GÉNESIS 24:44 - Dios Rimashca Shimicunami

⁴⁴ Shina nijpi paica: Caillahuan ubyapai, cambaj camellocunamanpish yacuta huishishpa ubyachisha nij huarmimi, cambajta ruraj Isaacman quiquin cushca huarmi canga nishpami mañacurcani”.

GÉNESIS 24:44 Iomraidhean Croise

GÉNESIS 2:22

Mandaj Taita Diosca Adanmanta llujshichishca tullumantaca shuj huarmita rurashpami paipajman apamurca.

GÉNESIS 24:14

maijan solteratami ñuca: Cambaj puñuta uricuchishpa yacuta ñucaman ubyachihuai nijpi paica: Ubyailla, cambaj camellocunamanpish ubyachisha nij huarmimi, cambajta ruraj Isaacman quiquin cushca huarmi canga. Chaita ricushpami, ñuca amota quiquin c'uyashcataca yachasha” nircami.

GÉNESIS 24:43

cai pugyu c'uchullapi ñuca shayacujpi maijan solterata cai pugyumanta yacuta apanaman pushamupai. Paitaca ñucaca: Riqui asha yacuta ñuca ubyangapaj cambaj puñumanta cuhuai nishami.

GÉNESIS 24:45

Ñuca shungupi chashna mañacujpirajmi, Rebecaca puñuta rigra jahuapi churashca shamucushca carca. Paica pugyuman uriyashcahuan, yacuta huishishpa tigragrijpimi: “Yacuta ñucaman ubyachihuai” nishpa rogarcani.

PROVERBIOS 16:33

Migllapi suerteta rurajpipish, Mandaj Diosmi imata ruranataca ricuchin.

PROVERBIOS 18:22

Maijanpish casarashpa huarmiyuj tucujca, ima charinacunayuj tucushcatapish yallimi. Taita Dios c'uyashpa cushcatamari chasquin.

PROVERBIOS 19:14

Yaya mamaca huasitapish, ima charinacunatapishmi cun. Ashtahuanpish Mandaj Diosca, alli yuyaiyuj huarmitamari cun.

ISAÍAS 32:8

Ashtahuanpish alli yuyaiyuj runaca alli yuyaihuan allicunallatami yuyarin. Paica alli yuyaicunallata yuyarij cashcamantami jatunyachishca canga.

1 Timoteo 2:10

Chaipaj randica allicunata rurashpa, Diosta yuyarij huarmicuna rurana cashca shinallataj rurachun.

Hebreos 13:2

Cancunaca puzachinataca, amataj cungaringuichijchu. Chashna puzachijcuna cashcamantami maijancunaca pi cashcata mana yachashpapish angelcunata puzachircacuna.

1 Pedro 3:8

Tucuimanta yallica, tucuicuna chai shinallataj cashcata yuyaichij. Llaquilla cajcunahuanpish llaquirij caichij. Quiquin huauquindij shina c'uyanacuichij, llaquijcuna caichij, caishuj chaishujhuanpish apanacujcuna caichij.