chaitaca allimi yachani.

GÉNESIS 31:5

paicunataca: –Cancunapaj yayaca ñucataca, ña mana ñaupa shina c'uyaj ñahuihuan ricunchu. Shina cajpipish, ñuca yayapaj Taita Diosca ñucahuanmi.

GÉNESIS 39:2

Mandaj Diosca Josehuanmi carca. Chaimi paica tucui imapipish alli llujshirca. Paica paipaj amo Potifarpaj huasipimi causarca.

GÉNESIS 39:3

Josepaj amoca Mandaj Diosca Josehuan cashcamanta, tucui pai imalla charishcacunapish yallitaj achcayashcatami ricurca.

GÉNESIS 46:1

Yaya Israelca tucui pai imalla charishcacunandijmi llujshirca. Beersebaman ña chayashpaca paipaj yaya Isaacpaj Taita Diosmanmi animalcunata cushpa huañuchirca.

1 REYES 17:13

Shina nijpi Eliasca: –Ama manchaichu. Can nishca shinallataj ruragrilla. Chai cutataca, ñucapajraj shuj uchilla tortillata rurashpa tullpapi cusashpa apamugri. Chai q'uipaca cambajpish, cambaj churipajpish ruranguillami.

ÉXODO 14:13

Chaimi Moisesca israelcunataca: –Ama manchashpa sinchi sinchi caichijlla. Ricunguichij cunan ima shinami Mandaj Dios cancunata quishpichinga. Cunan punlla cancuna ricushca egipciocunataca cutinca ña manataj ashtahuan ricunguichijchu.

ÉXODO 3:6

Taita Diosca cashnapishmi nirca: –Ñucaca cambaj yayapaj Dios, Abrahampaj, Isaacpaj, Jacobpaj Diosmi cani– nijpimi, Moisesca Taita Diosta ricunata manchashpa, paipaj ñahuita taparirca.

ISAÍAS 12:2

Taita Diosmi ñucata Quishpichij. Paillapimi shunguta churani, pita mana manchanichu. Paica ñucapaj muyundij pirca shinami. Ñuca cantanaca Mandaj Diosmari. Paimari ñucata quishpichijca cashca” ninguimi.

ISAÍAS 41:10

Ñuca canhuan cashcamanta ama manchaichu, ama shaicurichu. Ñucami canman fuerzata cuj Taita Dios cani. Cantaca ayudacushallami. Ñuca alli maquipi cashcata rurajhuanmi cantaca charirasha.

ISAÍAS 44:2

Mamapaj huijsamantapacha canta callarichij, canta ruraj, Mandaj Diosca cashnami nin: Ñucapajta ruraj Jacob ama manchaichu. Jesurún canpish ñuca agllashcamari cangui. Ñucami cantaca ayudasha.

ISAÍAS 51:12

Cancunata cushichijca ñucamari cani. ¿Huañujlla runacunata manchangapajca yangallachari canguiyari? ¿Llullu q'uihua shina chaquirijlla runacunapaj churicunata manchangapajca yangallachari canguiyari?

ISAÍAS 51:7

Cashcata ruranaca ima cashcata rijsijcuna uyaichij. Ñuca mandashcaca cancunapaj shungupimari. Runacuna yanganchishcataca ama manchaichu. Paicuna c'amijpipish ama mana catisha nichu.

LAMENTACIONES 3:57

Ñuca canta mañai punllamari ñucapajman c'uchuyashpaca: “Ama manchaichu” nihuarcangui.

LEVÍTICO 26:42

Chaipimi ñucaca Jacobhuan ari ninacushcata, Isaac-huan ari ninacushcata, Abrahamhuan ñuca ari ninacushcata yuyarisha. Llajtatapish yuyarishami.

LEVÍTICO 26:45

Paicunapaj ñaupa yayacunata paicunapaj Dios cangapaj shujtaj llajtacuna ricucujpi, Egiptomanta llujshichimucushpa paicunahuan ari ninacushcatami yuyarisha. Ñucami Mandaj Dios cani” nircami.

Mateo 22:32

“Ñucaca Abrahampaj Dios, Isaacpaj Dios, Jacobpaj Diosmi cani” nircami. Chaimanta Diosca mana huañushcacunapaj Dioschu, ashtahuanpish causajcunapaj Diosmi– nircami.

Lucas 12:32

Ñuca ovejacunalla, ashalla cashpapish ama manchaichijchu. Ashtahuanpish Taita Diosca cushicushpami cancunahuan mandasha nicun.

Hechos 7:32

“Ñucaca cambaj ñaupa yayacuna, Abrahampaj, Isaacpaj, Jacbpaj Taita Diosmi cani” nircami. Chaipica Moisesca manchaihuan chujchushpami mana ashtahuan ricui tucurca.

DEUTERONOMIO 13:17

Tucui chingachinapaj cashcacunataca imata mana japinachu canguichij. Chashna cajpimi Mandaj Dios nina sindirij shina p'iñarishcaca pararinga. Cancunapaj ñaupa yayacunaman nishca shinallatajmi cancunata llaquishpa, c'uyashpa cancunataca achcata mirachinga.

DEUTERONOMIO 31:6

Fuerzarichij, c'ari c'ari caichij, ama manchaichijchu. Paicunataca ama imata manchanguichijchu. Mandaj Dios cancunapaj Taita Diosmi cancunahuanca ringa. Paica cancunataca manataj saquingachu, manataj shitangachu” nircami.

Hebreos 11:16

Ashtahuanpish paicunaca, tucuita yalli alli llajtatami mashcacurcacuna. Chai llajtaca jahua pachamari. Chaimantami Diosca, paicunapaj Dios nishca canataca mana pinganachin. Diosca paicunapajca, shuj pueblotami allichirca.

Hebreos 13:6

Chashna cajpimi, imata mana manchashpa: “Jatun Diosca ñucata ayudajmi. Pipish ñucata imata ruranataca, mana manchanichu” ninchij.

Apocalipsis 1:17

Paita ricushpaca, paipaj ñaupajpimi huañushca shina urmarcani. Chaipimi paipaj alli maquita ñuca jahuapi churashpaca, cashna nirca: Ama manchaichu. Ñucami callarichijpish, tucurichijpish cani,

RUT 3:11

Cunanca ñuca huahualla, ama manchaichu. Ñuca pueblopi causajcunaca tucuicunami canca yuyaisapa alli huarmi cashcata yachancuna. Chaimanta ñucaca tucui can ima nishcatami rurasha.