GÉNESIS 26:12 - Dios Rimashca Shimicunami

¹² Isaacca chai llajtapica, achca granotami tarpurca. Chai huataca Mandaj Dios alli p'ucuchijpimi, cada sacomanta patsaj sacota tandarca.

GÉNESIS 26:12 Iomraidhean Croise

GÉNESIS 24:1

Abrahamca achca huatacunayuj, yallitaj yuyajmi carca. Mandaj Diosca Abrahamtaca tucuipimi bendiciarca.

GÉNESIS 24:35

Mandaj Diosmi ñuca amomanca achca allicunata cushpa achcata charijyachishca. Chaimi paica ovejacunata, vacacunata, cullquita, curita, paipajta ruraj c'aricunata, huarmicunata, camellocunata, burrocunatapish achcata charij tucurca.

GÉNESIS 25:11

Abraham huañushca q'uipapish paipaj churi Isaacmanca Taita Diosca achca allicunatami curca. Isaacca: “Ñucata ricuj causacuj Diospaj pugyu” c'uchullapitajmi causarca.

GÉNESIS 26:29

Ñucanchijca cantaca imata mana p'iñachircanchijchu. Ashtahuanpish ñucanchijca cambaj allitami rurarcanchij. Can llujshimucujpipish sumajta rishca cangui nishpami cacharcanchij. Chaimanta cunanca canpish ñucanchijpajca ima millaita ama rurapanguichu. Canca Mandaj Dios alli nishcamari cangui– nircacunami.

GÉNESIS 26:3

Chai llajtapica ashacamalla causangui. Ñucami canhuanca casha. Tucui ima allicunatapish cushami. Ashtahuanpish canman, cambaj huahua huahuacunamanmi tucui chai llajtacunataca cusha. Chashna rurashpami, cambaj yaya Abrahamman cushatajmi nishcataca pajtachisha.

GÉNESIS 30:30

Ñuca shamunapajca ashallatami charishca carcangui. Cunanca achcatamari mirarin. Ñuca caiman shamujpimi, Mandaj Diosca canmanca achca allicunata cushca. Cunanca ñuca huarmicunapaj, ñuca huahuacunapajca ¿ima horataj trabajashari?– nirca.

JOB 42:12

Mandaj Diosca Jobmanca q'uipa punllacunapica, ñaupa punllacunapi bendiciashcatapish yallitami bendiciarca. Chaimantami paica, 14.000 ovejacunata, 6.000 camellocunata, 1.000 yunta huagracunata, 1.000 burrocunatapish charirca.

SALMOS 67:6

Allpaca p'ucungami. Taita Diosca alli cashca cachun ningami. Paica ñucanchij Taita Diosmari.

SALMOS 72:16

Allpapica lutsai muyullatami tarpunga. Chaica tucui urcu puntacunacama tucuita grano p'ucushpami, Líbano urcu yuracuna shina huajiacunga. Pueblopi causajcunaca q'uihua sisaj shinami sisangacuna.

PROVERBIOS 10:22

Mandaj Diostaj cushca allicunaca charijyachinmi. Chaica ima llaquipipish mana churanchu.

ECLESIASTÉS 11:6

Muyutaca tutamantapish tarpuilla, chishitapish ama samaricuichu. Punta tarpui cashpa, q'uipa tarpui cashpa, mana cashpaca ishqui tarpuitaj alli canataca mana yachanguichu.

ZACARÍAS 8:12

Ashtahuanpish paicunapajca, sumaj causaimi tarpushca shina saquiringa. Uvapish achcatami p'ucunga. Allpacunapish achca granocunatami p'ucunga. Jahua pachapish tamyata cachangami. Chai tucui allicunatami, cai pueblopi causajcunapuramanta saquirishcacunamanca cusha.

Mateo 13:23

Ashtahuanpish alli allpapi tarpushca shinaca, Diospaj Shimita huillashcata uyashpa, entendishpa alli granota p'ucujmi. Chaica shuj muyullamantami patsajta, sujta chungata, quimsa chungata granoj” nircami.

Mateo 13:8

Ashtahuanpish alli allpapi urmaj muyuca, alli granotami p'ucurca. Shuj muyullamantami maijanca patsajta, maijanca sujta chungata, maijanca quimsa chungata granorca.

Marcos 4:8

Ashtahuanpish alli allpapi urmaj muyuca alli granotami p'ucurca. Shuj muyullamantami maijanca quimsa chungata, maijanca sujta chungata, maijanca patsajcama granorca” nircami.

1 Corintios 3:6

Ñucaca tarpurcanimi, Apolosca yacutami churarca, ashtahuanpish huiñachijca Diosmari.