GÉNESIS 26:22 - Dios Rimashca Shimicunami

²² Isaacca chaimantapish rishpaca, shujtaj pugyutami allachirca. Chai pugyumantaca pi mana imata nijpimi: “Chai pugyutaca Rehobotta” shutichirca. Mandaj Diosmari ñucanchijmanca ashtahuan mirachin. Chaimanta cunanca: “Cai llajtapica achcatamari charijyashun” nishpami chashna shutichirca.

GÉNESIS 26:22 Iomraidhean Croise

GÉNESIS 17:6

Canmantaca achcatami mirachisha. Yallitajmi mirachisha. Canmantami achca llajtacuna tucunga. Llajtacunata jatun mandajcunapish canmantami llujshinga.

GÉNESIS 26:21

Chai q'uipapish Isaacpajta rurajcunaca shujtaj pugyutami allarcacuna. Chai pugyumantapish cutinllataj p'iñanacucujpimi, Isaacca chai pugyutaca: “Sitnata” shutichirca.

GÉNESIS 28:3

Pailla Tucuita Rurai Tucuj Taita Dios, canmanca achca allicunata cuchun. Cambaj huahuacunatapish yallitaj achcata mirachichun. Yallitaj achcacuna tucungacama mirachichun.

GÉNESIS 41:52

Q'uipa churitaca Efraintami shutichirca. Paica: “Taita Diosca ñucataca llaquita apacushca llajtapimari churicunayujta rurahuan” nishpami, chashna shutichirca.

SALMOS 118:5

Llaquihuan cashpami, Mandaj Diosta mañarcani. Mandaj Diosca llaquimanta llujshichircami.

SALMOS 119:32

Quiquin mandashcacunapimi callpashpa purisha. Ñuca shunguta quiquin cushichijpimi chashna purisha.

SALMOS 18:19

Ñucataca canmi jatun pambaman llujshichij shina quishpichircangui. Can munashca cajpimi quishpichircangui.

SALMOS 4:1

Ñucapaj cashcata ruraj ñuca Dioslla, ñuca mañashcata uyahuayari. Canmari llaquihuan ñuca cajpica, samachihuarcangui. Ñucata llaquihuayari, ñuca mañashcata uyahuayari.

ÉXODO 1:7

Israelcunaca mirarishpa yallitaj achcacuna tucushpami, Egiptopica jundarircacuna. C'ari c'aricunapishmi tucurcacuna.

ISAÍAS 54:2

Can causana carpa huasitaca ashtahuan jatunta shayachiyari. Ama llaquilla caichu. Huascacunatapish ashtahuan cachariyari. Ishtacacunatapish ashtahuan ucujta pambayari.

ISAÍAS 54:3

Canmantaca alli lado maquimanpish, lluqui lado maquimanpish achcatami miraringa. Cambaj huahua huahuacunaca llajtacunatami japingacuna. Shitashca pueblocunapimi causanga.