GÉNESIS 26:14 - Dios Rimashca Shimicunami

¹⁴ Paica ovejacunatapish, vacacunatapish achca canllacunata, paipajta rurajcunatapish achcacunatami charirca. Chaimi filisteocunaca Isaactaca envidiarcacuna.

GÉNESIS 26:14 Iomraidhean Croise

GÉNESIS 12:16

Faraonca Sarai huarmimantami Abrampaj allita rurashpa ovejacunata, vacacunata, burrocunata, camellocunata curca. Abrampajta ruraj cachunpish c'aricunata, huarmicunatami curca.

GÉNESIS 13:2

Abramca achca animalcunayuj, achca cullquiyuj, achca curiyuj yallitaj charijmi carca.

GÉNESIS 24:35

Mandaj Diosmi ñuca amomanca achca allicunata cushpa achcata charijyachishca. Chaimi paica ovejacunata, vacacunata, cullquita, curita, paipajta ruraj c'aricunata, huarmicunata, camellocunata, burrocunatapish achcata charij tucurca.

GÉNESIS 25:5

Abrahamca tucui pai imalla charishcacunataca Isaacmanmi saquirca.

GÉNESIS 30:43

Chashnami Jacobca achcata charijyashpa catirca. Ovejacunata, camellocunata, burrocunata, paipajta ruraj c'aricunata, huarmicunatapishmi achcata charirca.

GÉNESIS 37:11

Chaipicarin paipaj huauquicunaca ashtahuanmi p'iñarcacuna. Ashtahuanpish paipaj yayaca, chai muscuica imatashi nisha nin nishpami yuyacurcalla.

JOB 1:3

Paipaj haciendapica, 7.000 ovejacunatapish, 3.000 camellocunatapish, 500 yunta huagracunatapish, 500 burrocunatapish, cullqui jahua servijcunatapishmi yallitaj achcata charirca. Inti llujshin ladopi causajcunapuramantaca, paillami yallitaj charij carca.

JOB 42:12

Mandaj Diosca Jobmanca q'uipa punllacunapica, ñaupa punllacunapi bendiciashcatapish yallitami bendiciarca. Chaimantami paica, 14.000 ovejacunata, 6.000 camellocunata, 1.000 yunta huagracunata, 1.000 burrocunatapish charirca.

JOB 5:2

Rumi shungu runataca, p'iñarina yuyaillami huañuchicun. Charina yuyailla causajcunataca, shujtajcuna charishcata munana yuyaillami tucuchicun.

SALMOS 112:10

Millai runa chaita ricushpaca, yallitajmi p'iñaringa. Quirucunata canirishpami chingaringa. Diosta mana rijsijcunapaj munaica chingarigringami.

SALMOS 112:3

Paipaj huasipica, achca charinacunami tiyan. Pai cashcata ruranaca huiñaipajmi canga.

PROVERBIOS 10:22

Mandaj Diostaj cushca allicunaca charijyachinmi. Chaica ima llaquipipish mana churanchu.

PROVERBIOS 27:4

P'iñarishca yuyaipica, pita llaquina yuyaipish mana tiyanchu. Yallitaj p'iñarishca cajpicarin, jarcarina yuyaipish mana tiyanchu. ¿Imata charijpi p'iñajpaj ñaupajpicarin, pitaj shayari tucungari?

ECLESIASTÉS 4:4

Shinallataj achcata trabajashpa, tucui imatapish alli rurajpica, shujtajcuna shungupi munana yuyaita japishpa p'iñaj cashcatapishmi ricurcani. Chashna tucuipi alli canapish, yuyaita yanga shaicuchinallami.

1 SAMUEL 18:9

Chai punllamantami Saulca, Davidtaca p'iña ñahui ricui callarirca.