GÉNESIS 24:53 - Dios Rimashca Shimicunami

⁵³ Chai q'uipami Abrahampajta ruraj runaca cullquimanta, curimanta rurashca sumajcunatapish, churanacunatapish llujshichishpa Rebecaman curca. Paipaj turi Labanmanpish, paipaj mamamanpish tucui laya sumajcunatami curca.

GÉNESIS 24:53 Iomraidhean Croise

GÉNESIS 24:10

Chai q'uipaca paipajta ruraj runaca paipaj amo Abraham charishcacunataca tucuimanta yalli alli camaricunata agllashpa, amopaj chunga camellocunata japishpa chaicunaman apachishpa ñanpi yaicushpaca, Mesopotamiapi caj Nacor causacun pueblomanmi chayarca.

GÉNESIS 24:22

Camellocuna yacuta ña mana nijta ubyajpica, Abrahampajta ruraj runaca Rebecamanca chaupi siclota pezaj curi shuj argollata, chunga siclota pezaj curi ishqui brazaletecunata cushpami,

2 CRÓNICAS 21:3

Tucuicunamanmi paicunapaj yaya Josafatca achca curita, cullquita, ima sumaj charinacunata, jatun pircacunayuj pueblocunatapish Judá llajtapi cushca carca. Judá llajtata mandanataca, Joram paipaj punta churi cashcamantami, paiman cushca carca.

ESDRAS 1:6

Paicunamanca paicunapaj muyundijpi causajcunami cullquita, curita, ima charinacunatapish, animalcunatapish, tucui valij charinacunatapish cushpa cacharcacuna. Chai jahuami ofrendacunatapish quiquin munashca shina curcacuna.

ÉXODO 11:2

Israelcunataca c'aricunatapish, huarmicunatapish paicunapaj c'uchullapi causaj egipciocunataca cullquimanta, curimanta rurashca sumaj charinacunata mañachun mandai– nircami.

ÉXODO 12:35

Israelcunaca Moisés mandashca shinallatajmi egipciocunataca cullquimanta, curimanta rurashca sumaj charinacunatapish, churanacunatapish mañarcacuna.

ÉXODO 3:22

Tucui huarmicunami egipcia huarmicunataca cancunapaj c'uchullapi causajcunatapish, cancunallahuantaj causajcunatapish, cullquimanta, curimanta rurashca sumaj charinacunata, churanacunatapish mañana canguichij. Chaicunatami cancunapaj churicunamanpish, ushushicunamanpish churachinguichij. Chashnami egipciocuna imalla charishcacunata quichushpa ringuichij ningui– nircami.

CANTARES 1:10

Cambaj quijaduscunaca can aparishca zarcillo chaupipica sumajmari ricurin. Cungapipish sumaj huallcacunata aparishcamari cangui.

CANTARES 4:13

Cambaj retoñocunaca, granada yuracunayuj huerta shinamari. Chai yurapi p'ucucuj grano shina mishquimari. Canca alheña sisacunahuan, nardocunahuan junda huerta shinamari cangui.

ISAÍAS 39:2

Ezequiasca paicunahuan cushicushpami paipaj huasipi imalla huaquichishcacunataca, cullquita, curita, mishquijllata ashnacujcunata, ashtahuan alli aceiteta, macanacunacunata huaquichinacunata, paipaj huaquichinacunapi imalla tiyajcunatapish tucuita paicunaman ricuchirca. Ezequiasca paipaj huasipipish, pai mandacunpipish imata mana saquishpa tucuitami ricuchirca.