GÉNESIS 26:2 - Dios Rimashca Shimicunami

² Chaipi cajpi Mandaj Dios ricurishpami Isaactaca: “Egiptomanca ama uriyangui. Ashtahuanpish ñuca ricuchishca llajtapi causai.

GÉNESIS 26:2 Iomraidhean Croise

GÉNESIS 12:1

Mandaj Diosca, Abramtaca: “Can maipi causana llajtataca ñucami ricuchisha. Cunanca can causacun llajtatapish, cambaj huasi ucupuracunatapish, cambaj yayapaj huasi ucupuracunatapish saquishpa rilla.

GÉNESIS 12:7

Chaipimi Mandaj Diosca, Abramman ricurishpaca: “Cambaj huahua huahuacunamanca cai llajtatami cusha” nirca. Chaipimi Abramca, paiman ricurij Mandaj Diospaj shuj altarta rurarca.

GÉNESIS 17:1

Abram ña iscun chunga iscun huatayuj cajpimi, Mandaj Diosca paiman ricurishpaca: –Ñucaca tucuita rurai tucuj Diosmi cani. Ñuca ñaupajpi puri. Ima pandata ama rurai.

GÉNESIS 17:19

Chaimi Taita Diosca: Cambaj huarmi Saramari shuj c'ari huahuata huachanga. Paitaca Isaacta shutichingui. Ñuca ari nishcataca paipi sinchita callarichishpami, paipaj huahua huahuacunahuanpish, paicunapaj huahua huahuacunahuanpish huiñaipaj pajtachicushalla.

GÉNESIS 18:1

Mandaj Diosca Abrahammanca, Mamre shuti runapaj encina yuracuna tiyanpimi ricurirca. Abrahamca chaupi punlla shinata yallitaj rupachicujpimi, paipaj carpa huasi punguman llujshishpa tiyacurca.

GÉNESIS 26:24

Chai tutami Mandaj Diosca Isaacman ricurishpaca: “Ñucaca cambaj yaya Abrahampaj Taita Diosmi cani. Ñuca canhuan cashcamanta ama manchaichu. Cantaca alli cashca cachun nishami. Cambaj huahua huahuacunataca achcatami mirachisha. Ñucapajta ruraj Abrahamta c'uyashcamantami chashna rurasha” nircami.

SALMOS 25:12

¿Pishi Mandaj Diosta manchaj runaca? Paita manchajtaca maijan ñanta agllanatami yachachin.

SALMOS 37:3

Mandaj Diospi shunguta churai, imatapish allita rurai. Quiquin llajtapimi causangui. Cashcata ruraj canahuan junda cai.

ÉXODO 2:24

Paicuna aij nishpa caparishcata uyashpami, Taita Diosca Abrahamman, Isaacman, Jacobman ari nishcata yuyarirca.

LEVÍTICO 26:42

Chaipimi ñucaca Jacobhuan ari ninacushcata, Isaac-huan ari ninacushcata, Abrahamhuan ñuca ari ninacushcata yuyarisha. Llajtatapish yuyarishami.