GÉNESIS 26:1 - Dios Rimashca Shimicunami

¹ Chai punllacunapica, Isaac causacun llajtapica, paipaj yaya Abraham causacui punllacunapi jatun yaricai tiyashca shinallatajmi jatun yaricai tiyarca. Chaimi Isaacca filisteocunata jatun mandaj Abimelec causacun Gerar puebloman rirca.

GÉNESIS 26:1 Iomraidhean Croise

GÉNESIS 12:10

Chai llajtacunapica achca yaricaimi tiyarca. Achca yaricai tiyajpimi, Abramca Egiptopi causangapaj chaiman uriyarca.

GÉNESIS 25:11

Abraham huañushca q'uipapish paipaj churi Isaacmanca Taita Diosca achca allicunatami curca. Isaacca: “Ñucata ricuj causacuj Diospaj pugyu” c'uchullapitajmi causarca.

GÉNESIS 25:34

Chaimi Jacobca Esaumanca tandatapish, lentejata yanushca sumaj micuitapish carajpi, Esauca micushpa ubyashpa chaimanta jatarishpaca rircalla. Chashnami Esauca punta churi cashcataca yanganchirca.

GÉNESIS 42:5

Canaanpi jatun yaricai tiyashcamantami, yaya Israelpaj churicunaca chai llajtallamantataj shujtajcunandij granocunata randingapaj rircacuna.

GÉNESIS 43:1

Canaanpica ashtahuan yaricai tucushpa catijpimi,

2 SAMUEL 21:1

David mandacui punllacunapica quimsa huata jundatami yaricai tiyarca. Davidca Mandaj Diostami tapurca. Mandaj Diosca Davidmanca: “Saulpish, paipaj huasi ucupuracunapish gabaonitacunata huañuchishpa yahuarta jichashcamantami chashna llaquica tiyan” nircami.

ÉXODO 33:1

Mandaj Diosca Moisestaca: –Egiptomanta can llujshichimushca israelcunata pushashpa huichi rilla. Abrahamman, Isaacman, Jacobmanca: Cai llajtataca cambaj huahua huahuacunamanmi cushatajmi nircani. Israelcunataca chaiman pushashpa rilla.

RUT 1:1

Israel llajtata juezcuna mandacui huatacunami, chai llajtapi jatun yaricai tiyajpi, Judapi caj Belenpi causajcunapuramanta shuj runaca paipaj huarmindij, paipaj ishqui churicunandij Moab llajtapi causagrirca.