GÉNESIS 24:42 - Dios Rimashca Shimicunami

⁴² Chaimantami ñucaca cai puebloman yaicuna yacu pugyu c'uchuman chayamushpaca cashna mañarcani: “Ñuca amo Abrahamta Mandaj Taita Dios cunan ñuca caiman shamushca ama yanga cachun quiquin allita rurashpaca,

GÉNESIS 24:42 Iomraidhean Croise

GÉNESIS 24:11

Ña chishiyacuitami puebloman yaicunllapi caj pugyu c'uchupi, camellocunata cungurichishpa samachicurca. Chaica chai pueblopi causaj solteracuna yacuta huishinaman rina horasmi carca.

GÉNESIS 24:27

“Ñuca amo Abrahamta Mandaj Taita Diostaca alli nishca cachun. Paica ñuca amota c'uyashpa, pai imata nishcata pajtachishpami, ñucataca tucui ñanta pushashpa ñuca amopaj huauquicunapaj huasiman pushamushca” nishpami adorarca.

GÉNESIS 24:31

cashnami nirca: –Mandaj Dios alli nishca runa jacupai. ¿Maitataj caipica pacaringuiyari? Cancuna samarina huasitapish, camellocunata maipi churanatapish ñamari allichimuni– nirca.

GÉNESIS 39:3

Josepaj amoca Mandaj Diosca Josehuan cashcamanta, tucui pai imalla charishcacunapish yallitaj achcayashcatami ricurca.

ESDRAS 8:21

Ahava jatun yacu c'uchullapitaj cashpami, ñucanchijtapish, ñucanchij huahuacunatapish, ñucanchij imalla charishcacunandij ñanta Dios alli pushachun, paipaj ñaupajpi llaquirishca shunguhuan paita mañangapaj ayunashunchij nishpa mandarcani.

NEHEMÍAS 1:11

Mandaj Dios quiquintami rogani. Cambaj shutita alli nina yuyaihuan cajcunataca cambajta ruraj ñuca mañashcatapish, cambajta ruraj caishujcuna mañashcatapish uyahuai. Cambajta ruraj ñuca jatun mandajpaj ñaupajpi alli ricurichun ayudahuai” nishpami Diosta mañarcani. Chai punllacunaca ñucaca jatun mandajman vinota pasachijmi carcani.

SALMOS 37:5

Cambaj purinataca Mandaj Diosman mingai. Paillapi shunguta churai. Paica imatapish can munashcata rurangami.

SALMOS 90:17

Ñucanchij Taita Dioslla Mandaj Diospaj luzca ñucanchij jahuapi cashca ricurichun. Ñucanchij rurashcacuna allitaj cajpica ñucanchij maquihuan rurashcacunataca sinchi cashcata ricuchiyari.

Hechos 10:22

paicunaca: –Ñucanchijca patsaj soldadocunata mandaj Cornelio cachajpimi shamunchij. Paica Taita Diosta manchaj, cashcata rurajmi. Paica judiocuna alli nishcami causan. Paimanmi jucha illaj ángel ricurishpaca: “Pedrota cambaj huasiman pushanaman cachai, pai imalla huillashcata alli uyangui” nishcami– nircacunami.

Romanos 1:10

Cunantajca ima shinapish Taita Diospaj munai cajpica, cancunapajman alli shamungapajmi mañacunilla.

1 SAMUEL 1:13

Ashtahuanpish shungullapi mañacushcamanta Anapaj shimi cuyurishpapish rimashcaca mana uyarijpimi, Elica paitaca machashcami canga yuyarca.

1 SAMUEL 9:6

Chaimi paipajta rurajca: –Cai pueblopica Diospajlla shuj runami tiyan, paica tucuicuna alli nishca runami, tucui imalla nishcapish pai nishca shinatajmi pajtan. Paipajman jacu, ñucanchij maillata mashcashpa ñucanchij mashcacushcata japigrinata huillangapishchari– nirca.