GÉNESIS 24:3 - Dios Rimashca Shimicunami

³ ñuca churi Isaactaca, ñuca causacun cai Canaán llajtapi causaj huarmicunapurahuan cazarachun mana saquinata jahua pachata, cai pachata Mandaj Taita Diospaj ñaupajpi ari ni.

GÉNESIS 24:3 Iomraidhean Croise

GÉNESIS 14:19

Paimi Abramtaca: “Abram, cantaca jahua pacha Taita Dios alli nishca cachun. Jahua pachatapish, cai pachatapish ruraj Taita Dios alli nishca cachun.

GÉNESIS 14:22

Shina nijpimi Abramca Sodomata jatun mandajtaca: Jahua pachatapish, cai pachatapish ruraj jahua pacha Mandaj Taita Diospaj ñaupajpimi,

GÉNESIS 21:23

Chaimanta cunanca ñucatapish, ñuca churitapish, ñuca nietotapish imata mana llaquichinata ari nipai. Ashtahuanpish ñuca cambaj ima shinami allita rurarcani, chai shinallataj canca ñucapajpish, can causacun cai llajtapajpish allita ruranata Mandaj Diospaj ñaupajpi ari nipai– nircami.

GÉNESIS 24:7

Ñucataca jahua pacha Mandaj Taita Diosmi ñuca yayapaj huasimanta, ñuca familiacunapuramanta pushamushpa ñucamanca: “Cai llajtataca cambaj huahua huahuacunaman cushatajmi” nirca. Ñuca churipaj shuj huarmita chai llajtamanta pushamuchunpish pai Diosllatajmi paipaj angelta canta ñaupachishpa cachanga.

GÉNESIS 27:46

Rebecaca Isaactaca: –Esaú paipaj huarmi cachun japishca heteo huarmicunamantaca ñuca causaipica llaquitami apacuni. Jacobpish Hetpaj ushushicunata paipaj huarmi cachun japijpi, cai huarmicunamanta shinallataj llaquita apacungapajllaca ¿imapajtaj causashpa catishari?– nircami.

GÉNESIS 28:1

Chaimi Isaacca, Jacobta cayashpa alli cashca cachun nishpa mandashpaca: “Cai Canaán llajtapi causajcunapaj ushushicunataca cambaj huarmi cachunca amataj japinguichu.

GÉNESIS 28:8

Canaanpi causajcunapaj ushushicunamantaca paipaj yaya Isaacca mana cushicui cashcata yacharca.

GÉNESIS 34:9

Ñucanchijca cancunapaj ushushicunata, cancunapish ñucanchij ushushicunata quiquin huarmicuna cachun japishpa, familiapura tucushunchijlla.

GÉNESIS 38:2

Chaipi cashpami Judaca, cananeo Súa shuti runapaj ushushita rijsishpa paipaj huarmi cachun japishpa paipi chayarirca.

GÉNESIS 47:31

Israelca: –Chaitaca rurashatajmi niyari– nijpimi Joseca: –Chashna rurashatajmi– nijpi Israelca, cama saunapi cumurirca.

GÉNESIS 50:25

Joseca Israelpaj churicunataca: “Taita Diosca cancunataca ricuj shamungatajmi. Chaipica cancunaca ñuca tullucunataca apashpa ringuichij” nishpami ari nichirca.

GÉNESIS 6:2

Taita Diospaj churicunaca chaicunapaj ushushicunaca sumaj cajta ricushpami tucuimanta yalli sumaj cajcunata agllashpa paicunapaj huarmi cachun japirca.

GÉNESIS 6:4

Taita Diospaj churicuna runacunapaj ushushicunahuan chayarinacujpi chai huachashca huahuacunami, chai punllacunapipish, q'uipa punllacunapipish yallitaj jatun c'ari c'ari runacuna tiyarca. Paicunaca alli macanacuj millai runacunami carca.

2 REYES 19:15

Ezequiasca Mandaj Diospaj ñaupajpica cashna nishpami mañarca: “Israelcunata Mandaj Dios, querubincunapaj chaupipimi causangui. Canllamari tucui cai pacha llajtacunapaj Dios cangui. Jahua pachatapish, cai pachatapish canmi rurarcangui.

2 CRÓNICAS 2:12

Hiramca, cashnapishmi nirca: “¡Israelcunata Mandaj Taita Diosca alli nishca cachun. Paimi jahua pachatapish, cai pachatapish rurarca. Pai Mandaj Diospaj huasitapish, mandashpa tiyana huasitapish shayachichunca, paillatajmari jatun mandaj Davidmanca cashna yachaj, alli yuyaiyuj, alli umayuj yuyaisapa churita cushca!

ESDRAS 5:11

Chaipi paicunaca: Ñucanchijca jahua pachapaj, cai pachapaj Diospajta rurajcunami canchij. Ñaupa huatacunaman rurashca huasita urmachishcatami cutin shayachicunchij. Chaitaca israelcunata jatun mandajmi shayachishca carca.

NEHEMÍAS 13:25

Chaimi paicunahuanca yallitaj p'iñarishpa: Mana allicunami canguichij nishpa maijan paicunataca huajtashpa ajchamanta c'utsashpa paicunataca: “Ñucanchij ushushicunataca mana israelcunapaj churicunamanca manataj cushunchu. Paicunapaj ushushicunatapish ñucanchij churicunapaj huarmi cachunca manataj japishunchu. Ñucanchijpish paicunapaj ushushicunataca ñucanchij huarmicuna cachunca manataj japishunchu” nishpami ari nichircani.

NEHEMÍAS 9:6

Chaipimi cashna nirca: “Quiquinllami Mandaj Dios cangui. Jahua pachatapish, quiquinmi rurashcangui. Jahua pachamanta jahuaman caj pachacunatapish quiquinmi rurashcangui. Chaipi tucui imalla tiyajcunatapish quiquinmi rurashcangui. Cai pachatapish quiquinmi rurashcangui. Chaipi tucui imalla tiyajcunatapish quiquinmi rurashcangui. Mama cuchatapish quiquinmi rurashcangui. Chaipi tucui imalla tiyajcunatapish quiquinmi rurashcangui. Tucui chaicunamanca quiquinmi causaita cungui. Jahua pacha angelcunapish quiquintami adorancuna.

SALMOS 115:15

Mandaj Diospaj cajcuna alli nishca caichij. Jahua pachata, cai pachata ruraj Dios alli nishca caichij.

SALMOS 136:26

Jahua pachapi causaj Taita Diosta alabaichigari. Pai llaquij canaca huiñaipajmari.

ÉXODO 20:7

Mandaj cambaj Diospaj shutipica manapish rimanapica ama rimangui. Ñuca shutita manapish rimanapi rimajtaca llaquichishatajmi.

ÉXODO 22:11

chaipica chai cuidacuj runaca, mingaj runamanca: “Mandaj Diospaj ñaupajpimi, ñucaca imata manataj rurarcanichu” nishpa huillanga. Chai animalyujca pai nishcata crichun. Cuidacujca ama pagachun.

ÉXODO 23:13

Tucui ñuca imalla nishcacunata pajtachinguichij. Shujtaj dioscunapaj shutipica ama mañanguichij. Cancunapaj shimimanca chai dioscunata rimanaca ama llujshichunllapish.

ÉXODO 34:16

Mana cashpaca cancunapaj churicunapaj huarmi cachunmi paicunapaj ushushicunata japinguichij. Chai huarmicunaca paicunapaj dioscunahuan huainayacushpaca, cancunapaj churicunatapish paicunapaj dioscunahuanmi huainayachinga.

ISAÍAS 45:23

Ñucatajmi chashnatajmi rurasha nircani. Cashcatataj rurana shimicunaca ñuca shimimantami llujshin. Chashna nishcaca mana huashaman tigrarishcachu canga. Ñuca ñaupajpica tucuicunami cunguringacuna. Tucuicunami ñuca shutipi imatapish rurashun ningacuna.

ISAÍAS 48:1

Jacobpaj huahuacuna, caita uyaichij. Cancunaca Israel shutitami apanguichij. Judapaj huahua huahuacuna, caita uyaichij. Mandaj Diospaj shutipi imatapish pajtachishami nijcuna caita uyaichij. Cancunaca israelcunapaj Diosta yuyarijcunami canguichij. Paita yuyarina shinatajca mana ruranguichijchu. Cashcatatajca mana ruranguichijchu.

ISAÍAS 65:16

Cai pachapi maijanpish allicunata cuchun nishpaca, imatapish pajtachij Diospaj shutipimi chaitaca ninga. Cai pachapi maijanpish imatapish chashnataj cashcatami huillani nishpapish, imatapish pajtachij Diospaj shutipimi chashnatajmi ninga. Ñaupaman llaquita apashcacunataca cungarishcami canga. Tucui llaquimi ñuca ñaupajmantaca ña illanga.

JEREMÍAS 10:11

Israelcuna, cashna nichigari: “Manapish cai pachata, jahua pachata ruraj dioscunaca allpamanta anchuchishca cachun. Chaipica shujllapish ama saquirichun” nichigari.

JEREMÍAS 12:16

Chai llajtacunapi causajcunami ñuca runacunataca: Baalpish ricucunmi ninata yachachircacuna. Q'uipataca chai shinallataj paicunapish ñuca agllashcacunaman ñuca cushca yachanata yachachuncuna. Tucui shunguhuan chaita yachashpa, ñucatapish: Mandaj Dios ricucunmi nichuncuna. Chashnaca ñuca agllashcacunapurapi causangallacunami.

JEREMÍAS 29:6

Shinallataj casarashpa churicunata, ushushicunata charichijlla. Paicunapish huahuacunayuj tucuchun casarachichijlla. Tucurinapaj randica, chai llajtapi ashtahuan mirarichijlla.

JEREMÍAS 4:2

Chaimantaca mana nij tucushpalla, alli yuyaihuantaj, tucui shunguhuantaj: Mandaj Diosca causacunmi nichigari. Chaipica shujtaj llajtacunapi causajcunapish, ñucamantamari allicunata chasquingacuna. Ñucahuanmari cushicungacuna” ninmi.

LEVÍTICO 19:12

Cancunapaj Taita Diospaj shutita yanganchishpa, manapish pajtachingapaj pajtachishatajmi nishpa ñuca shutipi ama ninguichij. Ñucami Mandaj Dios cani.

SOFONÍAS 1:5

Huasi jahuaman huichiyashpa luzerocunata cungurijcunatapish, Mandaj Diospish, Milcom diospish ricucunmi nishpa llullashpa cungurijcunatapishmi chingachisha ninmi.

NÚMEROS 5:21

curaca chai huarmitaca cashna nichun: Cantaca Mandaj Diosca mana allita rurashcamanta llaquichishpa cambaj llajtapi causajcunaman mana alli cashcata ricuchishca cachun. Mandaj Diosca cambaj changata tandachichun. Cambaj huijsatapish p'unguichichun.

1 Corintios 7:39

Cazarashca huarmica mandashcapi nishca shinaca, cusa causacujpirajca huatashcami. Ashtahuanpish cusa huañujpica, ña mana huatashca cashcamanta maijanhuanpish cazarai tucunmi. Ashtahuanca Mandaj Jesuspi cajlla cachun.

DEUTERONOMIO 10:20

Mandaj Dios cancunapaj Taita Diosta manchaichij. Paipajllata ruraichij, paillata catichij, imapish chashnataj cashcata nicushpaca paipaj shutipi nichij.

DEUTERONOMIO 6:13

Mandaj Dios cambaj Taita Diosllata manchangui, paipajllata rurangui. Imatapish paipaj shutillapi pajtachishami ningui.

Hebreos 6:16

Gentecunaca mana llullanichu ningapajca, paicunata yalli jatunpaj shutitami rimarin. Paicunaca chashnataj rurangapaj rimarishcamantaca, ña mana imata ninacucunachu can.

JOSUÉ 2:12

Ñuca cancunapaj allita rurashca shinallataj, cancunapish ñuca yayapaj paipaj huasipi tucui cajcunapaj allita rurangapaj Mandaj Diospaj ñaupajpi ari nishcata ricuchishpa shuj ricuchinata rurachunmi cunanca rogani.

JUECES 14:3

Chaimi Sansonpaj yaya mamaca: –Circuncisionta mana rurashca filisteocunapuramanta huarmihuan cazaranapaj randica ¿manachu ñucanchijpurapipish tucui ñucanchij cai pueblopipish huarmica tiyan?– nijpipish Sansonca paipaj yayataca: –Paihuan cazarachihuaichijlla. Chai huarmimari ñuca munashca– nircami.

1 SAMUEL 20:17

Jonatanca pai ima shinami Davidta pai quiquinta shina c'uyarca chai shinallataj Davidpish paita c'uyachunmi Davidtaca cutinllataj ari nichirca.

1 SAMUEL 30:15

Chaimi Davidca: –¿Chai soldadocuna maipi canman ñucata pushasha ninguichu?– nijpi paica: –Ñucata mana huañuchinata, ñuca amomanpish mana ricuchinata, Taita Diospaj ñaupajpi ari nijpica, chai gentecuna maipi canman pushashallami– nirca.